JEREMIAS 30 - Ilokano Form-Based Bible: Ti Biblia (1973)

Ti pannacaispalda iti pannacacayaw maicari cadacuada.

1Ti sao a dimteng ken Jeremias a naggapu ken Jehova, kinunana,

2Castoy ti sao ni Jehova, a Dios ti Israel, kinunana, Jer. 36:2.Isuratmo dagiti amin a sasao nga insaoc kenca iti maysa a libro.

3Ta, adtoy, dagiti al-aldaw Jer. 9:25.dumtengda, cuna ni Jehova, Esd. 2:1. Jer. 29:14; 31:28; 32:44.a siac pagbaliwecto ti pannacacayaw ti ilic nga Jer. 13:6. Os. 1:11.Israel ken Juda, cuna ni Jehova, Jer. 16:15.ket pasubliecto ida iti daga nga intedco cadagidi ammada, ket tagicuaendanto.

4Ket dagitoy dagiti sasao nga sinao ni Jehova a maipapan iti Israel ken maipanggep iti Juda.

5Ta castoy ti cuna ni Jehova: Nangngegmi ti timec ti panagpigerger, ti panagbuteng, ket awan ti cappia.

6Saludsodenyo ita, ket kitaenyo no ti maysa a lalaki agpasical iti panaganac: apay a makitac ti tunggal lalaki nga adda dagiti imana cadagiti lomona, a cas iti babai nga agpaspasical, ket dagiti Joel 2:6.amin a rupa bumsagda?

7 Joel 2:11. Ay! ta daydiay nga aldaw naindaclan, iti casta nga awan ti capadpadana: isu met laeng ti pannawen ti panagrigat ni Jacob; ngem isu maisalacanto kencuana.

8Ket maaramidto iti daydiay nga Isa. 2:11.aldaw, cuna ni Jehova dagiti buybuyot, a tuccolecto ti sangolna nga iccaten ita tengngedmo, ken gessatecto dagiti Jer. 2:20. Nah. 1:13.parautmo; ket dagiti Jer. 25:14.sangsangaili saandanto nga aramidenen a bag-enda ti ilic;

9Ngem isuda agservidanto ken Jehova a Diosda, ken ni David Sal. 83:3. Isa. 55:3, 4. Eze. 34:23.nga arida, nga ibangonconto cadacuada.

10Gapuna a Isa. 41:8.saanca nga agbuteng, O adipenco a Jacob, cuna ni Jehova; dica met agcullayaw, O Israel: ta, adtoy, isalacancanto manipud iti adayu, ken dagiti capuonam manipud iti daga ti pannacacayawda; ket ni Jacob agsublinto, ket aginananto ken agtalnanto, ket awanto ti mangpabuteng kencuana.

11Ta siac addaac kenca, cuna ni Jehova, tapno isalacanca: ta uray no Amos 9:8.aramidec ti naananay a panungpalan dagiti amin a nacion isuda a nangiwarawaraac kenca, nupay casta saanconto nga aramiden ti naananay Jer. 4:27.a panungpalam; ngem babalawencanto Jer. 10:24.a cas maiparbeng, ket uray casano saancanto a baybay-an a saan a madusa.

12Ta castoy ti cuna ni Jehova, Ti dunormo bil. 15. Jer. 15:18.saan a maagasan, ket ti sugatmo nasaem.

13Awan ti siasinoman a mangsalacnib iti panggepmo, tapno mabedbedca coma: sica awan kenca ti agas a macaagas.

14 Jer. 4:30. D. Un. 1:2, 19. Amin dagiti caayanayatmo linipatandacan; isuda saandaca a sapsapulenen; ta siac sinugatca iti pangsugat ti cabusor, babaen ti panangdusa ti D. Un. 2:4.naranggas a tao, gapu iti kinaruay ti kinadangkesmo, ta dagiti basbasolmo immadudan.

15Apay nga agsangitca gapu iti dunormo? ti ut-utmo saan a maagasan: gapu iti kinaruay ti kinadangkesmo: ta dagiti basbasolmo immadudan, siac inaramidco dagitoy a banbanag kenca.

16Gapuna nga amin dagidiay mangalun-un kenca, bil. 11. Ex. 23:22. Eze. 33:1; 41:11.maalun-undanto; ket amin dagiti sumuppiat kenca, tunggal maysa cadacuada mapandanto iti pannacacayaw; ket dagidiay mangdadaelto kenca, madadaeldanto, ket amin a mangsamsamto kenca ipaayconto ida iti pannacasamsam.

17Ta siac Jer. 33:6.pasalun-atencanto, ket siac agasacto dagiti sugatmo, cuna ni Jehova; ta ninaganandaca a Mik. 4:6.naibelleng a kinunada, Daytoy isu ti Sion, nga awan ti tao a mangayat kencuana.

18Castoy ti cuna ni Jehova; Adtoy, pagbaliwecto ti bil. 3. Amos 9:11.pannacacayaw dagiti toltolda ni Jacob, ket addanto caasic cadagiti pagnaedanna; ket Sal. 102:13.ti ili maibangonto iti rabaw ti turodna met laeng, ket ti palacio manaedanto a cas iti cadawyanna met laeng.

19Ket tumaudto cadacuada Isa. 35:10; 51:11.ti panagyaman ken ti timec dagidiay nga agragsac: Eze. 36:10, 37. Zac. 10:8.ket paaduecto ida, ket saandanto a bumassit, siac met patan-okecto ida, ket saandanto a nanomo.

20Dagiti annacda met Isa. 1:26. Jer. 33:7, 11.casdanto idi napalabas a pannawen, ket ti gimongda mapatibkerto iti sangoanac; ket dusaecto amin a mangirurumen cadacuada.

21Ket ti principeda agtaudto met laeng cadacuada, ket ti Gen. 49:10. Deut. 18:18.agturayda rumuarto iti tengngada; ket isu paasidegecto, ket isu umasidegto caniac: ta siasino dayta nga addaan tured nga umasideg caniac? cuna ni Jehova.

22Ket Lev. 26:12. Jer. 24:7.dacayto ti ilic, ket siacto ti Diosyo.

23Adtoy, ti bagio ni Jehova, a ti met laeng pungtotna, rimmuaren a cas sumagad a bagio: isu agdissonto iti olo ti managdacdakes.

24Ti narungsot a pungtot ni Jehova Jer. 12:13.saanto nga agsubli, agingga iti maaramidna, ken agingga iti malpasna dagiti pinanggep ti pusona: Eze. 38:16. Os. 3:5.cadagiti ud-udina nga aldaw maawatanyonto daytoy.