DAGITI PROVERBIO 29 - Ilokano Form-Based Bible: Ti Biblia (1973)

Nadumaduma a proverbios a mamagdidilig.

1 1 Sam. 2:25. Prov. 1:24, 27. Ti tao nga idinto a masansan a matubngar ipatangkenna ti teltelna maclaatto a madadael, Prov. 6:15.ket dayta awan ti pamuspusanen.

2 Prov. 11:10. No dagiti nalinteg umaduda, ti umili agragrag-o; Est. 3:15.ngem no agturay ti nadangkes a tao, ti umili sumasainnec.

3 Prov. 10:1; 15:20. Ti mangayat iti kinasirib paragsakenna ni amana; Prov. 5:9, 10; 6:26.ngem ti makicadcadua cadagiti balangcantis runotenna ti cucuana.

4Ti ari gapu iti kinajusticia pabilgenna ti daga; ngem daydiay nga agkiddaw iti sagsagut reggaayenna.

5Ti tao a mangpaspasablog iti caarrubana, mangyucrad iti iket cadagiti ad-addangna.

6Iti panagsalungasing ti dakes a tao adda silo; ngem dagiti nalinteg agcancanta ken agragrag-oda.

7Ti nalinteg Job 29:16.ammoenna ti biang ti napanglaw; ngem ti Prov. 28:27.nadangkes awan pannacaawatna a mangammo.

8 Prov. 11:11. Dagiti mananguyaw icabilda ti ili iti gil-ayab; ngem dagiti masirib a tattao pacsiatenda ti rungsot.

9No ti tao a masirib makisubang iti maag, Mat. 11:17.macaunget man wenno agcatawa, awanto ti inana.

10 Gen. 4:5, 8. 1 Juan 3:12. Dagiti mawaw iti dara cagurada ti napnoan-imbag; ngem no maipapan cadagiti nalinteg, sapulenda ti biagna.

11 Prov. 12:16; 14:33. Ti maag iyesngawna amin a pungtotna; ngem ti masirib igawidna ket patalnaenna.

12No ti agturay ipangagna ti ulbod, amin nga ad-adipenna nadangkesda.

13 Prov. 22:2. Ti napanglaw a tao ken ti mamarigat agsaracda; ni Job 25:3. Mat. 5:45.Jehova silawanna dagiti matada a dua.

14 Sal. 72:4. Prov. 20:28. Ti ari nga ocomenna a simamatalec ti napanglaw, ti tronona mapasingkedanto iti agnanayon.

15 Prov. 10:1; 13:24. Ti pagbaot ken panangtubngar itdenda ti kinasirib; ngem ti inanac a mabaybay-an ibabainna ni inana.

16No umadu dagiti nadangkes, umadu ti salungasing; Sal. 37:36; 58:10.ngem dagiti nalinteg makitadanto ti pannacatnagda.

17 Prov. 22:15. Tubngarem ti anacmo, ket itdennanto kenca ti inana; wen, itdennanto ti rag-o ita cararuam.

18 Sal. 74:9. No sadino ti awanan ti sirmata, ti ili iwagsacna ti pannacatengngel; ngem ti mangsalimetmet iti linteg nagasat.

19Ti adipen dinto mapalinteg cadagiti sasao; ta nupay Luc. 11:28.maawatanna saanna nga icancano.

20Makitam ti maysa a tao a nadursoc cadagiti panagsasaona? Prov. 26:12.Adadda a panginanamaan iti maysa a maag ngem iti daydiay.

21Ti mangtaraken a sidudungngo iti adipenna manipud kinaubingna mapagbalinnanto nga anac iti camaudianan.

22Ti naunget a tao mamaltuad iti ringgor, ket ti narungsot a tao aglapusanan iti kinasalungasing.

23 Job 22:29. Prov. 15:33; 18:12. Dan. 4:37. Mat. 23:12. Sant. 4:6. Ti tangsit ti tao mangipababanto kencuana; ngem ti sipapacumbaba ti espirituna maragpatnanto ti dayaw.

24Ti cadua ti mannanacaw Prov. 8:36.guraenna ti cararuana met laeng; denggenna ti mangpasapata ket awan ti ibagana.

25 Gen. 12:12; 20:2, 11. Juan 12:43. Ti panagbuteng iti tao mangyeg iti silo; Sal. 25:2.ngem ti agcammatalec ken Jehova natalgedto.

26Adu dagiti agbiruc iti parabur ti agturay; ngem ti pannacaocom ti tao aggapu ken Jehova.

27Ti managdacdakes a tao maysa a macarimon cadagiti nalinteg; ket ti sililinteg iti dalan maysa a macarimon cadagiti nadangkes.