LUCAS 5 - Ilokano Form-Based Bible: Ti Biblia (1973)

Ti calap a datdatlag. Dagiti immuna nga adalanna.

1Ket naaramid nga Mat. 4:18. Mar. 1:16.idi aguummong dagiti adu a tattao iti yanna, tapno denggenda ti sao ti Dios, isu a sitatacder iti igid ti danaw ti Gennezaret;

2 Mat. 4:18-22. Mar. 1:16-20. Juan 1:40-42. Ket nakitana ti dua a barangay nga addada iti asideg ti igid ti danaw; ngem dagiti agcalcalap dimsaagda cadacuada ket inugugasanda dagiti iketda.

3Ket isu limmugan iti maysa cadagiti barangay, nga isu daydi cucua ni Simon, ket dinawatna kencuana nga iyadayuna bassit iti daga; ket idi nacatugaw iti barangay, Mat. 13:2.insursurona dagiti adu a tattao.

4Ket idi nagsardeng a nagsao, kinunana ken Simon: Juan 21:6.Agpataawca ket iwayatyo dagiti iketyo ta cumalapcay pay.

5Ket simmungbat ni Simon ket kinunana kencuana: Mannursuro, Juan 21:3.nagbannogcami a nagpatpatnag ket awan ti naalami; nupay casta gapu iti saom iwayatco.

6Ket idi nga inaramidda daytoy, nacasacawda ti adu unay nga ican, ket nabesbessang dagiti iketda;

7Ket sininiasanda dagidi bil. 10.casugponda iti sabali a bil. 2, 3, 11.barangay, ta umayda coma tulungan ida; ket immayda ket pinunnoda dagiti dua a barangay ket iti casta arilennedanda.

8Ket idi makita daytoy ni Simon Pedro, nagparintumeng iti sangoanan ni Jesus, a kinunana: Isa. 6:5.Adaywannac Apo, ta taoac a managbasol.

9Gapu ta nasdaaw isu ken dagiti amin nga adda a caduana, agsipud ti pannacacalapda cadagiti ican a naalada;

10Ken casta met da Santiago ken Juan nga annac ni Zebedeo, a casugpon ida ni Simon. Ket ni Jesus kinunana ken Simon: Dica agbuteng; manipud ita mangngalapcanto cadagiti tattao,

11Ket idi naisang-atdan dagiti barangay, bil. 28.pinanawanda amin ket simmurotda kencuana.

Pannacaagas ti maysa nga agcucutel.

12Ket napasamac nga idi Mat. 8:2-4. Mar. 1:40-44.adda iti maysa cadagiti ili, adtoy ti maysa a tao a nalungpus ti cucutel, ket idi nakitana ni Jesus, nagrucbab ket nagdawat kencuana a cuncunana: Apo, no cayatmo, mabalinnac a dalusan.

13Idin inunnatna ti imana ket sinagidna a cunana: Cayatco; madalusanca coma. Ket naigiddato a di cucutel pimmanaw kencuana.

14Ket isu imbilinna kencuana a dina sasaoen iti uray siasino: Lev. 14:2.Ngem inca, agparangca iti padi ket mangidatonca a maipaay iti pannacadalusmo, cas imbilin ni Moises, tapno pacapnecanda.

15 Mar. 1:45. Ngem nagsacnap iti adadu ti damagna ket naguurnong ti adu a tao nga agdengngeg ken paagasan cadagiti sacsakitda.

16Ngem isu nagpacni nga napan Mat. 14:28.cadagiti let-ang ket nagcarcararag.

Pannacaagas ti maysa a di macagunay.

17Ket napasamac iti maysa cadagidi nga aldaw nga isu adda a manursuro, ket dagiti Fariseo ken Luc. 2:46. D. Ara. 5:34.mamasirib iti linteg addada nga agtutugaw, isuda a naggapu iti isu-amin a puroc ti Galilea, ken ti Judea ken Jerusalem: ket ti pannacabalin ti Apo adda kencuana tapno mangagas.

18Ket adtoy dagiti tao a Mat. 9:2-8. Mar. 2:3-12.nangipan ti maysa a tao a di macagunay nga adda ti pagiddaan: ket sapsapulenda ti pangiserrecanda ken ti pangicabilanda kencuana iti sangoananna.

19Ket idi nga awan masaracanda a pangiserrecan kencuana agsipud ti caadu ti tao, immulida iti 2 Sam. 11:2.tuctoc ti balay ket manipud idiay imbabada agraman ti nagiddaanna idi tengnga iti sangoanan ni Jesus.

20Ket isu idi makitana ti pammatida, kinunana: Tao, dagiti basbasolmo mapacawanda kenca.

21Ket dagiti escriba ken dagiti Fariseo rinugianda a pinanunot a kinuna: Asino daytoy nga agsasao iti tabbaaw? Mar. 2:7.Asino ti macabalin a mamacawan cadagiti basbasol no saan laeng a ti Dios?

22Ngem ni Jesus idi naawatanna dagiti panpanunotda, sinungbatanna ida a kinuna: Ania ti panpanunutenyo cadagiti puspusoyo?

23Ania ti nalaclaca, ti panagcuna: Dagiti basbasolmo mapacawanda kenca; wenno ti panagcuna: Tumacderca ket magnaca?

24Ngem tapno maamoanyo a toy Anac ti tao adda pannacabalinna ditoy daga a mamacawan cadagiti basbasol, (cunana idi saan a macagunay): Cunac kenca: Tumacderca, ket bagcatem ta iddam, ket inca iti balaymo.

25Ket dagus a timmacder iti sangoananda, ket binagcatna bil. 18.daydi nagiddaanna, ket napan iti balayna a Luc. 18:43.day dayawenna ti Dios.

26Ket nagsiddaawda amin ket dinaydayawda ti Dios; ket bil. 8.napnoda ti buteng a cuncunada: Nacakitacami ti datdatlag ita.

Pannacaayab ni Levi.

27Ket idi nalpas dagitoy, Mat. 9:9-13. Mar. 2:14-17.rimmuar ket nacakita ti maysa nga agsingsingir ti buis a managan Levi, a situtugaw iti pagsingiran cadagiti buis, ket kinunana kencuana; Surutennac.

28Ket pinanawanna amin dagidi, ket timmacder ket simmurot kencuana.

29Ket inyaramidan ni Levi ti dackel a daya iti balayna ket adda idi ti dackel a gimong dagiti Mat. 18:17.agsingsingir ti buis ken sabsabali nga adda idi a nakisango cadacuada iti panganan.

30Ket dagiti Fariseo ken dagiti escriba idiay nagtanabutobda ket kinunada cadagiti adalanna: Apayapay makipangan ken makiinumcayo cadagiti agsingsingir ti buis ken cadagiti managbasol?

31Ket simmungbat ni Jesus ket kinunana cadacuada: Dagiti sisasalun-at saanda a masapul ti mangngagas, no di ket dagiti masakit.

32 Juan 9:39. Saanac nga immay nga agayab cadagiti nalinteg, no di ket cadagiti managbasol iti panagbabawi.

Ti panagayunar.

33 Mat. 9:14-17. Mat. 2:18-22. Ket Mat. 9:14. Mar. 2:18.kinunada kencuana: Dagiti adalan ni Juan masansan nga agayunarda Luc. 2:37.ken agcararagda, ket casta met dagiti adalan dagiti Fariseo, ngem dagiti adalam mangan ken uminumda.

34Ket ni Jesus kinunana cadacuada: Mabalinyo a pagayunaren dagiti catulungan ti pagbodaan no ti novio adda pay la a maicuyog cadacuada?

35 Juan 16:4. Ngem dumtengto dagiti aldaw a maiccatto cadacuada ti novio; ket iti casta agayunardanto cadagidiay nga aldaw.

36Ket kinunana met cadacuada ti maysa a pangngarig: Awan ti tao a mangitacup ti lupot a baro iti daan a pagananay; ta no casta ti baro pigisenna ti daan ket saan met a mainumo ti panagtinnacup ti baro ken daan.

37Ket awan ti mangicabil ti baro nga arac cadagiti daan a supot a lalat; to no casta, ti baro nga arac bettakennanto dagiti lalat, ket ti arac maibel-lengto ket madadaelto dagiti lalat.

38Ngem ti baro nga arac rebbengna ti maicabil cadagiti babbaro a lalat.

39Ket awan ti tao nga idinto a nacainum ti arac a baac, calicagumanna ti baro; ta cunana; Nasaysayaat ti baac.