JEREMIAS 21 - Ilokano Form-Based Bible: Ti Biblia (1973)

Ti saludsud ni Sedekias ken ti sungbat ni Jeremias.

1Ti sao a dimteng ken Jeremias a naggapu ken Jehova, idi ni ari Sedekias imbaonna kencuana ni Jer. 38:1.Pasur nga anac a lalaki ni Malakias ken ni 2 Ar. 25:18.Sofonias, nga anac a lalaki ni Maasias, a padi a kinunana,

2Dawatec kenca, agintuudca ken Jehova gapu Jer. 37:7.cadacami: ta ni 2 Ar. 25:1.Nabucodonosor nga ari ti Babilonia mangaramid ti gubat a maibusor cadacami; bareng no ni Jehova agaramid cadatayo cas mainugot cadagiti amin a nacascasdaaw a gapuananna, tapno daydiay pumanaw coma cadatayo.

3Idin kinuna ni Jeremias cadacuada, Castoy ti saoenyonto ken Sedekias:

4Castoy ti cuna ni Jehova, a Dios ti Israel, Adtoy, Jer. 32:5.isanodconto dagiti igigam ti gubat nga adda cadagiti Deut. 4:34.im-imayo, isu a panggubatyo a maicaniwas iti ari ti Babilonia, ken maibusor cadagiti Caldeos a manglacub cadacayo, iti ruar dagiti bacbacud; ket urnongecto ida iti tengnga daytoy nga ili.

5Ket siac met laeng makigubatacto a maicaniwas cadacayo babaen ti siunnat nga ima ken maysa a napigsa a tackiag, ken babaen met ti unget, ken iti rungsot ken iti dackel a pungtot.

6Ket cabilecto dagiti agnaed ditoy nga ili, ti tao ken ti animal nga agpadpada: mataydanto ti dackel nga angol.

7Ket calpasanna, cuna ni Jehova, Jer. 37:17.iyawatconto ni Sedekias nga ari ti Juda, ken dagiti adipenna, ken ti umili, dagidiay natidda iti daytoy nga ili calpasan iti angol, iti campilan, ken iti bisin, iti ima ni Nabucodonosor nga ari ti Babilonia, ken iti ima dagiti cabusorda, ken iti ima dagiti mangsapul iti biagda: ket cabilennanto ida iti tadem ti campilan; Deut. 28:50. 2 Cron. 36:17.awanto ti labsanna cadacuada, ket awan met ti ilalana, wenno caasina.

8Ket cunamto iti daytoy nga umili, Castoy ti cuna ni Jehova: Adtoy, Deut. 30:15, 19.isaadco iti sangoanam ti dalan ti biag ken ti dalan ti patay.

9Ti Jer. 38:2.agnaed ditoy nga ili matayto iti campilan, iti bisin, wenno iti angol; ngem ti rumuar ken tumipon cadagiti Caldeos a manglacub cadacayo, agbiagto ket ti Jer. 39:18; 45:5.biagna addanto kencuana a cas maysa a samsam.

10Ta insangoc ti Lev. 20:5. Jer. 44:11.rupac ditoy nga ili a maipaay iti pagdacsan a saan a iti pagimbagan, cuna ni Jehova: isu maitedto Jer. 34:2; 38:3.iti ima ti ari ti Babilonia, ket Jer. 34:22; 38:18, 23; 52:13.puurannanto iti apuy.

11Ket no maipapan iti balay ti ari ti Juda, denggenyo ti sao ni Jehova:

12O balay ni David, castoy ti cuna ni Jehova, Tungpalem ti kinajusticia iti Sal. 101:8.agsapa, ket ispalem ti natacawan iti ima ti mangidadanes, di la ket ta ti pungtotco rumuar a cas iti apuy, ket aguram nga awan ti macaiddep kencuana, gapu iti kinadakes dagiti gapuannanyo.

13Adtoy, Eze. 13:8.bumusorac kenca, O agnaed iti lobong, ken iti bato ti tanap, cuna ni Jehova; dacayo nga agcuna, Siasino ti sumalogto a bumusor cadatayo? wenno asino ti sumrecto cadagiti pagtaengantayo?

14Ket dusaencayto cas mayannurot iti bunga dagiti gapuananyo, cuna ni Jehova; ket mangpasgedacto iti maysa nga apuy idiay bakirna, ket runawennanto amin nga adda nga aglicmut kencuana.