EZEQUIEL 30 - Ilokano Form-Based Bible: Ti Biblia (1973)

Ti panangabac ti Babilonia iti Egipto.

1Ti sao ni Jehova dimteng manen caniac, a kinunana,

2Anac ti tao, agipadtoca, ket cunaem, Castoy ti cuna ni Apo Jehova: Agdungawcayo, Ilala pay ti aldaw.

3Ta ti aldaw Eze. 7:7, 12. Joel 1:15; 2:1. Sof. 1:7.asideg, wen, ti aldaw ni Jehova asideg; isunto ti aldaw dagiti ululep, pannawen dagiti nasnacion.

4Ket ti campilan umayto iti Egipto, ket addanto liday iti Etiopia, intono dagiti mapapatay mapasagdanto idiay Egipto; Eze. 29:19.ket ipanawdanto dagiti kinaaduna, ket dagiti pamuonna marebbadanto.

5Ti Etiopia, ken Eze. 27:10.Put, ken Lud, ken Jer. 25:20.amin dagiti laoclaoc nga il-ili, ken Cub, ken dagiti annac ti daga nga adda iti timpuyog, mapasagdanto a maicuyog cadacuada babaen ti campilan.

6Castoy ti cuna ni Jehova: Dagidiay met a mangisakit iti Egipto mapasagdanto; ket ti kinatangsit ti bilegna bumabanto: Eze. 29:10.manipud idiay torre ti Seveneh mapasagdanto kencuana babaen ti campilan, cuna ni Apo Jehova.

7Ket Eze. 29:12.langalangdanto iti tengnga dagiti dagdaga a langalang; ket dagiti il-ilina addadanto iti tengnga dagiti il-ilina a naracrac.

8Ket mabigbigdanto a siac ni Jehova, intono pasgedec ti Egipto, ket amin dagiti catulonganna madadaelda.

9Iti dayta nga aldaw dagiti babaonen rumuardanto nga aggapu iti sangoanac babaen cadagiti sasacayan tapno pagbutngenda dagiti awan ti annadda a taga Etiopia; ket addanto liday cadacuada, cas idi aldaw ti Egipto; ta, adtoy isu umay.

10Castoy ti cuna ni Apo Jehova: Eze. 29:19.pagsardengecto met ti kinaadu ti Egipto babaen ti ima ni Nabucodonosor nga ari ti Babilonia.

11Isu ken ti ilina a maicuyog kencuana, ti Eze. 28:7.nacaamamac dagiti nasnacion, maiyegto tapno mangrebbec iti daga; ket asutendanto dagiti campilanda a maibusor iti Egipto, ket punnoenda ti daga cadagiti mapapatay.

12Ket paatianacto dagiti carcarayan, ken ilacocto ti daga iti ima dagiti dakes a tattao; ket aramidecto ti daga a langalang, ken amin nga adda kencuana, babaen ti ima dagiti gangannaet: Siac, ni Jehova, sinaoc.

13Castoy ti cuna ni Apo Jehova: Jer. 43:12.dadaelecto met dagiti didiosen, ket dadaelecto dagiti ladladawan idiay bil. 16.Memfis; ket awanton ti principe nga aggapu iti daga ti Egipto: ket mangicabilacto iti panagbuteng iti daga ti Egipto.

14Ket Eze. 29:14.aramidecto ti Patros a langalang, ket pasgedecto ti apuy idiay Num. 13:22.Zoan, ket ocomecto ti bil. 15, 16. Jer. 46:25.No.

15Ket ibuyatconto ti pungtotco iti Sin, ti pagsalingdan ti Egipto; ket dadaelecto ti kinaadu ti No.

16Ket pasgedecto ti apuy idiay Egipto: ti Sin addanto iti dackel a liday, ket ti No maburburacto; ket ti Memfis busurenda iti aldaw.

17Dagiti agtutubo ti Aven ken ti Pibeseth mapasagdanto iti campilan; ket dagitoy nga il-ili mapandanto iti pannacacayaw.

18 Jer. 2:16. Idiay Tafnes met ti aldaw agsipngetto, intono bungtolec idiay dagiti sangol ti Egipto, ket ti kinatangsit ti bilegna mapucawto kencuana: no maipapan kencuana, isu abbonganto ti ulep, ket dagiti annacna a babbai mapandanto iti pannacacayaw.

19Castoy ti panangocomconto iti Egipto; ket mabigbigdanto a siac ni Jehova.

20Ket naaramid idi maicapul-lo ket maysa a tawen, iti umuna nga bulan, iti maicapito nga aldaw ti bulan, a ti sao ni Jehova dimteng caniac, a kinunana,

21Anac ti tao, Jer. 48:25.binungtolco ti tackiag ni Faraon nga ari ti Egipto, ket adtoy, isu saan a nabedbedan tapno maiccan cadagiti agas, a maiccan ti patapat a mangreppet kencuana, tapno isu napigsa coma a mangiggem iti campilan.

22Gapuna castoy ti cuna ni Apo Jehova: Adtoy, bumusorac ken ni Faraon nga ari ti Egipto, ket bungtolecto, dagiti tackiagna, ti napigsa a tackiag, ken dayta a nabungtol; ket pagtinnagecto ti campilan iti imana.

23Ket iwarasconto dagiti Egipcios iti bil. 26. Eze. 29:12.tengnga dagiti nasnacion, ket iwaracto ida cadagiti dagdaga.

24 bil. 10. Ket papigsaecto dagiti tackiag ti ari ti Babilonia, ket isaadconto ti campilanco iti imana: ngem bungtolecto dagiti tackiag ni Faraon, ket isu agsainnecto iti sangoananna cadagiti sasainnec ti maysa a tao a nasugatan a iti macapatay.

25Ket papigsaecto dagiti tackiag ti ari ti Babilonia; ket dagiti tackiag ni Faraon malpaydanto; ket mabigbigdanto a siac ni Jehova, intono icabilco ti campilanco iti ima ti ari ti Babilonia, ket isu yunnatnanto iti daga ti Egipto.

26Ket iwarasconto dagiti Egipcios cadagiti nasnacion, ket iwaracto ida cadagiti dagdaga; ket mabigbigdanto a siac ni Jehova.