I CRONICAS 15 - Ilokano Form-Based Bible: Ti Biblia (1973)

Dagiti sagsagana iti pannacayallatiw ti lacasa. Mayeg ti lacasa iti Jerusalem iti pannacaaramat dagiti Levitas.

1Ket ni David nagaramid cadagiti balbalay a maipaay kencuana idiay ili ni David; ket nagsagana iti maysa a disso a maipaay iti lacasa ti Dios, ket 1 Cron. 16:1.nangbangon iti maysa a tolda a maipaay kencuana.

2Idin ni David kinunana, Awan ti siasino a mangipan iti lacasa ti Dios no di laeng Num. 4:2, 15; 7–9. Deut. 10:8; 31:9.dagiti Levitas, ta isuda ti pinili ni Jehova a mangawit iti lacasa ti Dios, ken agannong kencuana iti agnanayon.

3Ket 1 Ar. 8:1. 1 Cron. 13:5.ni David ginimongna amin nga Israel idiay Jerusalem, tapno yegda ti lacasa ni Jehova iti lugarna, a sinaganana a maipaay kencuana.

4Ket ni David inurnongna dagiti annac a lallaki ni Aaron, ken dagiti Levitas:

5Cadagiti annac a lallaki ni 1 Cron. 6:16.Coat, ni Uriel a pangolo, ken dagiti cacabsatna sangagasut ket duapuloda;

6Cadagiti annac a lallaki ni Merari, ni Asaias a pangolo, ken dagiti cacabsatna duagasut ket duapuloda;

7Cadagiti annac a lallaki ni Gerson, ni Joel a pangolo, ken dagiti cacabsatna sangagasut ket tallopuloda;

8Cadagiti annac a lallaki ni Ex. 6:22.Elisafan, ni Semeias a pangolo, ken dagiti cacabsatna duagasutda;

9Cadagiti annac a lallaki ni Ex. 6:18. 1 Cron. 6:18.Hebron, ni Eliel a pangolo, ken dagiti cacabsatna walopuloda;

10Cadagiti annac a lalaki ni Uzziel, ni Aminadab a pangolo, ken dagiti cacabsatna sangagasut sangapuloda ket dua.

11Ket ni David inayabanna da 1 Cron. 6:8; 16:39.Sadoc ken Abiatar, a papadi, ken dagiti Levitas, da Uriel, Asaias, ken da Joel, Semeias, Eliel, ken Aminadab,

12Ket kinunanan cadacuada, Dacayo dagiti pangoloen dagiti balbalay dagiti amma dagiti Levitas: santificarenyo dagiti bagbagiyo, dacayo ken dagiti cacabsatyo a padapada, tapno yegyo ti lacasa ni Jehova, ti Dios ti Israel, iti lugar a sinaganac a maipaay kencuana.

13Ta 2 Sam. 6:3. 1 Cron. 13:7.gapu iti dicayo panangawit kencuana nga immuna, ni Jehova a Diostayo nangaramird iti maysa a panagburac cadatayom, agsipud ta isu ditayo sinapul a mayannurot iti alagaden.

14Iti casta dagiti papadi ken dagiti Levitas sinantificarda dagiti bagbagida tapno yegda ti lacasa ni Jehova, ti Dios ti Israel.

15Ket dagiti annac dagiti Levitas inawitda ti lacasa ti Dios iti rabaw dagiti abagada Num. 4:10, 12.cadagiti assiw, cas Ex. 25:14.imbilin ni Moises a mayannurot iti sao ni Jehova.

16Ket ni David nagsao idi pangolo dagiti Levitas, tapno tudinganda dagiti cacabsatda nga agcanta, cadagiti arwaten ti musica, salsalterio, ken ar-arpa, ken piangpiangpiang, a pagawengenda iti natbag ken impigsada ti timecda iti rag-o.

17Iti casta dagiti Levitas tinudinganda ni 1 Cron. 6:33.Heman, nga anac a lalaki ni Joel; ket cadagiti cacabsatna, 1 Cron. 6:39.ni Asaf nga anac a lalaki ni Berekias; ket cadagiti annac a lallaki ni Merari a cabsatda, 1 Cron. 6:44.ni Etan nga anac a lalaki ni Cusaias;

18Ket caduada dagiti cacabsatda iti maicadua a cakita, da Zacarias, Ben, Jaaziel, ken Semiramot, ken Jehiel, Unni, Eliab, ken Benaias, ken Maasias, Matitias, ken Elifelehu ken Micnias, Obed-edom, ken Jeliel, dagiti agbanbantay iti ruangan.

19Iti casta dagiti cumacanta, da Heman, Asaf, ken Etan, natudinganda idi, cadagiti piangpiang a gambang ti pagawengenda iti natbag;

20Ket da Zacarias, Aziel, Semiramot, ken Jehiel, ken Unni, Eliab, Maasias, ken Benaias, a sisalsalterioda Sal. 46.nagsaadda iti Almoth;

21Ket da Matitias, Elifelehu, Micnias, ken Obed-edom, ken Jehiel, ken Azazias, a sia-arpada nagsaadda iti Seminit, a mangidalanda.

22Ket ni Kenanias a pangolo dagiti Levitas isu idi ti pangolo ti canta: isu nangisuro iti canta agsipud ta nalaing.

23Ket da Berekias ken Elcana isuda idi dagiti agbantay iti ruangan a maipaay iti lacasa.

24Ket da Sebanias, Josafat, ken Natanael, ken Amasai, Zacarias, Benaias, ken Aliezer, a papadi, Num. 10:8.pinagunida idi dagiti tangguyob iti sango ti lacasa ti Dios; ket da Obed-edom ken Jehias isuda idi dagiti agbantay iti ruangan a maipaay iti lacasa.

25 2 Sam. 6:12-15. Iti casta ni David, ken dagiti lallacay ti Israel, ken dagiti capcapitan dagiti rinibu, napanda innala ti lacasa ti tulag ni Jehova idiay balay ni Obed-edom a binuyog ti rag-o.

26Ket naaramid, idi a ti Dios tinulonganna dagiti Levitas a nangawit iti lacasa ti tulag ni Jehova, nga isuda nangidatonda iti pito a vaca a lallaki ken pito a carnero a lallaki.

27Ket ni David nacawesan idi iti maysa a lambon a 1 Cron. 4:21. 2 Cron. 2:14; 3:14.lienzo a nalapat, ken amin dagiti Levitas a nangawit idi lacasa, ken dagiti cumacanta, ken ni Kenanias a pangolo ti canta agraman cadagiti cumacanta: ket ni David naiparabaw kencuana maysa nga efod a lienzo.

28Castoy ti panangala ti amin a Israel iti lacasa ti tulag ni Jehova a binuyog ti panagdirdir-i, ken aweng dagiti corneta, ken tangguyob, ken piangpiang, nga agawawengda iti natbag agraman salsalterio ken ar-arpa.

29 Aginga bil. 16:3. 2 Sam. 6:16-19. Ket naaramid, idi a ti lacasa ti tulag ni Jehova dimteng iti ili ni David, a ni Micael a babai nga anac ni Saul kimmita nanipud iti tawa, ket nakitana ni ari David nga agsalsala ken agtoctocar; ket isu ti inumsina iti pusona.