ISAIAS 14 - Ilokano Form-Based Bible: Ti Biblia (1973)

Ti pannacaisubli ti Israel. Cancion ti panagballigida iti Babilonia. Padto a maipapan iti Filistia.

1Ta ni Jehova addanto Sal. 102:3.caasina ken Jacob, Zac. 1:17.ken pilienna pay ti Israel, ken pagtaengenna ida iti dagada met laeng: Isa. 60:4, 5, 10.ket ti gangannaet tumiponto cadacuada, ket makicadduadanto iti balay ni Jacob.

2Ket dagiti tattao alaendanto ida, ken Isa. 49:22; 60:9.ipanda ida iti lugarda; ket ti balay ti Israel icutannanto ida iti daga ni Jehova, cas ad-adipen a lallaki ken babbai: ket cayawandanto dagiti nangcayaw cadacuada; Isa. 60:14.ket iturayandanto dagiti namarparigat cadacuada.

3Ket maaramidto iti aldaw a pannangted ni Jehova kenca iti panaginanam iti ladingitmo, ken iti riribucmo, ken iti narigat a panagservi a nacaipapilitam a nagservi.

4Nga Mik. 2:4. Hab. 2:6.nalaemto daytoy a pangngarig a maibusor iti ari ti Babilonia, ket cunaemto, Anian a panagpatingga dagiti mamarparigat! Apoc. 18:6.ti ili a balitoc naggibusen!

5Ni Jehova binungtolna ti sarucod ti managdacdakes, ti Isa. 9:4.cetro dagiti agturturay;

6A kinabilda iti pungtotda dagiti umili iti cancanayon a pang-or nga inturayanda dagiti nasnacion iti unget, a binuyogan ti panangidadanes nga awan ti nanglapped.

7Ti isu-amin a daga aginana, ket natalna: tumpuarda nga Isa. 44:23.agcancanta.

8Wen, dagiti caycayo a parwa agragsacda kenca, ken dagiti cancantingen ti Libano, a cunaenda, Nanipud iti pannacaibabam, awan ti mannaga a sumang-at a bumusor cadacami.

9Ti Tanem iti baba nagaraw a maipaay kenca a sumabet iti yaaymo; inriingannaca cadagiti natay, a dagiti amin met laeng a pangpangolo ti daga; pinatacderna dagiti ar-ari dagiti nasnacion manipud cadagiti tronoda.

10Isuda amin sumungbatdanto ken cunadanto kenca, Kimmapuyca met aya a cas cadacami? nagbalinca aya a capadpadami?

11Ti pasindayagmo nayulog idiay Tanem, ken ti aweng dagiti violonmo: ti igges maiwaras iti sirocmo, ken dagiti igigges abungolandaca.

12 Apoc. 8:10. Anian ti pannacatnagmo nanipud langit, O baggac, nga anac ti bigat! anian ti pannacakeltaymo a naipadaga, sica a pinagpacumbabam dagiti nasnacion!

13Ket kinunam ita pusom, Mat. 11:23.Agpangatoacto sadi langit, ibayogconto ti tronoc iti ngato Dan. 8:10.dagiti bitbitwen ti Dios; ken agtugawacto iti Isa. 2:2.bantay ti gimong, cadagiti Sal. 48:2.caadayuan a paspaset ti amianan;

14Agpangatoacto iti rabaw ti cangatoan dagiti ululep; ipadpadconto ti bagic ken Cangatoan.

15Nupay casta sica Ab. 4. Mat. 11:23.maibabacanto ken Tanem, iti cauunegan a paspaset ti dariwangwang.

16Dagiti macakita kenca tan-awandacanto, ot-otobendacanto, a cunaenda, Isu daytoy ti tao a pinagpigpigergerna ti daga, a nanggungon cadagiti pagpagarian;

17Nga inaramidna ti lubong a cas maysa a let-ang, ken rineb-bana dagiti il-ilina, a dina bulosan dagiti balbalud a mapan iti balayda?

18Amin dagiti ar-ari dagiti nasnacion, isuda amin maturogda iti dayag, tunggal maysa iti balayna met laeng.

19Ngem sica maipalapalca manipud iti tanemmo a cas maysa a nacarimrimon a sanga, a cas cawes dagiti pinapatay, a sinalput ida ti campilan, a bumaba cadagiti batbato ti dariwangwang; a cas iti maysa a bangcay a nabaddebaddecan.

20 Ecle. 6:3. Dicanto maitipon cadacuada iti pannacaitabon, agsipud ta dinadaelmo ti dagam, pinapataymo dagiti cailiam; ti bin-i dagiti managaramid ti dakes Sal. 21:10.saanto a masarsarita iti agnanayon.

21Agsaganacayo iti pagpapatayan a maipaay cadagiti annacna a gapu iti Ex. 20:5.kinadakes dagiti ammada, tapno Sal. 140:10.dida tumacder, ken agtagicua iti daga, ken mangpunno iti rabaw ti lubong cadagiti il-ili.

22Ket tumacderacto a bumusor cadacuada, cuna ni Jehova dagiti buybuyot, ket pucawecto iti Babilonia ti Jer. 51:62.nagan ken ti nabati, ken anac ken anac ti anac, cuna ni Jehova.

23Isu aramidecto met a tagicuaen dagiti babassit nga animal ken al-alog dagiti dandanum: ken isu sagadecto iti sagad ti panangrebba, cuna ni Jehova dagiti buybuyot.

24Ni Jehova dagiti buybuyot insapatana, a cunana, Pudno unay, a cas iti panangpanunotco, castanto ti maaramid; ken cas iti pinanggepco, casta ti mataginayonto:

25 Isa. 37:36. A burakecto ti Asirio iti dagac, ken iti rabaw dagiti banbantayco isu payatpayatec: iti casta ti Isa. 10:27.sangolna agiccatto cadacuada, ket ti awitna agiccatto iti abagada.

26Isu daytoy ti panagem a naisagana a maipaay iti amin a daga; ken daytoy ti ima a nailayat iti rabaw ti amin a nacion.

27Ta ni Jehova dagiti buybuyot pinanggepna, ket asino ti mangawawanto? ket ti imana nailayat, ket asino ti mangcucotto?

28Idi tawen nga ipapatay ni Isa. 13:1.ari Acaz adda idi 2 Ar. 16:20.daytoy nga awiten.

29Dica agragsac, O bil. 31.Filistia, sica amin, agsipud ta ti pang-or a nangabil kenca nabungtol; ta iti ramut ti uleg agtaudto ti maysa a carasaen, ket ti bungana isunto ti maysa a narungsot nga agtaytayab nga uleg.

30Ti inauna nga anac ti napanglaw agtaraonto, ket ti macurcurangan agiddanto a sitatalged; ket patayecto iti bisin ti ramutmo, ket ti mabati kenca mapapatayto.

31Agtaguobca, O ruangan; agickisca, O ili, marunawca, O Filistia, sica amin; ta umay ti maysa nga asuc nga aggapu iti amianan, ket awan ti di agtuloy iti buyotna.

32Ania ngarud ti isungbatto ti maysa cadagiti binaon ti nacion? A ni Sal. 87:1, 5.Jehova binangonna ti Sion, ket Isa. 10:2. Zac. 11:7, 11.ti mapaladingit iti ilina agcamangto kencuana.