ISAIAS 54 - Ilokano Form-Based Bible: Ti Biblia (1973)

Dagiti Gentiles maawatdanto iti Sion a cas cadagiti Judios. Ni Jehova aluadanna ti Sionna.

1Agcantaca, Gal. 4:27.O lupes, sica a di naganac; pumgaacca iti panagcanta, ken iyickismo, sica a di nagpaspasical: ta adadda pay dagiti annac ti nabaybay-an ngem dagiti annac ti babai Isa. 62:4.a naasawaan, cuna ni Jehova.

2Padackelem ti disso ti Isa. 49:19, 20.toldam, ken pabistradmo cadacuada dagiti bengbeng dagiti pagyanam; dica medmedan: paatiddugem dagiti lubidmo, ken patibkerem dagiti pasocmo.

3Ta agsacnapcanto iti macanawan ken macatigid; Isa. 65:5; 61:9.ket ti putotmo icutannanto dagiti nasnacion, ket aramidenna a dagiti il-ili a nalangalang matagitaoandanto.

4Dica agamac; ta saancanto a mabainan; ket saanca met a mariru; ta saancanto a maibabain: ta sica malipatamto ti bain ti kinaagtutubom; ken ti pannacaumsi ti kinabalom dicanto malagipen.

5Ta ti Nangaramid kenca Jer. 3:14. Apoc. 19:7.isu ti asawam a lalaki; Luc. 1:32.Jehova dagiti buybuyot ti naganna: ket ti Santo ti Israel Isa. 43:14.isu ti Mannubbotmo; ti Dios ti sangalubongan ti pangnagananto kencuana.

6Ta ni Jehova inayabannaca a cas maysa nga asawa a babai a nabaybay-an ken napaldaang iti nakem, ti maysa met laeng nga Mat. 2:14, 15.asawa ti kinaagtutubo, no isu ti mapagtalaw, cuna ti Diosmo.

7Iti bassit a canito Sal. 30:5. Isa. 26:20.binaybay-anca, ngem iti dackel a caasi alaencanto.

8Iti agliplippias a pungtot inlingedco ti rupac kenca iti maysa a canito, Isa. 55:3.ngem iti agnanayon a kinamanagayat, caasiancanto, cuna ni Jehova a Mannubbotmo.

9Ta daytoy isu ti Gen. 8:21; 9:11.cas cadagiti dandanum ni Noe caniac; ta cas insapatac a dagiti dandanum ni Noe saandanto a layusenen ti daga, casta met nga insapatac kenca a saanacton nga agpuntot kenca, ket saancanto metten a tubngaren.

10Ta dagiti banbantay Sal. 46:2. Isa. 51:6.macapanawda ken dagiti turturod maalisda; ngem ti kinamanagayatco saanto a pumanaw kenca, ket di met maalis Eze. 34:25; 37:26. Mat. 2:6.ti tulagco ti pannakicappia, cuna ni Jehova nga addaan asi kenca.

11O sica a napagsagaba, a pinarigat ti bagio, ket saan a naliwliwa, adtoy isaadconto dagiti Apoc. 21:19.batbatom iti nasayaat a colcolor, ken icabilconto a pamuonmo dagiti zafiros.

12Ken aramidecto a taptapawmo dagiti rubrubi, ken dagiti ruanganmo dagiti carbunculos, ken amin dagiti beddengmo dagiti batbato a napateg.

13Ken amin dagiti annacmo Jer. 31:34. Juan 6:45; 14:26. 1 Cor. 2:10. 1 Tes. 4:9. 1 Juan 2:20, 27.maisuronto cadacuada ni Jehova; ket dackelto ti talna dagiti annacmo.

14Iti kinalinteg ti pacapasingkedanto: adayucanto iti pannacaparigat, ta saancanto nga agamaken; ket ti buteng dinto umasidegen kencan.

15Adtoy, isuda macapagcaycaysada, ngem Os. 8:4.saan a gapu caniac: siasinoman nga agurnong a bumusor kenca mapasagto a gapu kenca.

16Adtoy, pinarsuac ti mammanday nga agpuyot cadagiti apuy dagiti begbeggang, ken pataudenna ti maysa nga aruaten a pagtrabajona; ken pinarsuac ti manangrebbec a mangdadael.

17Awan ti igam a naaramid a maibusor kenca a rumang-ayto; ken D. Ara. 6:10.tunggal dila a bumusorto kenca iti panangocom condenaremto. Isu daytoy ti tawid dagiti adipen ni Jehova, Isa. 45:24, 25.ken ti kinalintegda nga aggapu caniac, cuna ni Jehova.