DAGITI SALMO 4 - Ilokano Form-Based Bible: Ti Biblia (1973)

Minalem a Cararag ti Panagtalec iti Dios. Ken Pangolo a Musico; cadagiti kinuerdasan a pagtocaran. Salmo ni David.

1Sungbatannac no umawagac, O Dios ti kinalintegco; sica binang-arannac idi nagrigrigatac: caasiannac, ken denggem toy cararagco.

2O dacayo, nga annac dagiti tattao, casano ti cabayagto ti dayagco nga agbalin a pacaibabainan? casano ti cabayagto ti panagayatyo iti kinaubbaw, ken panangsapulyo iti kinaulbod? (Selah)

3Ngem ammoenyo nga ni Jehova inlasinna ti nadiosan nga agpaay kencuana met laeng: ni Jehova dumngegto no umawagac kencuana.

4 Efe. 4:26. Siaamesca, ket saanca nga agbasol: Sal. 64:6.maki-umanca a sipapasnec ita pusom met laeng iti pagiddaam, ket agulimecca. (Selah)

5 Sal. 31:16; 80:3, 7, 19. Idatonmo dagiti datdaton ti kinalinteg, ket agtalecca ken Jehova.

6Adda adu nga agcuna: Asino ti mangiparangto cadatayo iti uray ania nga imbag? Isa. 9:3.Jehova, ibangonmo ta raniag ta rupam cadacami.

7Sica insaadmo ti Sal. 3:5.adadu a kinaragsac itoy pusoc, ngem ti adda cadagidiay no dagiti anienda ken ti baro nga aracda immaduda.

8 Sal. 84:3. Sitatalnaac nga agpadpada iti panagiddacto ken iti pannaturogco: ta sica, Jehova, sicsica laeng ti mangisaad caniac iti kinatalged.