ISAIAS 48 - Ilokano Form-Based Bible: Ti Biblia (1973)

Pannacatubngar ti di panagtalec ti Israel. Maicari ti pannacaispal iti Babilonia.

1Denggenyo daytoy, O balay ni Jacob, a mapanaganan iti nagan ti Israel, Sal. 68:26.ken nagtaud cadagiti dandanum ti Juda; dacayo nga agsapata iti nagan ni Jehova, Deut. 6:13.ken mangipalagip iti Isa. 29:23.Dios ti Israel, ngem saan nga iti kinapudno ken saan met nga iti kinalinteg,

2(Ta naganenda ti bagida a tattaoda iti santo nga ili, ken agsadagda 2 Cron. 32:8. Mik. 3:11. Rom. 2:17.iti Dios ti Israel; Jehova dagiti buybuyot ti naganna):

3 Isa. 41:26. Impablaacco dagiti immuna a banbanag nanipud idi damo; wen, rimmuarda iti ngiwatco, ken iparangco ida; pinnetatco ida nga inaramid, ket natungpalda.

4Agsipud ta ammoc idi a Ex. 32:9.natangkenca, ket ti tengngedmo piskel a landoc, ket ti mugingmo gambang;

5Gapuna nga isu ti impablaacco kenca nanipud idi unana; idi saan pay a naaramid impakitacon kenca; Isa. 45:20.di la ket ta cunaem coma, Ti diosec inaramidna ida, ken ti kinitikitan a ladawan ken ti sinocog a ladawan a cucuac imbilinda ida.

6Sica isu ti nangngegmo; mamatmatanyo amin daytoy; ket dacayo, dicayo aya ipablaac? impakitac kenca dagiti babbaro a banbanag manipud itoy a pannawen, nga isuda dagiti naitalimeng a banbanag, a dica ida naammoan.

7Caparparsuada ita, ket saan a nanipud idi damo; ket idi sacbay daytoy nga aldaw dica ida nangngegan; di la ket ta cunaem coma, Adtoy, ammoc ida idin.

8Wen, dica nangngegan; wen, dica naammoan; wen, nanipud idi unana ti lapayagmo saan idi a naluctan: ta ammoc idi a nagaramidca a sililiput unay, ket nanagananca iti maysa a managsukir Isa. 49:1.nanipud iti aanacan.

9Gapu iti bil. 11. Est. 20:9, 14, 22, 44.naganco Sal. 78:38.pagtantanec ti ungetco, ken gapu iti dayawco gawidac kenca, tapno saanca pay a keltayen.

10Adtoy, siac Sal. 66:10. 1 Ped. 1:7.ginugoranca, ngem saan a cas iti pirac; siac pinilica Isa. 22:18, 20, 22.iti horno ti pacarigatan.

11Gapu caniac, gapu caniac, isu ti aramidecto; Eze. 20:9.ta casano ti pannacatulaw coma ti naganco? Isa. 42:2. Sal. 115:1.Ket ti dayagco diacto ited iti sabali.

12Dumngegcayo caniac, O Jacob, ken Israel nga inayabac: Deut. 32:39.Siac daydiay: Isa. 41:4; 44:6.siac ti umuna, siac met ti maudi.

13Wen, ti imac Sal. 102:25. Isa. 51:13, 16.insaadna ti pamuon ti daga, ken ti imac a canawan isacnapna dagiti langlangit: no ayabac ida, sangsangcagiddanda a tumacder.

14Agtatallaongcayo, dacayo amin, ket denggenyo; Isa. 41:26.asino cadacuada ti mangipablaacto cadagitoy a banbanag? Daydiay Isa. 45:1.dungdungoen ni Jehova Isa. 44:28.aramidennanto ti pagayatanna iti Babilonia, ken ti tackiagna maipatayto cadagiti Isa. 23:13.Caldeos.

15Siac, siac met laeng sinaoc, wen, isu ti inayabac; Isa. 45:1-3.isu ti inyegco, ket isu aramidennanto a narang-ay ti dalanna.

16Umasidegcayo caniac, denggenyo daytoy; nanipud idi punganay; Isa. 45:19.saanac a nagsao iti linged; nanipud idi pannawen a kinaaddana, addaac idiay: ket ita Isa. 61:1.ni Apo Jehova imbaonnac, ken ti Espirituna.

17Castoy ti cuna ni Isa. 43:14.Jehova, ti Mannubbotmo, ti Santo ti Israel: Siac ni Jehova a Diosmo, a mangisuro kenca a maipaay iti gungunam, a mangiturong kenca iti dalan a papanam coma.

18O no dinengngegmo coma dagiti bilbilinco! bil. 11. Eze. 20:9, 14, 22, 44.iti casta ti talnam cas coma iti maysa a carayan, ken ti kinalintegmo cas la coma daldalluyon ti baybay:

19Ti Gen. 22:17. Isa. 10:22.bin-im cas met la coma darat, ken ti putot ti tianmo casda la coma iti caadu ti darat; ti nagana saan coma a makeltay di-met mapucaw iti sangoanac.

20Magnacayo manipud Babilonia, Isa. 52:11. Jer. 50:8; 51:6, 45. Zac. 2:6, 7.italawanyo dagiti Caldeos; ipablaacyo babaen ti timec ti panagcanta, ibagayo daytoy, ipuccawyo agingga iti pungto ti daga: cunaenyo, Ni Jehova Ex. 19:4-6. Isa. 44:22, 23.sinubbotna ni adipenna a Jacob.

21 Isa. 35:6. Ket dida nawaw idi inturongna ida nga inlasat cadagiti langlangalang: Isa. 43:19.isu pinaayusna dagiti dandanum a naggapu iti bato a maipaay cadacuada; pinisina met ti bato ket nagsayasay dagiti dandanum.

22Awan ti talna Isa. 57:21.iti nadangkes, cuna ni Jehova.