II SAMUEL 22 - Ilokano Form-Based Bible: Ti Biblia (1973)

Ti salmo a pagdayaw ni David.

1Ket ni Ex. 15. Oc. 5:1. Sal. 18.David insaona ken ni Jehova dagiti balicas daytoy a canta idi aldaw a panangispal ni Jehova kencuana iti ima dagiti isu-amin a cabusorna, ken iti ima ni Saul:

2 Aginga bil. 51. Sal. 18:2-50. Ket isu kinunana, ni Jehova isu ti batoc, ken sarikedkedco, ken mangispal caniac, a cucuac met laeng.

3Ti Dios, Deut. 32:4.batoc, a kencuana Heb. 2:13.agcamangacto; Gen. 15:1.calasagco, ken Luc. 1:69.sara ti Sal. 9:9; 46:1.pacaisalacanac, torrec a nangato, ken camangco; mangisalacanco, isalacannac iti ranggas.

4Umawagacto ken Jehova, a Sal. 48:1.maicari a madaydayaw: iti casta maispalacto cadagiti cabusorco.

5Ta dagiti allon ni patay inalicubcubdac. Dagiti layus ti kinadamsac pinagbutengdac:

6Dagiti singdan ni Tanem nailicmut caniac; dagiti silo ni patay immayda caniac.

7Iti panagleddaangco inawagac ni Jehova; wen, immasugac iti Diosco: ket isu nangngegna ti timecco nanipud iti templona. Ket ti asugco Sal. 18:6. dimteng cadagiti lapayagna.

8 Oc. 5:4. Idin ti daga nagarigengen ken nagpigerger, Job 26:11.dagiti cimiento ti langit nagginginedda, ket nagarigengenda, gapu ta isu nagpungtot.

9Ngimmato ti maysa nga asuc a rimmuar cadagiti abut ti agongna, ket ti apuy a naggapu iti ngiwatna nangalun-un: dagiti beggang napadarangda gapu kencuana.

10 Sal. 144:5. Isa. 64:1. Isu inrucbabna met dagiti langlangit, ket bimmaba; Ex. 20:21.ket napuscol a sipnget adda idi iti baba dagiti sacsacana.

11Ket nagsacay iti maysa a kerubin, ket timmayab; wen, isu nakita Sal. 104:3.cadagiti paypayac ti angin.

12Ket pinagbalinna ti sipnget a bengbeng iti Job 36:29.aglicmut kencuana, a panaguummong dagiti dandanum, napuscol nga ul-ulep dagiti tangatang.

13Iti kinasilnag iti sangoananna dagiti beggang ti apuy napadarangda.

14 Sal. 29:3. Isa. 30:30. Ni Jehova naggurruud nanipud langit, ket ti Cangatoan inyebcasna ti timecna.

15 Sal. 7:13. Ket nangibiat cadagiti panpana, ket winarawarana ida; iti kimat, ket Jos. 10:10.riniribucna ida.

16Idin dagiti pagayusan ti taaw nagparangda, dagiti puon ti lubong nalucasanda, a gapu iti panangbabalaw ni Jehova, iti bang-es ti anges dagiti abut ti agongna.

17 Sal. 144:7. Isu nagbaon nanipud iti ngato, innalanac; Ex. 2:10.isu inalawnac cadagiti adu a dandanum:

18Isu inispalnac iti napigsa a cabusorco, cadagidiay a gumura caniac; ta napigsada unay idi caniac.

19 bil. 6. Immayda caniac idi aldaw ti kinadacsangasatco: ngem ni Jehova isu idi ti saranayco.

20 Sal. 31:8. Isu inserrecnac met iti nalawa a lugar; isu inispalnac, 2 Sam. 15:26. Sal. 22:8.ta nagragrag-o caniac.

21 1 Sam. 26:23. Sal. 7:8. Ni Jehova ginungunaannac iti mainugot iti kinalintegco; iti mainugot iti Sal. 24:4.kinadalus dagiti im-imac sinupapacannac.

22Ta siac sinalimetmetac dagiti daldalan ni Jehova, ket saanac a simmina a siuulpit iti Diosco.

23Ta isu-amin a bilbilinna addada idi iti Sal. 119:30.sangoanac; ket no maipapan cadagiti pagal-alagadanna, saanac a simmina cadacuada.

24Siac met awan idi ti curangco kencuana; ket inliclicco ti bagic iti kinadakesco.

25Gapuna a ni Jehova sinupapacannac iti mainugot iti kinalintegco; iti mainugot iti kinadalusco iti saclang dagiti matana.

26 Mat. 5:7. Iti nacaasi agparangcanto a nacaasi; ket iti tao a di agcurang, agparangcanto nga awan curang;

27Iti nadalus agparangcanto a nadalus; iti nadangcoc agparangcanto a bumusor.

28Ket ispalem ti Ex. 3:7.maparigat nga ili; ngem dagiti matam addada iti rabaw dagiti natangsit, tapno ipababam ida.

29Ta sica ti silawco, O Jehova; ket ni Jehova lawagannanto ti kinasipngetco.

30Ta gapu kenca agtarayac a mangsarut iti sangcabuyotan; gapu iti Diosco layawec ti bacud.

31No maipapan iti Dios, awan ti pagcurangan ti dalanna: Sal. 12:6.ti sao ni Jehova naipadasen; bil. 3. Sal. 17:7.isu ti maysa a calasag cadagiti amin nga agcamang kencuana.

32 Deut. 32:31, 39. 1 Sam. 2:2. Ta siasino ti Dios, no saan laeng a ni Jehova? Ket siasino ti maysa a bato, no saan a ti Diostayo?

33Ti Dios isu ti napigsa a sarikedkedco; ken Deut. 32:13; 33:29.mangidalan iti kinaan-anay iti dalanna.

34Isu pagbalinenna dagiti sacsacana a cas sacsaca ti ugsa, ket insaadnac iti tapaw dagiti nangato a lugarco.

35 Sal. 144:1. Isu isurona dagiti im-imac a makigubat, iti casta a dagiti tactakiagco baccugenda ti ba-i a gambang.

36Sica intedmo met caniac ti calasag ti panangisalacanmo; ket ta kinaalumamaymo pinatan-ocnac.

37 Prov. 4:12. Sica pinadackelmo dagiti adaddangco iti babaec; ket dagiti sacsacac saanda a nagcaglis.

38Kinamatco dagiti cabusorco, ket dinadaelco ida; saanac met a nagsubli inggana iti napucawda.

39Ket pinucawco ida, ken sinalputco ida amin; iti casta dida mabalin iti bumangon; wen, isuda mapasagda iti baba dagiti sacsacac.

40Ta sica Sal. 18:32, 39.binaricsannac iti kinabileg nga agpaay iti gubat; sica pinagtamedmo iti babaec dagidi a timmacder a maibusor caniac.

41 Gen. 49:8. Ex. 23:27. Sica pinagbalinmo met a dagiti cabusorco tallicudandac, tapno pucanec coma dagidi a gimmura caniac.

42Kimmitada, ngem awan idi ti siasinoman a nangispal; uray Job 27:9. Isa. 1:15.ken ni Jehova, ngem dina sinungbatan ida.

43Idin siac tinumecco ida a cas iti tapoc ti daga, linusitco ida a cas iti Mik. 7:10.pitac dagiti lansangan, ket inwarsiwarsic ida.

44 2 Sam. 20:1, 2, 22. Sica inispalnac met iti ringgor cadagiti cailiac; sica inaywanannac tapno siac ti 2 Sam. 8:1, 14.olo dagiti nacion: maysa nga umili a diac naammoan agservinto caniac.

45 Deut. 33:29. Sal. 66:3. Dagiti gangannaet agtameddanto caniac: apaman a madamagdac tungpalendacto.

46Dagiti gangannaet agpucawdanto, ket umaydanto a sipipigerger manipud Mik. 7:17.cadagiti ticubda.

47Agbiag ni Jehova; ket bendito coma ti batoc; ket maitanoc coma ti Dios, Sal. 89:26; 95:1.a bato ti pannacaisalacanco,

48Ti Dios met laeng a mangaramid iti pammales a gapu caniac, ken Sal. 144:2.mangparucma cadagiti il-ili iti babaec.

49Ken mangalut-ot caniac cadagiti cabusorco: wen, sica ingatonac iti ngato dagidi a timmacder a maibusor caniac; sica inispalnac iti Sal. 140:1.nadamsac a tao.

50 Sal. 18:49. Rom. 15:9. Gapuna a siac agyamanacto kenca, O Jehova, iti tengnga dagiti nacion, ken cantaecto dagiti pagdayaw iti naganmo.

51 Sal. 144:10. Dackel a pannacaispal ti intedna iti arina, ken iparangna ti naayat a kinaimbag Sal. 89:20.iti pinulotanna, ken David 2 Sam. 7:12, 13, 29. Sal. 89:29.ken iti putotna iti agnanayon.