LEVITICO 15 - Ilokano Form-Based Bible: Ti Biblia (1973)

Dagiti kinarugit ken ti pannacadalusda.

1Ket ni Jehova nakisao ken Moises ken ni Aaron, a kinunana,

2Ibagam cadagiti annac ti Israel, ket saoem cadacuada, Lev. 22:4. Num. 5:2. 2 Sam. 3:29.No adda lalaki nga agtotot ti lasagna, isu narugit gapu iti panagtototna.

3Ket daytoyto ti kinarugitna iti panagtototna: uray maicuyog ti lasagna iti panagtototna, wenno di maicuyog ti lasagna iti panagtototna, daytoy ti pagrugitanna.

4Amin a nagiddaan ni agtotot narugitto; ken amin a nagtugawanna, narugitto.

5Ket siasinoman a macasagid iti iddana, labaannanto dagiti pagpagan-anayna, Lev. 11:25; 17:15.ket agdigosto iti danum, ket narugit inggana iti rumabii.

6Ket ti macatugaw iti uray ania a nagtugawan ni agtotot, labaannanto dagiti pagan-anayna, ket agdigosto iti danum, ket narugitto inggana iti rumabii.

7Ket ti macasagid ti lasag ni agtotot labaannanto dagiti cawesna, ket digosennanto ti bagina iti danum, ket narugitto inggana iti rumabii.

8Ket no ti addaan iti totot matupraanna ni nadalus, daytoy ngarud labaannanto dagiti cawesna, ket digosennanto ti bagina iti danum, ket narugitto inggana iti rumabii.

9Ket uray ania a pagsilla a pagsacayan ni agtottotot narugitto.

10Ket siasinoman a macasagid iti nagsaadanna, narugitto agingga iti rumabii: ket ti mangala cadagidiay, labaannanto dagiti pagpagan-anayna, ket agdigosto iti danum, ket saanto a nadalus agingga iti rumabii.

11Ket siasinoman a masagid ni addaan totot a dina nabuggoan dagiti imimana iti danum, labaannanto dagiti pagan-anayna, ket agdigosto iti danum, ket narugitto agingga iti rumabii.

12 Lev. 6:28; 11:32, 33. Ket ti damili a maiggaman ni agtotot iburacto: ket amin a latoc maboggoanto iti danum.

13Ket no ni bil. 28. Lev. 14:8.addaan totot nadalusan iti tototna, bilangennanto dagiti pito nga aldaw manipud panagdaldalusna, ket labaannanto ti pagan-anayna; ket digosennanto ti bagina iti agayayus a danum, ket nadalusto.

14Ket iti maicawalo nga aldaw alaennanto a maipaay kencuana ti Lev. 12:8.dua a pagaw wenno dua nga urbon ti calapati, ket umayto iti saclang ni Jehova iti ruangan ti tolda ti gimong, ket itednanto ida iti padi:

15 Lev. 14:30, 31. Ket ti padi idatonnanto ida, ti maysa maipaay a daton gapu iti basol, ket ti caduana maipaay a daton a mapuuran; Lev. 14:19, 31.ket ti padi aramidennanto ti pannacaabbongna iti saclang ni Jehova a gapu iti panagtototna.

16 Lev. 22:4. Deut. 23:10. Ket no agwayaway iti siasinoman a lalaki ti tubbog a semilla digosennanto ngarud amin a lasagna iti danum, ket narugitto inggana ti rumabii.

17Ket tunggal pagan-anay, ken amin a lalat a naiccan ti tubbog malabaandanto iti danum, ket narugitdanto agingga iti rumabii.

18Casta met ti babai a makiabigto ti lalaki, nga agruruar iti semillana, agpadpadadanto a mangdigos cadagiti bagida iti danum, 1 Sam. 21:4.ket narugitdanto agingga iti rumabii.

19Ket no iti maysa a babai ta adda agwayaway kencuana, ket ti agwayaway iti lasagna dara, isu saanto a nadalus bayat pito nga al-aldaw: ket siasinoman a sumagid kencuana narugitto agingga iti rumabii.

20 bil. 4-10. Ket aniaman a pagiddaanna bayat ti kinarugitna narugitto: casta met nga uray ania a matugawanna narugitto.

21Ket siasinoman a macasagid iti iddana labaannanto dagiti pagpagan-anayna, ket digosennanto ti bagina iti danum, ket narugitto agingga iti rumabii.

22Ket siasinoman a macasagid iti matugawanna labaannanto dagiti pagan-anayna, ket digosennanto ti bagina iti danum, ket narugitto agingga iti rumabii.

23Ket no adda macasagid cadagiti adda iti pagiddaan, wenno uray ania a matugawanna, isu narugitto inggana iti rumabii.

24 Lev. 20:18. Ket no ti siasinoman a lalaki a makicaidda kencuana, ket maiccan, iti rugitna, dayta narugitto bayat pito nga aldaw; ket aminto a pagiddaanna narugitto.

25 Mat. 9:20. Mar. 5:25. Luc. 8:43. Ket no ti maysa a babai agbulos ti darana cadagiti adu nga aldaw, a saan a iti tiempo ti panagsangailina, wenno adda kencuana ti panagbulos a nabaybayag ngem iti panagsangailina; amin nga aldaw a panagbulus ti kinarugitna maibilangto nga adda cadagiti aldaw a panagsangailina: isu saan a nadalus.

26Amin a pagiddaanna iti dagup ti aldaw ti panagbulosna, maibilangto kencuana a cas la pagiddaanna iti panagsangailina: ket ti amin a matugawanna narugitto a cas ti kinarugit ti panagsangailina.

27Ket siasinoman a macasagid cadagidiay narugitto, ket labaannanto dagiti pagan-anayna, ket digosennanto ti bagina iti danum, ket narugitto agingga iti rumabii.

28 bil. 13, 15. Ngem no immimbagen iti panagbulosna, agbilang ngarud iti pito nga aldaw, ket no nalpas dayta nadaluston.

29Ket iti macawalo nga aldaw mangalanto iti dua a pagaw, wenno dua nga urbon ti calapati, ket ipannanto ida iti padi iti ruangan ti tolda ti gimong.

30Ket ti padi ipaaynanto ti maysa a daton gapu iti basol, ket ti caduana maipaay a daton a mapuuran: ket ti padi aramidennanto ti pannacaabbongna iti saclang ni Jehova gapu iti panagbulos ti kinarugitna.

31Casta ti panangilasinyonto cadagiti annac ti Israel iti kinarugitda, tapno dida matay iti kinarugitda no Num. 5:3; 19:13, 20. Eze. 5:11.mulitanda ti tabernaculoc nga adda iti tengngada.

32Daytoy ti alagaden ti agtotot ken daydiay nga agwayaway kencuana ti tubbog a semillana, isu a nacarugitanna;

33Ken ti agsakit gapu iti panagsangailina, ken ti adda agtotot kencuana lalaki man wenno babai, ken ti makicaidda iti babai a saan a nadalus.