EXODO 1 - Ilokano Form-Based Bible: Ti Biblia (1973)

Pannacaparigat ti Israel sadi Egipto.

1Dagitoy dagiti Gen. 35:23, 26; 46:8. Ex. 6:14.nagnagan dagiti annac ni Israel a simrec sadi Egipto; tunggal maysa a lalaki agraman familiana kinacuyog ida ni Jacob.

2Da Ruben, Simeon, Levi ken Juda,

3Da Issacar, Zabulon ken Benjamin,

4Da Dan ken Neftali, ken Gad ken Aser.

5Ket amin dagiti tattao a nagtaudda iti lasag ni Jacob Gen. 46:26, 27. Deut. 10:22.pitopuloda a carcararua; ket ni Jose addan idi sadi Egipto.

6 Gen. 50:26. Ket ni Jose natay ken amin dagiti cacabsatna ken amin daydi a caputotan.

7 Deut. 26:5. Ket dagiti annac ni Israel immaduda, ket wimmadwadda iti casta unay, ket nabungada ket nagbalinda a naglablabes iti pannacabalin; ket ti daga napusec cadacuada.

8 D. Ara. 7:18. Idi cuan nabangon ti baro nga ari sadiay Egipto, isu a di nangbigbig ken Jose.

9 Sal. 105:24. Ket kinunana cadagiti iturayanna, Kitaenyo, dagiti tattao nga annac ti Israel ad-aduda ken manmannacabalinda ngem datayo:

10Umaycayo, Sal. 105:25. Heb. 11:23.agaramidtayo a sisasaririt cadacuada di la ket ta umadaduda pay, ket no mapasamac ti gubat, tumiponda pay cadagiti cabcabusortayo, ket makicabilda cadatayo, ket pumanawda ditoy a daga.

11 Gen. 15:13. Iti casta insaadda dagiti mangdagdag cadacuada a mamadagsen Ex. 2:11; 5:4, 5; 6:6, 7. Sal. 81:6.cadagiti awawitda. Ket imbangonanda ni Faraon cadagiti Ex. 12:37. Gen. 47:11. 1 Ar. 9:19.il-ili a pagipenpenan iti taraon, a Pitom ken Rameses.

12Ngem no casano ti pammarparigatda cadacuada, ad-adda met ti yaaduda ken ad-adda ti panagrucbusda. Ket matoocanda iti maipanggep cadagiti annac ti Israel.

13Ket dagiti Egipcios inadipenda a siiinget unay dagiti annac ti Israel:

14Ket pinapaitda ti panagbiagda iti nacaro a pannacaadipen, iti panagmasa ken panagladrillo, ken amin a kita ti pacaaramatan iti talon, amin nga aramidda, isu a pinangadipenda iti napalalo cadacuada.

15Ket ti ari ti Egipto imbagana cadagiti mammaltot nga Hebreas, a ti nagan ti maysa Sifra, ket ti nagan caduana Pua:

16Ket kinunana, Intono mamaltotcayo cadagiti Hebreas, ket makitayo ida idiay pagpaanacan; no anac a lalaki, patayenyonto ngarud; ngem no anac a babai, agbiagto.

17Ngem dagiti mammaltot Prov. 16:6.nagbutengda iti Dios, ket Dan. 3:16, 18. D. Ara. 5:29.dida inaramid ti cas imbilin ti ari ti Egipto cadacuada, no di ket biagenda idi dagiti ubbing a lallaki.

18Ket pinaayaban ti ari ti Egipto dagiti mammaltot, ket kinunana cadacuada, Apayapay nga inaramidyo daytoy, ket biniagyo dagiti ubbing a lallaki?

19Ket dagiti mammaltot kinunada ken Faraon, Gapu ta dagiti babbai nga Hebreas saanda a cas cadagiti babbai nga Egipcias; ta isuda nasiglatda, ket nacapasngaydan no dipay macadanon ti mammaltot cadacuada.

20 Ecle. 8:12. Ket ti Dios inaramidna ti imbag cadagiti mammaltot: ket immadu dagiti tattao, ket nagbalinda a mannacabalin unay.

21Ket naaramid a gapu ta dagiti mammaltot nagbutengda iti Dios, isu inaramidna 1 Sam. 2:35. 1 Ar. 2:24; 11:38. Sal. 127:1.ida a sagsangacabbalayan.

22Ket imbilin ni Faraon cadagiti amin nga iturayanna, a cunana, Tunggal lalaki, nga anac a tumao, yanudyonto iti carayan, ket tunggal anac a babai biagenyonto.