ISAIAS 34 - Ilokano Form-Based Bible: Ti Biblia (1973)

Ti pungtot ti Dios a maibusor cadagiti nasnacion nangnangrona iti Edom.

1Umasidegcayo a Sal. 49:1.dumngeg dacayo a nasnacion; ken timudenyo, dacayo nga il-ili Deut. 32:1. Isa. 1:2.dumngeg coma ti daga, ken ti linas-udna, ti lubong, ken amin a tumaud kencuana.

2Ta ni Jehova adda pungtotna cadagiti amin a nasnacion, ken rungsotna iti amin a buyotda: isu dinadaelna ida a tinalipupus, inyawatna ida iti pagpapatayan.

3Dagiti minatayda maibellengdanto met, ket ti Joel 2:20.buyoc dagiti bangcayda umulinto; ken dagiti banbantay marunawdanto iti darada.

4 Sal. 102:26. Mat. 24:29. Ket amin a buyot ti langit mawarawaranto, ken dagiti langlangit Apoc. 6:14.malucotlucotdanto a cas maysa a libro a linucot; Isa. 14:12.ket amin a buyotda malaylaydanto, a cas iti bulong a malaylay a naisina iti uvas, ken cas maysa a bulong nga aglaylay nga aggapu iti cayo ti higos.

5Ta ti campilanco Jer. 46:10.imminum a napnec sadi langit: adtoy, Jer. 49:7. Mal. 1:4.umulogto iti rabaw ti Edom, ken iti rabaw ti umili ti panangilunodco, tapno maocom.

6Ti campilan ni Jehova napno iti dara, isu napalucmeg iti taba, iti dara dagiti cordero ken calding, iti taba dagiti beckel dagiti carnero a lallaki; Isa. 63:1. Sof. 1:7.ta ni Jehova adda maysa a datonna idiay Bosra, ken maysa a dackel a panagpapatay iti daga ti Edom.

7Ket dagiti vacvaca nga atap makipagsalogdanto cadacuada, ken dagiti urbon a calakian agraman cadagiti toro: ket ti dagada mabartecto iti dara, ken ti tapocda mapalucmegto iti taba.

8Ta ni Jehova addaan maysa nga aldaw a Isa. 61:2; 63:4. Apoc. 9:15.panangbales, maysa a tawen ti gunguna a maipaay iti panggep ti Sion.

9Ket dagiti carcarayan ti Edom Deut. 29:23.agbalindanto nga alquitran, ken ti tapocna azufre, ket ti dagana agbalinto nga agdardarang nga alquitran.

10Isu dinto maiddep iti rabii wenno aldaw; ti asucna agpangatonto nga Apoc. 14:11.agnanayon; manipud iti caputotan agingga iti caputotan aglangalangto; awanto ti lumasat kencuana iti agnanayonen.

11Ngem ti pelicano Sof. 2:14. Apoc. 18:2.ken ti animal a bassit a natirad ti dutdutna isu tagicuaendanto; ket ti puec ken ti wac agtaengdanto idiay; ket 2 Ar. 21:13. D. Un. 2:8.yunnatnanto iti rabawna ti paltic ti pannacariru, ken ti tinnag ti kinaongaong.

12Ayabandanto dagiti natacnengna iti pagarian, ngem awanto ti agyan idiay; ket amin a panguloenna awandanto.

13Ket dagiti calunay Isa. 32:13. Os. 9:6.tumubodanto cadagiti palaciona, camcamiring ken cascasumba cadagiti sarikedkedna; ket isunto ti maysa a pagyanan dagiti chacal; Isa. 35:7.maysa a paraangan a maipaay cadagiti avestruz.

14Ket dagiti atap nga an-animal iti let-ang sumaracdanto cadagiti lobo, ken ti atap a calding awagannanto ti caduana; wen, ti pagkigtotan iti rabii agsaadto sadiay, ket isu masaracannanto ti maysa a disso a paginanaan nga agpaay kencuana.

15Idiay ti pagaramidanto ti uleg a nasiglat iti umocna, ken pagitloganna, ken pagucopanna, ken pagurnonganna iti siroc ti linongna, wen, idiay maurnongdanto dagiti sawi, tunggal maysa agraman caduana.

16Sapulenyo nga aggapu iti libro ni Jehova, ket basaenyo: Isa. 49:26.cadagitoy awanto ti agcurang, awanto ti mangsapul iti caduana; ta isu ti imbilin ti ngiwatco, ken ti Espirituna inurnongna ida.

17Ket nakiginnasanggasat gapu cadacuada, ken iti imana isu ti pinangbingayna cadacuada a bininnatog isu ti tagicuaendanto nga agnanayon; manipud caputotan agingga iti caputotan agtaengdanto kencuana.