DAGITI PROVERBIO 10 - Ilokano Form-Based Bible: Ti Biblia (1973)

Nadumaduma a proverbios nga isupadida ti nalinteg iti nadangkes.

1 Prov. 1:1. Dagiti proverbios ni Salomon. Ti Prov. 15:20; 17:21, 25; 19:13; 29:3, 15.masirib nga anac paragsakenna ni amana; ngem ti maag nga anac isu ti babantot ni inana.

2 Sal. 49:6, 7. Luc. 12:19, 20. Dagiti gamgameng ti kinadakes awan mamaayda; ngem ti kinalinteg mangispal manipud ken patay.

3 Sal. 10:14; 34:9, 10; 37:25. Ni Jehova dinanto ituloc a ti cararua ti nalinteg mabisinan; ngem iwalinnanto ti calicagum ti nadangkes.

4Pumanglaw ti agtrabajo a naliway ti Prov. 13:4; 21:5.imana; ngem ti ima ti nasalucag mamabacnang.

5Ti agurnong no calgaw masirib nga inanac; ngem ti maturog no panagani inanac a mangibabain.

6Dagiti bendicion agsaadda iti olo ti nalinteg, ngem ti kinauyong apputenna ti ngiwat ti nadangkes.

7 Sal. 9:5, 6; 112:6. Ti pacalaglagipan ti nalinteg nagasat; ngem ti nagan ti nadangkes aglungsotto.

8Ti masirib iti pusona awatennanto dagiti bilbilin; ngem ti natanattat a maag mapasagto.

9Ti magna a sililinteg magna a sitatalged; ngem ti mamadakes cadagiti daldalanna maammoanto.

10 Sal. 35:19. Ti agkidkidday cadagiti matana mamataud iti ladingit; ngem ti natanattat a maag mapasagto.

11Ti ngiwat ti nalinteg Prov. 13:14; 14:27.ubbog ti biag; ngem ti kinauyong abbonganna ti ngiwat ti nadangkes.

12Ti gura riingenna ti ringgor; Prov. 17:9. 1 Cor. 13:4. Sant. 5:20. 1 Ped. 4:8.ngem ti ayat abbonganna amin a salsalungasing.

13Cadagiti bibig ti addaan kinasaririt masaracan ti kinasirib; ngem ti pang-or maipaay iti bucot ti awanan pannacaawat.

14Dagiti masirib a tattao agurnongda iti pannacaammo; ngem ti ngiwat ti maag isu ti agdama a pacadadaelan.

15Ti sanicua ti nabacnang a tao Prov. 18:11.isu ti natibker nga ilina: ti pacadadaelan ti napanglaw isu ti kinapanglawna.

16Ti kinamanagtrabajo ti nalinteg agduyos iti biag; ti kinarang-ay ti nadangkes agduyos iti basol.

17 Prov. 6:23. Daydiay adda iti dalan ti biag icascasona ti pammagbaga; ngem ti mangbaybay-an iti pannacatubngar agbiddut.

18Ti mangilimed iti gura naulbod dagiti bibigna; ti Sal. 15:3.agsao iti pammadpadakes maag.

19Cadagiti adu a sasao saan nga agcurang ti pannacasalungasing; ngem Sant. 1:19.ti manengngel cadagiti bibigna agaramid a sisisirib.

20Ti dila ti nalinteg cas pirac a napili: ti puso ti nadangkes bassit ti pategna.

21Dagiti bibbibig dagiti nalinteg adu dagiti mataraonanda; ngem dagiti maag matmatayda iti caawan ti pannacaawatda.

22 Gen. 26:12. Ti bendicion ni Jehova ti mangpabacnang; ket saanna nga anayan iti ladingit.

23Iti maag cas la panangayayamna ti panangaramidna iti Prov. 2:14; 14:9; 15:21.kinadakes; ket casta met ti sirib iti tao a mannacaawat.

24 Job 15:21. Ti buteng ti nadangkes, dumtengto kencuana; Sal. 145:19. Mat. 5:6. 1 Juan 5:14, 15.ket ti tarigagay ti nalinteg maitedto.

25No macalabas ti alipugpog, ti Sal. 37:9, 10, 36.nadangkes awanen; ngem ti Mat. 7:24, 25.nalinteg isu ti agnanayon a pacaibatayan.

26Cas suca cadagiti ngipen, ken cas asuc cadagiti mata, casta ti nasadut cadagiti mangibaon kencuana.

27 Prov. 9:11. Ti panagbuteng ken ni Jehova nayunanna dagiti al-aldaw; Job 15:32, 33. Sal. 55:23. Ecle. 7:17.ngem dagiti tawtawen ti nadangkes mapaababadanto.

28Ti inanama ti nalinteg kinaragsacto; Prov. 11:7.ngem ti namnama ti nadangkes mapucawto.

29Ti dalan ni Jehova maysa a sarikedked cadagiti nalinteg; Sal. 1:6.ngem isu ti pacadadaelan cadagiti agaramid iti kinadakes.

30 Sal. 37:22, 29. Ti nalinteg dinto maisina; Prov. 2:11, 22.ngem ti nadangkes dinto agtalinaed ditoy daga.

31 Sal. 37:30. Ti ngiwat ti nalinteg agyesngaw iti sirib; ngem ti naulpit a dila mapulsotto,

32Dagiti bibig ti nalinteg ammoda ti macaay-ayo; ngem ti ngiwat ti nadangkes agsao iti kinaulpit.