1 Deut. 33:1. Apo, Deut. 33:27.sica ti nagtataenganmi cadagiti amin a capcaputotan.
2 Prov. 8:25, 26. Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.
3Sica pagbawingem ti tao iti pannacadadael, ket cunam, Gen. 3:19. Ecle. 12:7.Sumublicayo, dacayo nga annac dagiti tattao.
4 2 Ped. 3:8. Ta dagiti sangaribu a tawen iti sangoanam cas laeng iti maysa a calman no nacalabasen, ken cas maysa a panagpuyat iti rabii.
5Sica yanudmo ida a cas mailayus; Sal. 73:20.isuda arigda tay ridep: iti agsapa Isa. 40:6, 7.arigda la root a tumubo.
6 Job 14:2. Iti bigat agbaludbud, ken dumackel; iti malem mapucan, ket malaylay.
7Ta marunotcami ita pungtotmo, ket ita lucsawmo madanagancami.
8 Jer. 16:17. Incabilmo dagiti kinadangkesmi dita sangoanam, Job 34:32. Sal. 19:12.dagiti nalmeng a basbasolmi dita masilnagan ta rupam.
9Ta amin dagiti aldawmi naglabasda iti ungetmo: pagcanibusanenmi dagiti tawenmi a cas maysa a sasainnec:
10Dagiti al-aldaw dagiti tawenmi pitopuloda a tawen, wenno agpapan pay gapu iti kinabileg walopulo a tawen; nupay casta ti laeng sagudayda bannog ken ladingit; ta lumabas nga apagbiit, ket tumayabcamin.
11Siasino ti macaammo iti bileg ti ungetmo, ken ta pungtotmo a mayannurot iti buteng a rebbengen kenca?
12 Sal. 39:4. Iti casta isuronacami a mangbilang cadagiti al-aldawmi, tapno magun-odmi coma ti puso a manakem.
13 Sal. 6:4. Agsublica cadi, O Jehova; caanonto? Ket Deut. 32:36. Sal. 106:45; 135:14.pagbabawiam cadi ti maipaay cadagiti ad-adipenmo.
14O pennekennacami cadi iti bigat ita kinamanagayatmo, tapno siraragsac ken maayayatancami cadagiti amin nga al-aldawmi.
15Paragsakennacami cadi cas mayannurot cadagiti al-aldaw a panamagladingitmo cadacami, ken cadagiti tawtawen a pannacaimatangmin iti dakes.
16 Hab. 3:2. Agparang cadi ti aramidmo cadagiti ad-adipenmo, ken ta dayagmo cadagiti annacda.
17 Sal. 27:4. Ket ti parabur ti Apo a Diostayo adda coma cadatayo; Isa. 26:12.ket patalgedam cadi ti aramid dagiti imami cadacami; wen, ti aramid dagiti im-imami patalgedam coma.
Who We AreWhat We EelieveWhat We Do
2025 by iamachristian.org,Inc All rights reserved.
