GENESIS 28 - Ilokano Form-Based Bible: Ti Biblia (1973)

Ti Parmata ni Jacob sadi Betel. Ti Incarina.

1Ket ni Isaac inayabanna ni Jacob, ket binendicionanna ket binilbilinna a kinunana, Gen. 24:3.Dicanto makiasawa cadagiti annac a babbai ti Canaan.

2 Os. 12:13. Tumacderca, ket Gen. 25:20.inca idiay Padan-aram iti balay ni Gen. 22:23.Bethuel, ama ni inam; ket mangasawaca sadiay cadagiti annac a babbai ni Laban a cabsat a lalaki ni inam.

3 Gen. 17:1, 6. Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

4 Gen. 12:2. Ket itdenna coma kenca ti bendicion ni Abraham, kenca ken cadagiti putotmo a mairanud kenca; tapno tawidem ti Gen. 17:8; 37:1.daga a paglaslasatam, a ti Dios intedna ken Abraham.

5Ket ni Isaac pinalubosanna ni Jacob: ket napan idiay Padan-aram ken Laban anac ni Bethuel nga Sirio a cabsat a lalaki ni Rebeca, nga ina ni Jacob ken ni Esau.

6Ngarud, ni Esau nakitana nga binendicionan ni Isaac ni Jacob ken imbaonna sadiay Padan-aram, tapno mangasawa idiay; ket idi nga binendicionanna, imbilinna kencuana a kinunana, Dicanto makiasawa cadagiti annac a babbai ti Canaan;

7Ket casta a ni Jacob nagtulnog cada amana ken ni inana, ket napan sadiay Padan-aram:

8 Gen. 24:3; 26:35. Ket ni Esau nakitana a dagiti annac a babbai ti Canaan saanda a nacaay-ayo ken amana nga Isaac;

9Ket ni Esau napan ken Ismael, ket inasawana ni Mahaleth, anac a babai ni Ismael, nga anac ni Abraham, Gen. 25:13.cabsat a babai ni Nabaioth, mainayon pay dagiti assawana nga addada kencuana.

10Ket ni Jacob pimmanaw sadi Gen. 21:31; 26:33. D. Ara. 7:2.Beer-seba, ket napan idiay Haran.

11Ket nacatumpung iti maysa a disso, ket imyan sadiay, ta limneken ti init; ken nangala iti maysa a bato sadiay a disso, ket incabilna iti baba ti olona, ket nagidda tapno maturog sadiay.

12 Num. 12:6. Job 33:15. Ket nagtagainep; ket, adtoy, maysa nga agdan naipatacder iti daga, ket ti murdongsa tumucno sadi langit; Juan 1:51.ket, adtoy, dagiti an-angel ti Dios nga umululida ken bumabbabada kencuana.

13 Gen. 35:1; 48:3. Ket, adtoy, ni Jehova nagtacder iti rabawna ket isu kinunana, Gen. 26:24.Siac ni Jehova, a Dios ni Abraham, nga amam, ken ti Dios ni Isaac: Gen. 35:12.ti daga a nagiddaam itdecto kenca ken cadagiti caputotam;

14 Gen. 13:16. Ket dagiti putotmo casdanto cadagiti taptapuc ti daga, ket agwarascanto iti laud, ken iti daya, ken iti amianan, ken iti abagatan: Gen. 12:3; 26:4.ket amin dagiti famfamilia ditoy lubong mabendicionandanto kenca ken cadagiti putotmo.

15Ket, adtoy, Gen. 26:24; 31:3.addaac kenca, ket aywanamanto iti uray sadino a papanam, Gen. 35:6.ket isublicanto ditoy a daga; 1 Ar. 8:57.ta dicanto baybayan, agingga iti diac matungpal ti sinaoc kenca.

16Ket ni Jacob nacariing iti turogna, ket kinunana, Ex. 3:5. Jos. 5:15.Pudno unay a ni Jehova adda ditoy a disso; ket siac saanco nga ammo idi.

17Ket nagbuteng, ket kinunana, Ania ketdin a nacaam-amac daytoy a disso! saan a sabali no di ti balay ti Dios, ket daytoy ti ruangan ti langit.

18Ket ni Jacob nagparbangon iti bigat, ket innalana ti bato a nagpungananna, Gen. 31:13, 45; 35:14. 1 Sam. 7:12. 2 Sam. 18:18.ket pinatacderna a teddec, Lev. 8:10-11. Num. 7:1.ket imbuyatna ti lana iti rabawna.

19 Oc. 1:23, 26. Ket pinanagananna ti nagan daydi a disso iti Bethel: ngem ti nagan ti ili Luza idi unana.

20 Gen. 31:13. Oc. 11:30. 2 Sam. 15:8. Ket ni Jacob nagcari iti maysa a cari, ket kinunana, No addanto coma ti Dios caniac, ket saluadannacto iti daytoy a dalan a papanac, ket iccannacto iti taraonco ken pagananay a pagcawesco,

21Tapno agsubliac a sicacappia idiay balay ni amac, ket ni Deut. 26:17.Jehova isunto ti Diosco,

22Daytoy a bato, ngarud, a pinatacderco a teddec, isunto ti Gen. 35:7, 14.balay ti Dios: Lev. 27:30.ket cadagiti amin nga itedmonto caniac, itdecto a di agcurang ti apagcapulloda kenca.