EZEQUIEL 28 - Ilokano Form-Based Bible: Ti Biblia (1973)

Ti pannacaabac ti ari ti Tiro, ken ti un-unnoy gapu kencuana. Ti padto a maibusor iti Sidon. Ti pannacaisubli ti Israel.

1Ti sao ni Jehova dimteng manen caniac, a kinunana,

2Anac ti tao, ibagam iti principe ti Tiro, Castoy ti cuna ni Apo Jehova: Agsipud ta ti pusom timmangsit, ket kinunam, Siac maysaac a dios, agtugawac iti tugaw ti Dios, Eze. 27:4.iti tengnga dagiti baybay; nupay casta Isa. 31:3.sica taoca, a saan a Dios, nupay insaadmo ti pusom a cas ti puso ti Dios;

3Adtoy Zac. 9:2.sica masmasiribca ngem ni Daniel; awan ti palimed a mailinged kenca;

4Babaen ti siribmo ken babaen ti pannacaawatmo nacagun-odca cadagiti kinabacnang, ket nacaornongca ti balitoc ken pirac cadagiti gupgupitmo;

5Babaen ti dackel a siribmo ken babaen ti panagtagilacom pinaadum dagiti kinabacnangmo, ket ti pusom timmangsit gapu cadagiti kinabacnangmo;

6Gapuna castoy ti cuna ni Apo Jehova; Agsipud ta insaadmo ti pusom cas ti puso ti Dios;

7Adtoy ngarud, yegconto dagiti Eze. 7:21; 30:12; 31:12.gangannaet kenca, dagiti Eze. 30:11.nacaamamac manipud cadagiti nasnacion, ket isuda asutendanto dagiti campilanda a maibusor iti imnas ti siribmo, ket tulawandanto ti raniagmo.

8Ipababadacanto iti yuyeng, ket mataycanto iti ipapatay dagidiay a mapapatay, iti tengnga dagiti baybay.

9Cunaemto pay laeng aya iti sangoanan ti mamapatay kenca, Siac Diosac? ngem sica taoca, a saan a Dios, iti ima daydiay a mangsugat kenca.

10Mataycanto iti ipapatay dagiti Eze. 31:18; 32:19, 21, 24-30, 32.saan a nacugit babaen ti ima dagiti gangannaet; ta sinaoc, cuna ni Apo Jehova.

11Castamet ti sao ni Jehova dimteng caniac, a kinunana,

12Anac ti tao, Eze. 32:2.agunnoyca maipaay iti ari ti Tiro, ket cunaem kencuana, Castoy ti cuna ni Apo Jehova: Eze. 27:3.Sica selloam ti pacadagupaa, napno ti sirib, ken awan pagcuranganna iti imnas.

13Addaca idi idiay Eden, a Eze. 31:8, 9.minuyongan ti Dios; tunggal napateg a bato isu ti abbongmo, sardio, topacio, ken ti diamante, ti berilo, ti onix, ken ti jaspe, ken ti zafiro, ti esmeralda ken ti carbunculo, ken balitoc: ti pannacaaramid dagiti panderetam ken dagiti pito adda idi kenca; idi aldaw a pannacaparsuam isuda naisaganada.

14Sica ti napulotan a Ex. 25:20.kerubin a mangabbong: ket siac insaadca, tapno addaca idi iti rabaw Eze. 20:40.ti nasantoan a bantay ti Dios; sica nagnagnaca iti tengnga dagiti bil. 16. Mal. 3:17.batbato nga apuy.

15Sica awan idi ti pagcurangam cadagiti daldalanmo nanipud idi aldaw a pannacaparsuam agingga iti nasarac kenca ti kinakillo.

16Gapu iti caadu ti panagtagilacom pinunnoda ti tengngam iti panangranggas ket sica nagbasolca: gapuna nga imbellengca a cas saan a sagrado iti bantay ti Dios; ket dinadaelca, O mangabbong a kerubin, manipud iti tengnga dagiti batbato nga apuy.

17Ti pusom timmangsit gapu iti imnasmo; tinulawam ti siribmo gapu iti raniagmo; impurruacca iti daga; incabilca iti sangoanan dagiti ar-ari, tapno makitadaca coma.

18Gapu iti caadu dagiti kinadangkesmo, iti kinakillo ti panagtagilacom, tinabbaawam dagiti santuariom; gapuna nga Eze. 30:8, 14, 16. Apoc. 18:9.inruarco ti maysa nga apuy manipud iti tengngam; isu linamutnaca, ket siac pinagbalinca a dapu iti rabaw ti daga iti imatang ti amin dagidiay macakita kenca.

19Isuda amin a macaammo kenca cadagiti il-ili masdaawdanto kenca; sica nagbalinca a pagbutngan, ket awancanton nga agnanayon.

20Ket ti sao ni Jehova dimteng caniac, a kinunana,

21Anac ti tao, isangom ta rupam nga Isa. 23:4, 12. Jer. 25:22; 27:2. Eze. 32:30.agturong iti Sidon, ket agpadtoca iti maibusor kencuana,

22Ket cunam, Castoy ti cuna ni Apo Jehova: Adtoy, bumusorac kenca; O Sidon; ket siac maitan-ocacto iti tengngam; ket mabigbigdanto a siac ni Jehova, intono aramidec dagiti panangocomco kencuana, ken Eze. 20:41.masantificarac kencuana.

23Ta ibaonconto ti angol kencuana, Eze. 38:22.ken dara cadagiti lanlansanganna; ket dagiti nasugatan mapasagdanto iti tengngana, nga adda campilan a maicaniwas kencuana iti tunggal sikigan; ket mabigbigdanto a siac ni Jehova.

24Ket Num. 33:55. Jer. 23:13.awanton ti natarumamis a calunay iti balay ti Israel, wenno macadunor a siit ti aniaman a nailicmut cadacuada, dagidiay nangoyaw cadacuada; ket mabigbigdanto a siac ni Apo Jehova.

25Castoy ti cuna ni Apo Jehova: Eze. 39:29.Intono urnongec ti balay ti Israel manipud cadagiti il-ili a nacaiwarasanda, ket masantificaracto cadacuada iti imatang dagiti nasnacion, isunto ti Eze. 39:35.panagtaengda iti dagada met laeng nga intedco ken adipenco a Jacob.

26Ket agnaeddanto a sitatalged kencuana; Jer. 23:6. Eze. 35:28; 38:8.wen, agbangondanto cadagiti balbalay, ken agmulada cadagiti cauvasan, ket agtaengdanto a sitatalged, intono ocomec dagidiay amin a nangoyaw cadacuada iti aglicmutda; ket mabigbigdanto a siac ni Jehova a Diosda.