II CRONICAS 2 - Ilokano Form-Based Bible: Ti Biblia (1973)

Ti panggep ni Salomon a mangbangon iti templo. Badangan ni Huram.

1Ket ni Salomon pinanggepna a bangonen ti maysa a balay a maipaay iti nagan ni Jehova, ken maysa a balay a maipaay iti pagarianna.

2 bil. 18. 1 Ar. 5:15, 16. Ket ni Salomon nangbilang iti pitopulo ribu a lallaki nga agbunag cadagiti awawiten, ken walopulo ribu a lallaki nga agtagtaga iti cayo ken bato cadagiti banbantay, ken tallo a ribu ket innem a gasut a mangaywan cadacuada,

3 Aginga bil. 16. 1 Ar. 5:2-11. Ket ni Salomon nagbaon ken Huram, nga ari ti Tiro, a kinunana, 1 Cron. 14:1.Cas inaramidmo ken David nga amac, ket impawitmo kencuana dagiti caycayo a cantingen tapno bangonenna ti maysa nga balay a pagnaedanna, castamet ti aramidem caniac.

4Adtoy, dandani bangonec ti maysa a balay a maipaay iti nagan ni Jehova a Diosco, tapno ipaayco kencuana, ken tapno puurac iti saclangna ti incienso dagiti nabanglo a recrecado, ken maipaay iti Ex. 25:30. Lev. 24:6, 8.cancanayon a tinapay ti pamarang, ken maipaay cadagiti Num. 28:3, 9, 11.datdaton a mapuuran iti binigat ken minalem, cadagiti aldaw a panaginana, ken cadagiti luttuad, ken cadagiti nakedngan a fiesta ni Jehova a Diosmi. Daytoy maysa nga alagaden nga agnanayon iti Israel.

5Ket ti balay a bangonec dackel; ta dackel ti Diosmi iti ngatoen dagiti amin a didios.

6 1 Ar. 8:27. 2 Cron. 6:18. Ngem siasino ti macabalin a mangbangon iti balay a maipaay kencuana, idinto a ti langit ken ti langit dagiti langlangit isu dida malaon? siasinoac ngarud, a bangonec coma ti balay a maipaay kencuana, isuna laeng tapno puurac ti incienso iti saclangna?

7Gapuna ita ibaonmo caniac ti maysa a lalaki a nalaing nga agtrabajo iti balitoc, ken iti pirac, ken iti gambang, ken iti landoc, ken iti purpura, ken carmesi, ken azul, ket ammona no casano ti panagkitikit ti amin a kita ti aramid a kinitikitan, tapno caddua coma dagiti nalaing a lallaki nga adda caniac iti Juda ken ditoy Jerusalem, 1 Cron. 22:15.isuda a sinapul ni David nga amac.

8Casta met nga ipaw-itmo caniac dagiti caycayo cantingen, parparwa, ken 1 Ar. 10:11.sandalo, nga aggapu idiay Libano; ta ammoc nga dagiti ad-adipenmo ammoda ti panagpucan ti taricayo idiay Libano ket adtoy, dagiti ad-adipenco maicuyogdanto cadagiti ad-adipenmo,

9Tapno mangisaganada met laeng a maipaay caniac iti taricayo a nawadwad; ta ti balay a dandani bangonec dackelto ken nacascasdaaw.

10Ket, 1 Ar. 5:11.adtoy, itdecto cadagiti ad-adipenmo, cadagiti agtagtaga nga agpucan iti taricayo, ti duapulo a ribu a casucat ti cebada, ken duapulo a ribu a bat ti arac, ken duapulo a ribu a Eze. 45:14.bat ti lana.

11Idin ni Huram nga ari ti Tiro nagsubalit iti surat ket imbaonna ken Salomon, 2 Cron. 9:8.Agsipud ta ni Jehova ayatenna ti ilina, pinagarinaca cadacuada.

12Ni Huram kinunana pay, Bendito ni Jehova a Dios ti Israel, a nangaramid ti langit ken daga, isu a nangted ken David nga ari iti maysa nga anac a masirib, nga addaan kinasaririt ken pannacaawat, a mangbangon coma ti balay a maipaay ken Jehova, ken maysa a balay a maipaay iti pagarianna.

13Ket itan imbaonco ti maysa a lalaki a nalaing nga agaramid, nga addaan pannacaawat, a naggapu ken Huram nga amac,

14Nga annac a lalaki ti maysa a babai cadagiti annac ni Dan; ket ti amana maysa a lalaki 1 Ar. 7:14.ti Tiro, nalaing nga agtrabajo iti balitoc, ken iti pirac, iti gambang, iti landoc, iti bato, iti taricayo, iti purpura, iti azul, ken iti lienzo a nalapat, ken iti carmesi, casta met nga agkitikit iti uray ania a kita ti aramid a kinitikitan, ken mangparnuay iti uray ania a maparnuay; tapno maited coma kencuana ti maysa a saad cadagiti lallakim a nalaing nga agaramid, ken cadagiti nalaing a lallaki ni apoc a David nga amam.

15Gapuna ita ti trigo ken cebada, ti lana ken ti arac, a sinao caniac bil. 10.ni apoc, ipaw-itna coma cadagiti ad-adipenna:

16Ket pucanenminto ti cayo idiay Libano, iti caadu a cas adda a pacasapulam; ket iyegminto kenca, a maiyunoy iti baybay agingga iti Jos. 19:46.Joppe; ket isang-atmonto agingga iti Jerusalem.

17Ket ni Salomon binilangna amin a gangannaet nga adda idi iti daga ti Israel a mayannurot iti panagbilang, isu a pinagbilang ni 1 Cron. 22:2.David nga amana cadacuada; ket nasaracanda a sangagasut limapulo ket tallo a ribu ket innem a gasut.

18Ket tinudinganna ti pitopulo a ribu cadacuada a mangimet cadagiti aw-awiten ken walopulo a ribu nga agtagtaga idiay, ket tallo a ribu ket innem a gasut nga agay-aywan a mangisaad cadagiti tattao iti trabajo.