1Ket ni Jehova nakisao ken Moises, a kinunana,
2Ibagam cadagiti annac ti Israel a cunam, Lev. 15:19.No ti maysa a babai agsicug ket mangyanac iti maysa a lalaki, pitonto nga aldaw a saan a nadalus; cas cadagiti al-aldaw ti kinarugit ti panagsangailina saanto a nadalus.
3 Gen. 17:12. Luc. 1:59; 2:21. Juan 7:22, 23. Ket iti maicawalo nga aldaw macugitto ti ubing iti lasag ti prepuciona.
4Ket ti babai urayennanto ti tallopulo ket tallo nga al-aldaw a panagdalusna iti dara; dinanto sagiden ti anyaman a nasantoan, dinto met sumrec iti yan ti santuario inggana ti pannacatungpal ti aldaw a panagdalusna.
5Ngem no mangyanac iti babai dua a lawasna a maibilangto a saan a nadalus, cas iti kinarugitna; ket isu urayennanto ti innem a pulo ket innem nga aldaw a panagdalusna iti dara.
6 Luc. 2:22. Ket no masungpot dagiti al-aldaw a panagdalusna, maipaay iti anacna a lalaki wenno babai, yegnanto iti padi ti maysa a cordero a tumawenen cas daton a mapuuran, ken maysa nga urbon ti calapati, wenno maysa a pagaw a daton gapu iti basol agingga iti ruangan ti tolda ti gimong:
7Ket ti padi idatonnanto iti sango ni Jehova, ket aramidennanto ti pannacaabbongna; ket ni naganac madalusanton iti lunayenna. Daytoy ti alagadenna nga aganac iti lalaki man wenno babai.
8Ket no awan ti umanay nga igatangna iti maysa a cordero, mangalanto ngarud iti Lev. 1:14; 5:7. Luc. 2:24.dua a pagaw wenno dua nga urbon ti calapati; ti maysa agservi a daton a mapuuran, ket ti caduana agservi a daton gapu iti basol, Lev. 4:26.ket ti padi aramidennanto a pacaabbonganna, ket nadalusto.
Who We AreWhat We EelieveWhat We Do
2025 by iamachristian.org,Inc All rights reserved.
