II AR-ARI 22 - Ilokano Form-Based Bible: Ti Biblia (1973)

Ti panagari ni Josias iti Juda; patarimaanna ti templo. Ni Helcias masaracanna ti libro ti linteg. Dagiti sao ni Holda.

1Agtawen 2 Cron. 34:1, 2.idi iti walo a tawen ni Josias idi nangrugi a nagari; ket nagari idiay Jerusalem bayat iti tallopulo ket maysa a tawtawen: ket ti nagan ni inana Jedida anac ni Adaia a taga Bescat.

2Ket inaramidna daydi a nalinteg cadagiti mata ni Jehova, ket nagna cadagiti isu-amin a dalan ni David nga amana, ket saan a simmiasi iti macanawan uray iti macatigid.

3 Aginga bil. 20. 2 Cron. 34:8-28. Ket naaramid idi maicapulo ket walo a tawen ni ari Josias, a ti ari imbaonna ni Safan, nga anac a lalaki ni Azalia nga anac ni Mesullam nga escriba, iti balay ni Jehova, a kinunana,

4Sumang-atca ken ni Helcias a nangato a padi, tapno 2 Ar. 12:4.pucpukenna ti pirac a nayeg iti balay ni Jehova, a dagiti agaywan ti dapian naalada iti umili:

5Ket isu ti yawatna coma cadagiti ima dagiti agar-aramid dagidiay agaywan iti balay ni Jehova: ket isu ti yawatda coma cadagiti agar-aramid nga addada iti balay ni Jehova, tapno pangtarimaanda cadagiti gutgutbaw ti balay,

6Cadagiti alallawagi, cadagiti agpatpatacder iti balay, ken cadagiti agcavcaviti, ken maipaay a panggatang iti cayo ken bato a tinagaan, tapno pangtarimaan iti balay.

7 2 Ar. 12:15. Nupay casta nga awan idi ti naaramid cadacuada a pannacabilang di pirac, a naited iti imada; ta isuda nagaramidda a matalec.

8Ket ni Helcias a nangato a padi kinunana ken ni Safan nga escriba, Deut. 31:24-26. 2 Cron. 34:14.Nasaracac ti libro ti linteg iti balay ni Jehova. Ket ni Helcias inyawatna di libro ken ni Safan, ket isu binasana.

9Ket ni Safan nga escriba immay iti ari, ket insaona manen iti ari, ket kinunana, Dagiti ad-adipenmo imbucbocda ti pirac a nasaracan iti balay, ket isu ti inyawatda iti ima dagiti agar-aramid, dagidiay nagaywan iti balay ni Jehova.

10Ket ni Safan nga escriba imbagana iti ari, a kinunana, ni Helcias a padi iniccannac iti maysa a libro. Ket ni Safan binasana iti sango ti ari.

11Ket naaramid, idi a ti ari nangegna dagiti sasao ti libro ti linteg, a pinigisna dagiti cawesna.

12Ket ti ari binilinna ni Helcias a padi, ken ni 2 Ar. 25:22. Jer. 26:24; 39:14; 40:5.Ahicam nga anac a lalaki ni Safan, ken ni 2 Cron. 34:20.Acbor nga anac a lalaki ni Micaia, ken ni Safan nga escriba, ken ni Asaia nga adipen ti ari, a kinunana,

13Incayo, umumancayo ken ni Jehova a gapu caniac, ken gapu iti umili ken gapu iti isu-amin a Juda, iti maipapan iti sao daytoy a libro a nasaracan; ta dackel ti pungtot ni Jehova a simged a maibusor cadatayo, agsipud ta dagidi ammatayo dida impangag dagiti sasao daytoy a libro, tapno agaramidda iti mayalubog iti isu-amin a naisurat maipanggep cadatayo.

14Iti casta ni Helcias a padi, ken ni Ahicam, ken ni Acbor, ken ni Safan, ken ni Asaia, napanda ken ni Hulda a mammadto, babai nga asawa ni Sallum nga anac ni Ticva, nga anac ni Araas, nga agaywan cadagiti cawcawes (isu agnaed idi idiay Jerusalem iti maicadua a paset); ket nakisaoda kencuana.

15Ket di babai kinunana cadacuada, Castoy ti cuna ni Jehova, a Dios ti Israel: Ibagayo iti lalaki a nangibaon cadacayo caniac,

16Castoy ti cuna ni Jehova, Adtoy, a yegconto ti dakes itoy a disso, ken cadagiti agnaed kencuana, ti isu-amin met laeng a sasao ti libro a ti ari ti Juda nabasana.

17 Deut. 29:25, 26. 2 Ar. 21:22. Agsipud ta inidiandac idi, ket nagpupuurda iti incienso cadagiti didios a sabsabali, tapno gargariendac nga agpungtot iti isu-amin nga aramid dagiti im-imada, gapuna a ti pungtotco sumgedto a maibusor itoy a disso, ket saanto a maiddep.

18Ngem iti ari ti Juda, a nangibaon cadacayo tapno umumancayo coma ken ni Jehova, castoy ti cunaenyonto kencuana, Castoy ti cuna ni Jehova, a Dios ti Israel: Iti maipapan cadagiti sasao a nangngegmo.

19Agsipud ta ti pusom nalucneng, ket 1 Ar. 21:29.nagpacumbabaca iti sango ni Jehova, idi a nangngegmo no ania ti imbalicasco a maibusor itoy a disso, ken maibusor cadagiti agnaed kencuana, tapno isuda agbalinda a Lev. 26:31, 32.walangwalang ken lunod, ket pinigismo dagita cawesmo, ken nagsangitca iti saclangco; siac impangagca met, cuna ni Jehova.

20Gapuna, adtoy, siac itiponcanto cadagiti ammam, ket sica maitiponcanto iti tanemmo iti Sal. 37:37.kinatalna, uray dagita matam didanto makita ti isu-amin a dakes a yegconto itoy a disso. Ket isuda insaoda manen iti ari.