1Ket Aginga bil. 7. Ex. 27:1-8.inaramidna ti altar ti daton a mapuuran iti cayo nga acacia: lima a sico ti caatiddugna, ket lima a sico ti caacabana, nagcuadrado; ket tallo a sico ti catayagna.
2Ket inaramidna dagiti sarsarana cadagiti uppat a sulsulina; dagiti sarsarana sangsangcanayonda iti altar: ket kinalupcupanna iti suer.
3Ket nangaramid cadagiti amin nga ar-aruaten ti altar, dagiti damdamili, ken dagiti sopsoplad, ken palangana dagiti pagadaw iti lasag, ken dagiti pagiccan iti benggang: dagiti amin nga ar-aruatenna inaramidna iti suer.
4Ket inyaramidanna iti altar ti maysa a barandilla nga iniket a suer, iti babaen ti igidna nga aglawlaw, a dinanonna ti guddua ti catayag ti altar.
5Ket pinandayna dagiti uppat a singsing cadagiti uppat a murmurdong ti barandilla a suer, a pacaicabilan dagiti pagassiwan.
6Ket inaramidna dagiti pagassiwan iti cayo ti acacia, ket kinalupcupanna ida iti suer.
7Ket inyusocna dagiti pagassiwan cadagiti singsing iti agsumbangir ti altar, pacabaclayanna; inaramidna a nasol-loopan iti tabla.
8 Ex. 30:18. Ket nangaramid iti pagbuggoan a suer, ken ti puonna a suer, inaramidna dagiti nacalupcupan ti suer a sarming dagiti babbai a naguummong a 1 Sam. 2:22.nagaywan iti ruangan ti tolda ti gimong.
9 Aginga bil. 20. Ex. 27:9-19. Ket nangaramid iti paraangan: iti abagatanen ti akinabagatan a bangir dagiti bengbeng ti paraangan isuda idi iti nalapat a lienzo a tinali, a sangagasut a sico;
10Dagiti adadigida duapulo, ket dagiti batbatayda duapulo, a suer; dagiti calcallawit dagiti adadigi ken dagiti putputiputda piracda.
11Ket iti bangir ti amianan sangagasut a sico, dagiti adadigida duapulo, ket dagiti batbatayda duapulo, a suer; dagiti calcallawit, ken dagiti putputiputda pirac.
12Ket iti bangir iti laud adda cortina a limapulo a sico, dagiti adadigida sangapulo, ken dagiti batbatayda sangapulo; dagiti cawcawit dagiti adadigi, ken dagiti putputiputda pirac.
13Ket iti bangirna iti daya, nga agpadaya limapulo a sico.
14Dagiti cortina iti maysa a sikigan ti ruangan sangapulo ket lima a sico; dagiti adadigida tallo, ken dagiti batbatayda tallo.
15Ket casta iti sabali a bangir: iti agsinnungbangir iti abay ti ruangan ti paraangan adda dagiti cortina a sangapulo ket lima a sico; dagiti adadigida tallo, ken tallo dagiti batbatayda.
16Amin dagiti cortina ti paraangan a naglawlaw nalapat a lienzo a tinali.
17Ket dagiti batbatay dagiti adadigi suer; dagiti calcallawit dagiti adadigi, ken dagiti putputiputda pirac; ken ti calupcup dagiti toctocda pirac: ket amin dagiti adadigi ti paraangan naputiputanda iti pirac.
18Ket ti bengbeng ti ruangan ti paraangan inaramid ti managborda iti azul, ken purpura, ken escarlata, ken nalapat a lienzo a tinali: ket duapulo a sico ti caatiddug, ket ti cangato iti nagacabaan lima a sico, a capada dagiti cortina ti paraangan.
19Ket dagiti adadigida uppat, ken dagiti batbatayda uppat a suer; dagiti cacallawitda pirac, ken ti calupcup dagiti toctocda, ken dagiti putputiputda pirac.
20Ket amin dagiti paspasoc ti tabernaculo ken ti paraangan nga aglawlaw, suer.
21Daytoy ti dagup dagiti banbanag a naipaay iti tabernaculo, cas Num. 1:50, 53; 10:11; 17:7, 8. 2 Cron. 24:6. D. Ara. 7:44.tabernaculo ti pamanecnec, nabilangda a mayannurot iti bilin ni Moises, a maipaay iti panagannung dagiti Livitas, Ex. 6:23; 28:1. Num. 4:28, 33.iti ima ni Ithamar nga anac ni Aaron a padi.
22 Ex. 31:2, 3. Ket ni Bezaleel nga anac ni Uri nga anac ni Hur iti caputotan ni Juda, inaramidna amin nga imbilin ni Jehova ken Moises.
23Ket caduana idi ni Ex. 31:6.Aholiab nga anac ni Ahisamac iti caputotan ni Dan, maysa a manangkitikit, ken nalaing nga agaramid, ken maysa a managborda iti azul, ken iti purpura ken iti escarlata ken iti lienzo a nalapat a tinali.
24Amin a balitoc a naaramat iti pannacaaramid ti amin a trabajo ti santuario, dagiti laeng balitoc a Ex. 35:22.naidaton, duapulo ket siam a talento, ket pito gasut ket tallopulo a siclo a Ex. 30:13, 24. Lev. 5:15; 27:3, 25. Num. 3:47; 18:16.capada ti siclo ti santuario.
25Ket ti pirac dagiti naibilang ti gimong sangagasut a talento, ket sangaribu pito gasut ket pitopulo ket lima a siclo, cas ti siclo ti santuario;
26 Ex. 30:13, 15. Gen. 24:22. Maysa a beka ti maysa a olo, cayatna a saoen, guddua ti siclo, cas ti siclo ti santuario, iti tunggal maysa nga immallatiw cadacuada a naibilang, manipud duapulo dagiti tawenna ken nasuroc, cadagiti Num. 1:46.innem a gasut ket tallo a ribo, lima gasut ket limapulo a lallaki.
27Ket dagiti sangagasut a talento a pirac isuda ti napanday a Ex. 26:19, 21, 25, 32.batbatay ti santuario, ken batbatay ti abbong; sangagasut a batbatay dagiti sangagasut a talento, maysa a talento ti maysa a batay.
28Ket cadagiti sangaribu pito gasut pitopulo ket lima a siclo inaramidna a calcallawit cadagiti adadigi, ken pinangcalupcupna cadagiti toctocda, ken inaramidna a putputiput a maipaay cadacuada.
29Ket ti suer a naidaton pitopulo a talento, ket dua ribu ket uppat a gasut a siclo.
30Ket isu ti inaramidna a batbatay ti ruangan ti tolda ti gimong, ken Ex. 27:2-4.altar a suer, ken iniketna a suer, ken amin nga ar-aruaten ti altar.
31Ken Ex. 27:10-19.batbatay ti paraangan nga aglalaw, ken batbatay ti ruangan ti paraangan ken amin a paspasoc ti tabernaculo, ken amin a paspasoc ti paraangan nga aglawlaw.
Who We AreWhat We EelieveWhat We Do
2025 by iamachristian.org,Inc All rights reserved.
