NUMEROS 34 - Ilokano Form-Based Bible: Ti Biblia (1973)

Dagiti bedbeddeng ti Canaan. Dagiti tattao a mangbingbingay ti daga.

1Ket ni Jehova nakisao ken Moises, a kinunana,

2Ibilinmo cadagiti annac ti Israel, ket cunam cadacuada, No sumreccayto iti Gen. 17:8. Ex. 3:8.daga a Canaan (daytoy ti daga a maibilangto cadacayo a maysa a tawid, nga isu ti daga ti Canaan, cas mayannurot cadagiti bedbeddengna.)

3 Jos. 15:1. Eze. 47:13-21. Iti casta ti pagingaanyo iti abagatan a bangir manipudto iti tay-ac ti Zin, nga aglayon iti abay ti Edom, ket ti beddengyo iti abagatan manipudto iti pungto ti Gen. 14:3. Jos. 15:2.Baybay ti Asin iti daya;

4Ket ti beddengyo lawlawennanto ti abagatan ti Jos. 15:3.sang-atan ti Acrabbim, ket aglayon agingga iti Zin; ket ti pagruaranna idiay itinto abagatan ti Num. 32:8.Cades-barnea; ket agturongto agingga iti Jos. 15:3-4.Hasar-adar, ket aglayonto agingga iti Asmon:

5Ket ti beddeng agsicconto manipud Asmon Jos. 15:4, 47. 1 Ar. 8:65. Isa. 27:12.agingga iti ayus ti Egipto, ket ti pagruarannanto iti taaw.

6Ket ti taaw a dackel isunto cadacayo ti pagbeddengan iti laud ken ti igidna: daytoy isunto ti beddengyo iti laud.

7Ket daytoy isunto ti inggayo iti amianan: manipud ti taaw a dackel idulonyonto ti bantay Num. 33:37.Hor cadacayo;

8Manipud iti bantay Hor idulonyonto inggana iti Num. 13:21. 2 Ar. 14:25.pagsercan ti Hamat; ket dagiti pagruaran idiayto Eze. 47:15.Sedad;

9Ket ti pungto agtarusto iti Zifron, ket dagiti pagruaranna idiayto Eze. 47:17.Hasarenan: daytoy ti akinamianan a beddengyo.

10Ket dulonenyonto a beddengyo iti daya manipud Hasar-enan inggana iti Sefam;

11Ket ti beddeng agsalugto manipud Sefam inggana ti 2 Ar. 23:33. Jer. 39:5-6.Ribla, a dayaen ti Ain; ket ti pagbeddengan agsalugto ket aglayon agingga iti abay ti baybay a Deut. 3:17. Jos. 11:2; 19:35.Cinneret nga akindaya;

12Ket ti pagbeddengan agsalugto iti Jordan, ket dagiti pagruaranna idiayto bil. 3.Baybay ti Asin; daytoy isunto ti dagayo a mayannurot cadagiti nagbeddenganna a naglawlaw.

13Ket ni Moises imbilinna cadagiti annac ti Israel, a kinunana, bil. 2. Jos. 14:1-2.Daytoy ti daga a tawidenyonto iti panaggiginnasanggasat isu nga ni Jehova imbilinna nga ited cadagiti siam a capcaputotan ken iti guddua ti maysa a caputotan:

14 Num. 32:33. Jos. 14:2-3. Ta ti caputotan dagiti annac ni Ruben a mayannurot cadagiti balbalay dagiti ammada, ken ti caputotan dagiti annac ni Gad cas mayannurot iti balbalay dagiti ammada immawatdan, ket ti guddua ti caputotan ni Manases inawatdan ti tawidda:

15Dagiti dua a capcaputotan ken ti guddua a caputotan inawatdan ti tawidda iti ballasiw ti Jordan sadi Jerico nga agpadaya, iti agpaleleggacan ti init.

16Ket ni Jehova nakisao ken Moises, a kinunana,

17Dagitoy ti nagnagan dagiti lallaki a mangbingbingayto iti daga nga agpaay cadacayo a tawid: ni Jos. 14:1; 19:51.Eleazar a padi, ken ni Josue nga anac ni Nun.

18 Num. 1:4, 16. Ket mangalacayto iti maysa nga agpangolo iti intunggal caputotan a mangbingay iti daga a tawiden.

19Ket dagitoy dagiti nagnagan dagiti lallaki: iti caputotan ni Juda, ni Caleb nga anac ni Jefone.

20Ket iti caputotan dagiti annac ni Simeon, ni Samuel nga anac ni Ammiud.

21Iti caputotan ni Benjamin, ni Elidad nga anac ni Cislon.

22Ket iti caputotan dagiti annac ni Dan, maysa a pangolo, ni Buqui nga anac ni Jogli.

23Cadagiti annac ni Jose: iti caputotan dagiti annac ni Manases, maysa a pangolo, ni Haniel nga anac ni Efod.

24Ket iti caputotan dagiti annac ni Efraim, maysa a pangolo, ni Kemuel nga anac ni Siftan.

25Ket iti caputotan dagiti annac ni Zabulon, maysa a pangolo, ni Elisafan, nga anac ni Parnah.

26Ket iti caputotan dagiti annac ni Issacar maysa a pangolo, ni Paltiel nga anac ni Azan.

27Ket iti caputotan dagiti annac ni Aser, maysa a pangolo, ni Ahiud nga anac ni Selome.

28Ket iti caputotan dagiti annac ni Neftali maysa a pangolo, ni Pedael nga anac ni Ammiud.

29Dagitoy isuda ti binilin ni Jehova iti tawid cadagiti annac ti Israel sadiay daga a Canaan.