DAGITI PROVERBIO 27 - Ilokano Form-Based Bible: Ti Biblia (1973)

Nadumaduma a panangipadpad ken sursuro ti kinasingpet.

1 Sant. 4:13, 14. Dica pagpasindayaw ti aldaw no bigat; ta dica ammo ti mapagteng iti maysa nga aldaw.

2 2 Cor. 10:12. Sabali laeng a tao ti mangidayaw coma kenca, ket saan a ta ngiwatmo met laeng; ti gangannaet, ket saan a dagiti met la bibigmo.

3Ti bato nadagsen, ket ti darat maganting; ngem ti pungtot ti maag nadagdagsen ngem isuda a dua.

4Ti rungsot nadawel, ket ti pungtot mangiremrem; ngem 1 Juan 3:12.siasino ti macabalin nga agtacder iti saclang ti kinaimon?

5 Prov. 28:23. Gen. 2:14. Nasaysayaat ti nabatad a panangtubngar ngem ti ayat a mailemlemmeng.

6 Sal. 141:5. Natalec dagiti panangdanar ti gayyem; ngem nabuslon dagiti agep ti cabusor.

7Ti sipepennec a cararua masuya iti rara; ngem iti Job 6:7.carurua a mabisinan amin a napait nasam-it.

8Cas ti tumatayab nga adayuanna ti umocna, casta ti maysa a tao nga adayuanna ti taengna.

9Ti lana ken bangbanglo paragsakenda ti puso; casta met ti kinasam-it ti napusoan a balacad ti gayyem ti maysa a tao.

10Ti gayyemmo met laeng, ken ti gayyem ni amam, Prov. 17:17; 18:24.dica baybay-an; ket dica mapan iti balay ni cabsatmo iti aldaw ti kinadacsangasatmo: nasaysayaat ti caarruba nga adda iti asideg ngem ti cabsat nga adayu.

11Anacco, Prov. 10:1.agsiribca, ket paragsakem toy pusoc, tapno masungbatac ti mangumsi caniac.

12 Prov. 22:3. Ti manakem a tao mabigbigna ti dakes, ket aglemmeng; Prov. 1:4.

ngem ti nanengneng aglayon laeng, ket agsagaba.

13 Prov. 20:16. Alaem ti pagan-anay ti mangpatalged iti dina am-ammo; ket igawidmo a sandi ti mangpatalged iti babai a gangannaet.

14Ti mangbendito iti gayyemna iti natbag a timecna, nga agriing a masapa iti bigat, maibilangto a lunod kencuana.

15 Prov. 19:13. Ti cancanayon a panagtedted iti natutudo nga aldaw ken ti mannakiringgor a babai agpadada a dua:

16Ti mangigawid coma kencuana mangigawid iti angin; ket ti canawan nga imana maisalapon iti lana.

17Ti landoc patademenna ti landoc; casta met ti tao patademenna ti langa ti gayyemna.

18 1 Cor. 9:7. Siasinoman nga agaywan iti cayo nga higos canennanto ti bungana; ket ti mangipatpateg iti apona madaydayawto.

19Cas iti danum ti rupa iyaninawna ti rupa, casta met ti puso ti tao ken tao.

20 Prov. 30:15, 16. Da Tanem ken Dadael saanda a mapnec uray caanoman; Ecle. 1:8.ket dagiti matmata ti tao saanda a mapnec.

21 Prov. 17:3. Ti pagguguran maipaay iti pirac, ken ti horno iti balitoc; ket ti tao masuut gapu iti pannacaidaydayawna.

22 Prov. 23:35. Isa. 1:5. Jer. 5:3. Uray ngata no begbegem ti maag iti alsong agraman iti al-o a mailaoc iti mabayo a bagas. Nupay casta dinto pumanaw kencuana ti kinamaagna.

23Gagetam nga ammoen ti casasaad dagiti pangenmo, ken imatangam a naimbag dagiti arbanmo:

24Ta dagiti sanicua 1 Tim. 6:7.saanda nga agnanayon; ket ti balangat agpautto aya agingga cadagiti amin a caputotan?

25 Sal. 104:14. Ti garami macasacas, ket ti naganus a root agparang, ket dagiti mulmula cadagiti banbantay maapit.

26Dagiti cordero agservida iti pagananaymo, ket dagiti calding isuda ti pateg ti tay-acmo;

27Ket addanto gatas ti calding nga umanay a taraonmo, ken taraon ti familiam, ken pagtaraken cadagiti babbalasangmo.