1Idin isu nagickis cadagiti pagdengngegco iti natbag a timec, a kinunana, Paasitgenyo ida dagiti agaywan iti ili tunggal tao siiiggem iti igamna a panggubat.
2Ket adtoy, a dagiti innem a lallaki naggapuda iti dalan ti nangatngato 2 Ar. 15:35.a ruangan, a simmango iti amianan, tunggal maysa siiiggem iti igamna a pagpatay; ket maysa a lalaki iti tengngada nacacawes iti lienzo, nga adda pagtinteroan ti mannurat iti siketna. Ket simrecda, ket nagtacderda iti arpad ti Ex. 27:2.altar a gambang.
3Ket Ex. 10:4, 18.ti dayag ti Dios ti Israel nagpangato nanipud idi kerubin, nga yanna idi, inggana iti dapian ti balay: ket inayabanna ti lalaki a nacacawes iti lienzo, nga adda pagtinteroan ti mannurat iti siketna.
4Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam Apoc. 7:3; 9:4; 20:4.ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.
5Ket cadagiti sabali kinunana iti panagdengngegco, Lumabascayo iti ili iti licudanna, ket cabilenyo: saan coma a mangisakit ti matayo, ket dicayo met mangngaasi;
6Papatayenyo nga ikisap dagiti lallacay, babbaro ken babbalasang, ububbing ken babbai; ngem dicayto asitgan ti siasinoman a tao nga adda tandana: ket Jer. 25:29.mangrugicayo idiay santuarioc. Idin rinugianda cadagiti lallacay Eze. 8:11, 12.nga adda iti sango ti balay.
7Ket kinunana cadacuada, Eze. 7:21.tulawanyo ti balay, punnoenyo dagiti paraangan cadagiti napapatay: rumuarcayo. Ket rimmuarda, ket nagcabilda iti ili.
8Ket napasamac, idinto a nagcabcabilda, ket nabatiac, a nagpaclebac, ket nagpuccawac, ket kinunac, O Apo Jehova! dadaelemto aya amin a natda iti Israel iti panangibuyatmo iti pungtotmo iti Jerusalem?
9Idin kinunana caniac, Iti kinadakes ti balay ti Israel ken ti Juda napalalo unay, ket ti daga napno iti dara, ket ti ili napno iti panangkillo iti panangocom: ta cunada, ni Jehova binaybay-anna ti daga, ket ni Jehova saan a macakita.
10Ket no maipapan met caniac, ti Eze. 7:4.matac saanto a mangisakit, ket diacto met mangaasi, ngem iyegconto ti dalanda iti rabaw dagiti ol-oloda.
11Ket, adtoy, a daydi lalaki a nagcawes iti lienzo, nga adda pagtinteroan iti siketna, impadamagna ti banag, a kinunana, Inaramidco a cas imbilinmo caniac.
Who We AreWhat We EelieveWhat We Do
2025 by iamachristian.org,Inc All rights reserved.
