DAGITI ARAMID 12 - Ilokano Form-Based Bible: Ti Biblia (1973)

Ni Herodes papapatayna ni Santiago.—Ni Pedro malucatan iti pagbaludan.—Ipapatay ni Herodes.

1Ket idi met la nga tiempo, ni ari Herodes rinanggasanna dagiti dadduma cadagidi camcameng ti Iglesia.

2Ket pinatayna iti campilan ni Mat. 4:21; 10:2.Santiago a cabsat ni Juan.

3Ket D. Ara. 24:27; 25:9.idi a nakitana a napaayatan dagidi Judio, intuloyna a tiniliw met ni Pedro. Ket idi isu dagiti aldaw ti tinapay nga awan levadurana.

4Ket idi a natiliwna impupocna iti pagbaludan, ket inyawatna iti uppat a Juan 19:23.sagpapat a soldado nga agbantay kencuana; a cayatna nga isaclang iti umili no malpas Mar. 14:1.ti Pascua.

5Ni Pedro ngarud, adda a naipupoc iti pagbaludan, ngem 2 Cor. 1:11. Efe. 6:18.ti Iglesia nagcarcararag a sipapasnec iti Dios maipuon kencuana.

6Ket idi ngannganin alaen coma ni Herodes, daydi met laeng a rabii adda ni Pedro a matmaturog a sicacawar iti nagtengngaan dagiti dua a soldado, ket dagidi guardia addada iti sangoanan ti ruangan a bantayanda ti pagbaludan.

7Ket adtoy, D. Ara. 5:19; 8:26; 27:23.maysa nga angel ti Apo nagtacder iti dinnana, ket maysa a silaw linawaganna ti pagbaludan: ket tinugkicna ti bacrang ni Pedro, ket riniingna a cuncuna: Tumacderca a napardas. Ket dagidi cawarna nagtinnagda cadagidi imana.

8Ket kinuna kencuana ti angel: Agbarikesca ket icabilmo dagiti pallucam. Ket casta ti inaramidna. Ket kinunana kencuana: Agcawesca ket surutennac.

9Ket isu simmurot kencuana a rimmuar ket dina impagarup a napudno daydi araramiden ti angel; no di ket impapanna a nacakita ti maysa a parparmata.

10Ket idi nalabasanda ti umuna ken maicadua a managbantay, dimtengda iti ruangan a landoc nga agturong iti ciudad, D. Ara. 5:19; 16:26.a naglucat nga is-isu cadacuada: ket idi a rimmuarda, nagnada iti maysa a dalan; ket idin daydi angel simmina kencuana.

11Ket ni Pedro, idi a nabigbigna ti casasaadna, kinunana: Ita mapnecac a pudno a ti Apo imbaonna ti angelna, ket insalacannac iti ima ni Herodes, ken iti amin nga inanamaen dagiti tattao a bil. 3.Judio.

12Ket idi apaman a naawatanna, napan iti balay ni Maria nga ina ni bil. 25. D. Ara. 13:5, 13; 15:37.Juan, a napanaganan ti Col. 4:10. 2 Tim. 4:11. File. 24. 1 Ped. 5:13.Marcos, isu a yan dagiti adu a naurnong bil. 5.nga agcarcararag.

13Ket iti ruangan ti paraangan immayab ni Pedro, napan a sumungbat ti maysa a balasang a managan Rode.

14Ket idi nailasinna ti timec ni Pedro, iti rag-ona dina linuctan ti ruangan, no di ket timmaray iti uneg, ket impadamagna a ni Pedro agtatacder iti sangoanan ti ruangan.

15Ket kinunada kencuana: Mauyongca. Ngem isu impanecnecna a casta ti pudno. Ket kinunada: Mat. 18:10.Daytay angelna.

16Ngem ni Pedro tinuloyna ti immayab, ket idi naglucatda, isu nakitada, ket namalmalangada.

17Ngem isu idi a sininasanna ida iti imana nga agulimecda sinaritana cadacuada no casano ti panangala kencuana ti Apo iti pagbaludan, ket kinunana: Ipacaammoyo daytoy ken D. Ara. 15:13; 21:18. Gal. 1:19. Sant. 1:1.Santiago ken cadagiti cacabsat. Ket pimmanaw ket napan iti sabali a disso.

18Idi a bimmigat, dackel a riri ti napataud cadagidi soldado no ania ti naaramid ken Pedro.

19Ket ni Herodes idi sinapulna ket dina nasaracan, pinalutputna dagidi managbantay ket pinaipanna ida ken patay. Ket simmalog a nanipud Judea agingga iti Cesarea, ket nagnaed sadiay.

20Ket ni Herodes silulucsaw unay cadagidi taga Tiro ken cadagidi taga Sidon; ket nagtitimpuyogda a napan kencuana, ket idi a ginayyemda ni Blasto, a mapagtalcan iti balay ti ari, dinawatda ti cappia; ta dagiti Il-ilida mataraonanda cadagidi dagdaga ti ari.

21Ket iti maysa nga aldaw a natudingan, ni Herodes, nagcawes iti naarian a pagananay, ket timmugaw iti Mat. 27:19.trono, ket nagbitla cadacuada.

22Ket dagiti umili indir-ida: Timec ti maysa a dios, a di ket ti maysa a tao.

23Ket dagus a ti maysa nga angel ti Apo kinabilna gapu ta dina pinadayawan ti Dios; ket inigges ket natay.

24Ngem D. Ara. 6:7.ti sao ti Apo nagtuloy a rimmang-ay.

25Ket da Bernabe ken Saulo nagsublida nanipud Jerusalem, D. Ara. 11:29, 30.idi nalpasda ti nacaibaonanda, nga incuyogda ni bil. 12.Juan a napanaganan ti Marcos.