I CRONICAS 5 - Ilokano Form-Based Bible: Ti Biblia (1973)

Dagiti caputotan da Ruben ken Gad. Ti gubat dagiti caputotan iti ballasiw ti Jordan. Ti caguddua dagiti caputotan ni Manases.

1Dagiti annac a lallaki ni Ruben nga inaunaan nga anac ni Israel (ta Gen. 29:32.isu ti inaunaan nga anacna; Gen. 35:22.ngem agsipud ta tinulawanna ti idda ni amana, ti Gen. 48:15-22.kinainaunana naited idi cadagiti annac a lallaki ni Jose nga anac ni Israel; ket ti capounan saan idi a naibilang iti kinainauna.

2Ta ni Gen. 49:8, 10. Mik. 5:2. Mat. 2:6.Juda nanggundaway cadagiti cacabsatna, ket timmaud kencuana ti panglolo; ngem ti kinainauna cucua idi ni Jose),

3Dagiti annac a lallaki ni Ruben nga inaunaan nga anac ti Israel: da Enoc, Fallu, Esron, ken Carmi.

4Dagiti annac a lallaki ni Joel: da Semaias anacna a lallaki, ni Gog anacna a lalaki, ni Simi anacna a lalaki,

5Ni Mica anacna a lalaki, ni Recaia anacna a lalaki, ni Baal anacna a lalaki,

6Ni Beera anacna a lalaki, isu a kinayawan ni 2 Ar. 15:29; 16:7.Tiglat-pilneser nga ari ti Asiria: isu idi ti pangolo dagiti Rubenitas.

7Ket dagiti cacabsatna iti finamfamilia cadacuada, idi a nabilang ti capounan dagiti capcaputotanda: dagiti pangoloen, da Jeiel, ken Zacarias,

8Ken Bala nga anac a lalaki ni Azaz, nga anac a lalaki ni Sema, nga anac a lalaki ni Joel, isu a nagnaed idiay Aroer, agingga met laeng iti Nebo ken Baalmeon:

9Ken agpadaya nagtaeng met laeng agingga iti wangawangan ti let-ang manipud iti carayan Eufrates, agsipud ta dagiti vacvacada immaduda Jos. 22:9.idiay daga ti Galaad.

10Ket cadagiti al-aldaw ni Saul nakigubatda Sal. 83:6.cadagiti Agarenos, isuda a napasag babaen iti imada; ket nagnaedda cadagiti toltoldada iti isu-amin a daga ti daya ti Galaad.

11Ket dagiti annac a lallaki ni Gad nagnaedda iti sangoda, idiay daga ti Basan agingga iti Salca:

12Ni Joel ti pangolo, ken ni Safan ti maicadua, ken ni Janai, ken ni Safat idiay Basan.

13Ket dagiti cacabsatda cadagiti balbalay dagiti ammada: da Micael, Mesullam, ken Seba, ken Jorai, Jacan, Zia, ken Heber, pitoda.

14Dagitoy isuda dagiti annac a lallaki ni Abihail, nga anac a lalaki ni Huri, nga anac a lalaki ni Jaroa, nga a lalaki ni Galaad, nga anac a lalaki ni Micael, nga anac a lalaki ni Jesias, nga anac a lalaki ni Jaddo, nga anac a lalaki ni Buz;

15Ni Ahi nga a lalaki ni Abdiel, nga anac a lalaki ni Guni, pangolo dagiti balbalay dagiti ammada.

16Ket nagngedda idiay Galaad idiay Basan ken cadagiti il-ilina, ken cadagiti palapalasot ti Saron, agingga cadagiti beddengna.

17Amin dagitoy nabilangda iti pinounpoun cadagiti al-aldaw 2 Ar. 15:5, 32.ni Joatam nga ari ti Juda, ken cadagidi alaldaw ni Jeroboam nga ari ti Israel.

18Dagiti annac a lallaki ni Ruben, ken dagiti Gaditas, ken ti caguddua ti caputotan ni Manases cadagiti maingel a lallaki, lallaki a macabalin nga agtagicalasag ken agtagicampilan, ken agibiat ti pana, ken nasiglat iti paggugubatan, uppat a pulo ket uppat a ribu pito gasut ket innem a puloda idi a macabalin a mapan iti gubat.

19Ket nakigubatda cadagiti Agarenos, cada Jetur, Nafis, ken Nodab.

20Ket natulonganda a maibusor cadacuada, ket nayawat dagiti Agarenos iti imada, ken amin nga adda idi cadacuada; ta immawagda iti Dios idiay paggugubatan, ket isu nacararaganda, agsipud ta nagtalecda idi kencuana.

21Ket innalada dagiti vacada; dagiti camelloda a limapulo a ribu, ken dagiti carnero a duagasut ket limapuloda a ribu, ken dagiti asno a dua a ribu, ken dagiti lallaki a sangagasut a ribu.

22Ta adu dagiti napapatay, agsipud ta ti gubat gapu iti Dios. Ket nagnaedda iti lugarda agingga iti pannacacayaw.

23Ket dagiti annac ti caguddua ti caputotan ni Manases nagnaedda iti daga: immaduda manipud Basan agingga iti Baal-Hermon, ken Senir, ken iti bantay Hermon.

24Ket dagitoy idi dagiti pangpangoloen dagiti balbalay dagiti ammada: da met laeng Efer, Isi, ken Eliel, Azriel, Jeremias, ken Odavia, ken Jadiel, lallaki a mannacabalin ken mamaingel, agdindinamag a lallaki, pangpangoloen dagiti balbalay dagiti ammada.

25Ket simmalungasingda a maibusor iti Dios dagiti ammada, ket nagbalangcantisda cadagiti sabsabali a didios dagiti tattao ti daga, isuda a dinadael ti Dios iti sangoda.

26Ket ti Dios ti Israel riniingan ti espiritu ni Pul nga ari ti Asiria, ken ti espiritu ni Tiglat-pilneser nga ari ti Asiria ket isu ipanawna ida, dagiti met laeng Rubenitas, ken dagiti Gaditas, ken ti caguddua ti caputotan ni Manases, ket inyegna ida iti Halad, ken iti Habor, ken iti Ara, ken iti carayan ti Gozan agingga ita nga aldaw.