EZEQUIEL 12 - Ilokano Form-Based Bible: Ti Biblia (1973)

Iti pannacacayaw ti principe maipadto.

1Ti sao ni Jehova dimteng met caniac, a kinunana,

2Anac ti tao, sica agnaedca iti nagtengngaan ti balay a nasukir, Eze. 42:20. Mat. 13:14.nga addaanda matmata a pagkitada, ket dida cumita, nga addaanda laplapayag a pagdengngeg, ket dida dumngeg; ta isuda ti maysa a balay a nasukir.

3Gapuna, sica anac ti tao, saganaem ti gargaretmo nga umalis, ket umalisca bayat ti aldaw iti imatangda; ket umaliscanto manipud iti dissom agingga iti sabali a disso iti imatangda: nalabit otobendanto, nupay isuda ti balay a nasukir.

4Ket iruarmonto ti gargaretmo bayat ti aldaw iti imatangda, a cas gargaret a maipaay iti iyalis; ket sica rumuarcanto iti rumabii iti imatangda, a cas no rumuar dagiti tattao iti pannacaibelleng.

5Butbutamto ti bacud iti imatangda, ket idiay ti pagiruaram.

6Iti imatangda agibaclaycanto, ket agiruarcanto bayat ti sipnget; abbongamto ti rupam, tapno dicanto makita ti daga: bil. 11. Isa. 20:3. Eze. 24:24, 27.ta incabilca a maysa a tanda iti balay ti Israel.

7Ket inaramidco ti cas iti naibilin caniac: inruarco ti gargaretco bayat ti aldaw, a cas la gargaret a maipaay iti iyalis ket idi rumabii binutbutac ti bacud babaen itoy imac; nagiruarac bayat ti sipnget, ket nagibaclayac iti imatangda.

8Ket iti bigat dimteng caniac ti sao ni Jehova, a kinunana,

9Anac ti tao, saan aya a kinuna kenca ti balay ti Israel, ti nasukir a balay, Eze. 17:12; 24:19; 37:18.Ania ti aramidem?

10Cunam cadacuada, Castoy ti cuna ni Apo Jehova: Daytoy Isa. 13:1.nga awit isu ti maipapan iti principe idiay Jerusalem, ken amin a balay ti Israel nga adda iti nagtengngaanda.

11Cunaem, Siac ti tandayo: Eze. 24:24.cas ti inaramidco, castanto ti maaramid cadacuada; mapandanto iti pannacaibelleng, iti pannacacayaw.

12Ket ti principe nga adda cadacuada agibaclayto bayat ti sipnget, ket rumuarto; ket butbutandanto ti bacud a pangiruaranda: abbongannanto ti rupana, tapno saannanto a makita ti daga cadagiti matana.

13Ti batengco Eze. 17:20. Os. 7:12.iyucradconto met iti rabawna, ket isu matiliw iti siloc; ket isu 2 Ar. 25:7.ipanconto idiay Babilonia, iti daga dagiti Caldeos; Gen. 32:5; 34:3-4; 39:7.ngem isu dinanto makita, Jer. 52:11.nupay matayto idiay.

14Ket iwarisconto nga iturong iti amin nga angin 2 Ar. 25:5.isu-amin nga adda iti aglicmutna a tumulong kencuana, ken amin dagiti buybuyotna; ket Eze. 5:2.asutecto ti campilan iti licudanda.

15Ket maammoandanto a siac ni Eze. 6:7.Jehova intono iburayco ida cadagiti nasnacion ken iwarisco ida cadagiti dagdaga.

16Ngem Eze. 6:8, 9, 10; 14:22.ispalecto ti sumagmamano a lallaki cadacuada iti campilan, iti bisin, ken iti angol; tapno ipalawagda coma dagiti amin a kinarimonda iti nagtengngaan dagiti nasnacion a pacadanonanda; ket mabigbigdanto a siac ni Jehova.

17Castamet ti sao ni Jehova dimteng caniac, a kinunana,

18Anac ti tao, canem a sipipigerger, ti tinapaymo, ket inumem a sitatayegteg, ken sibubuteng ti danummo;

19Ket cunam iti umili iti daga, Castoy ti cuna ni Apo Jehova a maipapan cadagiti agnaed iti Jerusalem, ken iti daga ti Israel: Canendanto a sibubuteng, ti tinapayda ket inumendanto a sicucullayaw ti danumda, tapno ti dagada malangalangto, ket masamsam ti amin nga adda kencuana, Sal. 107:34.agsipud iti panangranggas dagiti amin nga agnaed kencuana.

20Ket dagiti il-ili nga adda agnaed cadacuada maracracdanto, ket ti daga langalangto; ket mabigbigyonto a siac ni Jehova.

21Ket ti sao ni Jehova dimteng caniac, a kinunana,

22Anac ti tao, ania ti proverbio nga adda cadacayo iti daga ti Israel, a cunana, Dagiti al-aldaw bil. 27. Eze. 11:3. 2 Ped. 3:4.mayatiddogda ket tunggal sirmata madadael?

23Ibagam ngarud cadacuada, castoy ti cuna ni Apo Jehova: Pasardengecto daytoy a proverbio, ket didanton aramaten a cas maysa a proverbio iti Israel; ngem cunaem cadacuada, Dagiti al-aldaw asidegen, ken ti pannacatungpal ti tunggal sirmata.

24Ta Eze. 13:23.awanton ti barengbareng a sirmata wenno D. Un. 2:14.padles a pangpasablog iti uneg ti balay ti Israel.

25Ta siac ni Jehova; agsaoacto, ket ti sao a saoecto Isa. 55:11.maaramidto; saanton a mayataday: ta cadagiti al-aldawyo, O balay a nasukir, isawangconto ti sao, ket tungpalecto, cuna ni Apo Jehova.

26Dimteng manen caniac ti sao ni Jehova, a kinunana,

27Anac ti tao, adtoy, dagiti nagtaud iti balay ti Israel cunada, Amos 6:3.Ti sirmata a makitana maipaay calpasan iti adu pay nga aldaw, ken isu agipadto maipapan cadagiti pannawen nga adayu.

28Gapuna cunaem cadacuada, Castoy ti cuna ni Apo Jehova: Awanton ti mayataday cadagiti sasao, no di ket ti sao nga isawangconto maaramidto, cuna ni Apo Jehova.