1Denggem ti timecco, itoy panagasugco, O Dios, salacnibam toy biagco iti panagbuteng iti cabusor.
2Ilemmengnac iti nalimed a panangisicat dagiti managdacdakes, iti riribuc dagiti agar-aramid iti kinakillo;
3 Sal. 7:4. Dagidiay a pinatademda ti dilada a cas campilan, ken insirigda dagiti Sal. 58:7.panpanada, nga isuda dagiti napait a sasao;
4Tapno cadagiti nalmeng a yan puntaanda ti napnoan-imbag: iti pettat ipuntadan kencuana, ket dida agbuteng.
5Paturdenda dagiti bagbagida iti dakes a gandat; pagtutulaganda ti agisaad iti silo a nalinged; cunada, Job 22:13. Sal. 10:11.Siasino ti macakitanto cadacuada?
6Isuda sapulenda dagiti kinadangkes; nalpasmin, cunada, ti nagaget a panangsapsapul: ket ti nalimed a panunot ken ti puso ti tunggal maysa nauneg.
7 Sal. 7:12, 13. Ngem ti Dios puntaannanto ida; iti pettat masugatdanto iti maysa a pana.
8Iti casta Prov. 18:7.maitublacdanto, a dagiti met la dilada ti maibusorto cadacuada: amin dagiti macakita cadacuada Sal. 31:11.iwingiwingdanto dagiti ul-uloda.
9Ket amin a tao Sal. 40:3.agbutengdanto; ket ibunannagdanto ti aramid ti Dios, ket ututobendanto a simamanakem ti panangaramidna.
10Dagiti nalinteg Sal. 32:11.maayayatandanto ken Jehova, ket agcamangdanto kencuana; ket amin dagiti sililinteg iti pusoda agragsacdanto.
Who We AreWhat We EelieveWhat We Do
2025 by iamachristian.org,Inc All rights reserved.
