MATEO 4 - Ilokano Form-Based Bible: Ti Biblia (1973)

Ti pannacasairo ni Jesus.

1Idin ni Aginga bil. 11. Mar. 1:12, 13. Luc. 4:1-13.Jesus naipan iti Espiritu idiay let-ang, tapno sulisugen ti diablo.

2Ket idi a nagayunar iti 1 Ar. 19:8.uppat a pulo nga aldaw ken uppat a pulo a rabii, calpasanna nagbisin.

3Ket immay Kencuana ti mannulisog ket kinunana kencuana: No sica ti Anac ti Dios, ibilinmo a dagitoy bato agbalinda a tinapay.

4Ngem Isu, simmungbat, ket kinunana: Adda a naisurat. Deut. 8:3.Saan laeng a ti tinapay ti pagbiagto ti tao, no di ket ti isu-amin a sao a rummuar iti ngiwat ti Dios.

5Idin daydi diablo impanna iti nasantoan a ciudad, ket insaadna iti rabaw ti cangatoan ti Templo.

6Ket kinunana kencuana: No sica ti Anac ti Dios, tumappuacca manipud ditoy aginga iti baba; ta adda a naisurat:

Sal. 91:11, 12. Isu ibilinnanto cadagiti angelna ti maipapan kenca, ket sacruyendacanto cadagiti imimada, amangan la ket ta maitibcol ta sacam iti bato.

7Ni Jesus kinunana kencuana: Adda met a naisurat, Deut. 6:16. Mat. 8:4.Dicanto sulisugen ti Apo a Diosmo.

8Di diablo impanna manen iti maysa a bantay a natayag unay, ket impakitana kencuana dagiti isu-amin a pagpagarian ti lubong ken ti dayagda.

9Ket kinunana kencuana: Amin dagitoy itdecto kenca no agrucbabca nga agdayaw caniac,

10Idin ni Jesus kinunana kencuana: Pumanawca, Satanas: ta adda a naisurat: Deut. 6:13.Agdaydayawca iti Apo a Diosmo ket isu ti pagserviamto laeng.

11Idin di diablo pinanawannan; ket adtoy, Mat. 26:53. Luc. 22:53. Heb. 1:14.dagiti angel dimtengda ket nagservida kencuana.

Ni Jesus idiay Galilea; dagiti immun-una nga adalan.

12Ngem idi nangngeg ni Jesus a ni Mar. 1:14. Luc. 3:20. Juan 3:24.Juan adda a nabalud, Luc. 4:14, 31. Juan 4:43.nagsubli idiay Galilea;

13Ket pinanawanna ti Mat. 2:23.Nazaret, dimteng ken nagnaed idiay Capernaum, nga adda iti igid ti baybay, cadagiti nagbeddengan ti Zabulon ken ti Neftaili,

14Tapno matungpal ti sinao ni mammadto nga Isaias, a cuncunana;

15Ti daga ti Zabulon, Isa. 9:1, 2.ken ti daga ti Neftali,

Iti dinna ti baybay, iti labes ti Jordan,

Galilea dagiti Gentil;

16Dagiti umili a nagtugaw cadagiti sipnget,

Nacakitada ti dackel a lawag;

Ket dagiti nagtugaw iti disso ken linong ni patay,

Ti silaw linawaganna ida.

17Nanipud idin rinugian ni Jesus ti nangascasaba ken nagcuna: Agbabawicayo, ta ti pagarian ti langit asidegen.

18Ket idi a nagnagna ni Jesus iti dinna ti baybay ti Galilea, Mar. 1:16-20. Luc. 5:2-11. Juan 1:40-42.nakitana ti dua nga agcabsat, ni Simon a managan Pedro, ken ni Andres a cabsatna, a mangitintinnag ti maysa nga iket iti baybay, ta dumadaclisda;

19Ket cunana cadacuada: Umaycay sumurot caniac, ket pagbalinencayto a dumadaclis cadagiti tao,

20Ket dagus a pinanawanda dagiti iket, ket simmurotda kencuana.

21Ket idi nagtuloy a nagna nakitana ti dua pay nga agcabsat, ni Santiago nga anac ni Zebedeo, ken ni Juan a cabsatna, iti barangay agraman ken Zebedeo nga amada, a tartarimaanenda dagiti iketda; ket inayabanna ida.

22Ket dagus a pinanawanda di barangay ken ni amada, ket simmurotda kencuana.

23Ket ni Jesus linawlawna ti amin a Galilea, Mat. 9:35; 13:54. Mar. 1:21, 39. Luc. 4:15, 44.a nangisursoro cadagiti sinagogada, ken nangicascasaba Mat. 9:35; 24:14. Mar. 1:14.ti evangelio ti pagarian, Mar. 1:34.ket nangpapaimbag cadagiti amin a kita ti sakit ken amin a kita ti an-annayen cadagiti umili.

24Ket nadinamag iti amin a Mar. 7:26.Siria; ket inyegda kencuana dagiti isu-amin nga masacsakit, dagiti kinapet ti nadumaduma a sacsakit ken rigrigat, ken dagiti Mat. 8:16, 28, 33; 9:32.nagun-gan dagiti sairo, ken dagiti adda Mat. 17:15.bulanbulanenda, ken dagiti di macagunay, ket pinaimbagna ida.

25 Mar. 1:45; 3:7. Luc. 6:17. Ket simmurotda kencuana dagiti dadackel a bonggoy ti tao a naggapuda iti Galilea ken Mar. 5:20; 7:31.Decapolis, ken Jerusalem ken Judea ken iti labes ti Jordan.