DAGITI SALMO 25 - Ilokano Form-Based Bible: Ti Biblia (1973)

Panagdawat iti Badang, Panangiturong, ken Pacawan. Salmo ni David.

1Kenca, Sal. 86:4. D. Un. 3:41.O Jehova, itangadco toy cararwac.

2O Diosco, Sal. 22:4, 5; 34:8; 115:9-11.kenca nagtalecac, Sal. 31:1, 17.dinac baybay-an a maibabain; dica ipalubos a dagiti cabusorco agballigida caniac.

3Wen, Isa. 49:23.awan ti agpannuray kenca a maibabainto: isudanto ti maibabain dagiti managliliput nga awan gapgapuna.

4 Ex. 33:13. Sal. 27:11. Iparangmo caniac dagiti daldalanmo, O Jehova; isurom caniac dagiti dandanam.

5Iturongnac iti kinapudnom, ket isuronac; ta sica ti Dios ti pannacaisalacanco; ta kenca agururayac iti agmalmalem.

6Lagipem, O Jehova, dagiti nadungngo a caasim ken dagiti kinamanagayatmo; Sal. 103:17.ta agnanayonda nanipud idi ugma.

7 Job 13:26. Jer. 3:25. Dica lagipen dagiti basbasol ti kinaagtutuboc, ken kinalabsingco: cas mayannurot iti kinamanagayatmo sica lagipennac coma, gapu iti kinaimbagmo, O Jehova.

8Naimbag ket nalinteg ni Jehova: anansata isuronanto dagiti managbasol iti dalan.

9Iturongnanto ti naemma iti kinalinteg; ket isuronanto ti dalanna iti naemma.

10Amin dagiti dandana ni Jehova pulos a kinamanagayat ken kinapudno. Cadagiti mangsalimetmet iti tulagna ken cadagiti pammanecnecna.

11 Sal. 23:3; 31:3; 109:21. Gapu iti caicarian ti naganmo, O Jehova, pacawanem ti kinadakesco, Rom. 5:20.ta dackel.

12Asino a tao ti agbuteng ken Jehova? Daydiay isuronanto iti dalan a pilienna.

13Ti cararwana agnaedto iti kinanam-ay; ket ti putotna tawidennanto ti daga.

14 Prov. 3:22. Isa. 54:13. Juan 6:45. Ti kinapagayam ni Jehova addanto cadagiti agbuteng kencuana; ket iparangnanto cadacuada ti tulagna.

15Dagiti matac agnanayonda a situturong ken Jehova; ta Sal. 141:8.alut-utennanto dagiti sacsacac iti Sal. 31:4.bateng.

16 Sal. 69:16; 119:132. Taliawennac ken caasiannac; ta matalimpungawac ken maducotanac.

17Dagiti dandanag toy pusoc dimmadackelda: ay alawennac cadi cadagiti pacarigatac.

18 2 Sam. 16:12. Imatangam ti ducotco ken ti bannogco; ket pacawanem amin dagiti basbasolco.

19Imatangam dagiti cabusorco, ta aduda; ket guraendac iti naranggas a gura.

20Ay igagam toy cararwac, ket ispalennac: bil. 2.dinac baybay-an a maibabain, Sal. 16:1.ta agcamangac kenca.

21Ti kinaimbag ken kinalinteg salacnibandac coma, ta sica ti ururayec.

22 Sal. 130:8. Subbotem ti Israel, O Dios, cadagiti amin a pacaducotanna.