JOB 28 - Ilokano Form-Based Bible: Ti Biblia (1973)

Ti laing ti tao nga agsarac cadagiti gameng ti daga. Ti sirib nabacbacnang a gameng, a ti ubbogna ti laeng Dios ti Macaammo.

1Pudno adda minas ti pirac, ken adda minas ti balitoc a gugoranda.

2Ti londoc maala iti daga, ket ti gambang matunaw nga aggapu iti bato.

3 Ti tao mangisaad iti maysa nga ungto iti sipnget, ket mangsukisuc, agingga iti caadayuan unay a beddeng, dagiti batbato ti sipnget ken ti nacaro a kinasipnget.

4Mangcali iti maysa a dariwangwang idiay lacsid ti pagnaedan dagiti tattao isuda malipatanda iti saca; ibitinda iti adayu cadagiti tattao, nga agpallapallayogda.

5Ti maipapan iti daga, isu ti paggapuan ti tinapay; ket ti babana a cas nabaliwan idi ti apuy.

6Dagiti batbatona isuda ti yan dagiti zafiro, ket addaan mocomoc ti balitoc.

7Dayta a dana saan nga ammo ti tumatayab nga agseppeg. Uray ti mata ti sawi dina nakita:

8Dagiti napusong nga an-animal isu ti dida binaddec, uray ti narungsot a leon saan a limmasat idiay.

9Icabilna ti imana iti rabaw ti pamulinawen; balikidenna dagiti banbantay cadagiti popoonda.

10Calienna dagiti cancanal iti tengnga dagiti batbato; ket ti matana makitana tunggal napateg a banag.

11Bungonenna dagiti ub-ubbog tapno dida agtedted; ket ti banag a nailemmeng iyegna iti lawag.

12 Ecle. 7:24. Ngem sadinonto ti pacasaracan ti sirib? Ken sadino ti yan ti pannacaawat?

13Ti tao dina ammo ti pategna; ket saan a masaracan idiay daga dagiti sibibiag.

14Cuna ti yuyeng, Awan caniac; ket cuna ti taaw, Awan caniac.

15 Prov. 3:14; 8:11, 19. Isu saan a magun-od gapu iti balitoc, uray ti pirac dinto matimbeng a maipaay iti pategna.

16Isu di-magatadan iti Sal. 45:9. 1 Ar. 9:28.balitoc ti Ofir, iti napateg nga onix, wenno iti zafiro.

17Balitoc ken sarming dida pumadpad kencuana, saan met a masucatan gapu cadagiti alajas a ginuguran a balitoc.

18Awanto ti pacasaritaan a maipapan iti corales wenno iti cristal: wen, ti pateg ti sirib nangatngato ngem cadagiti Prov. 3:15; 8:11; 20:15; 31:10.rubrubi.

19Ti topacio ti Etiopia dinto pumadpad kencuana, dinto mapatgan iti pulpulos a balitoc.

20Sadino ngarud ti paggapuan ti sirib? Ken sadino ti yan ti pannacaawat?

21Idinto ta nailemmeng cadagiti mata ti amin nga agbiag, ken naitalimeng cadagiti tumatayab ti langit.

22Da Job 26:6. Prov. 15:11.Pannacarba ken Patay cunada nangngegmi ti maysa nga anabaabna cadagiti lapayagmi.

23Ti Aginga bil. 28. Prov. 8:22, 31.Dios maawatanna ti dalanna, ken ammona ti yanna.

24Ta matmatanna dagiti ungto ti daga, ket cumita iti baba ti amin a langit;

25A Sal. 135:7.mangtimbeng iti angin; wen; dagiti dandanum sucatenna iti pagsucatan.

26Idi nangaramid iti maysa a pangngeddeng a maipaay iti tudo, ken maysa a dalan a maipaay iti kimat ti gurrood;

27Idin isu kinitana, ken impalawagna; isu pinasingkedanna, wen, ket isu pinalutputna.

28Ket kinunana iti tao, adtoy, Deut. 4:6. Ecle. 12:13.ti panagbuteng iti Apo, dayta isu ti sirib; ket ti Prov. 3:7; 11:6.panangpanaw iti dakes isu ti pannacawat.