1Ket ni Jehova nakisao ken Moises, a kinunana,
2Ibagam cadagiti annac ti Israel, ket saoem cadacuada, bil. 4, 37.Dagiti natudingan a fifiesta ni Jehova, Ex. 32:5.nga iwarragawagyonto tapno isuda dagiti Ex. 12:16.nasantoan a pacagimongan, dagitoy met laeng ti matudingan a fifiestac,
3 Ex. 20:9. Cadagiti innem nga al-aldaw agtrabajocayo: ngem ti maicapito nga aldaw isu ti maysa nga inana ti nadaeg a panaginana, ti maysa a nasantoan a pacagimongan; dicayto agtrabajo iti uray ania: isu ti maysa nga aldaw a panaginana ken Jehova iti isu-amin a pagnaedanyo.
4Dagitoy dagiti matudingan a fifiesta ni Jehova, a nasantoan a Ex. 12:16.pacagimgimongan, nga iwarragawagyonto iti nadutocan a tiempona.
5 Ex. 12:6, 14, 18; 13:3, 10; 23:15; 34:18. Num. 9:2, 3; 28:16, 17. Deut. 16:1, 8. Jos. 5:10. Esd. 6:19. Iti umuna a bulan iti maicasangapulo ket uppat nga aldaw ti bulan iti rabii, isu ti pascua ni Jehova.
6Ket ti maicasangapulo ket lima nga aldaw ti daydiay met la a bulan isu ti fiesta ti tinapay nga awan levadurana ken Jehova: cadagiti pito nga aldaw mangancayto iti saan a nalevaduraan a tinapay.
7 Ex. 12:16. Num. 28:18, 25. Iti umuna nga aldaw isu ti panangaramidyonto iti nasantoan a panagiggimong: dicayto agaramid iti trabajo a panggedan.
8Ngem mangipaaycayto ken Jehova iti daton a maaramid iti apuy cadagiti pito nga aldaw: iti maicapito nga aldaw: iti maicapito nga aldaw isu ti nasantoan a panaggigimong; dicayto agaramid iti trabajo a panggedan.
9Ket ni Jehova nakisao ken Moises, a kinunana.
10Ibagam cadagiti annac ti Israel, ket saoem cadacuada, Ex. 23:16, 19; 34:22, 26. Num. 15:18; 28:26. Deut. 26:1, 2.No sumreccayo iti daga nga itedco cadacayo, ket anienyonto ti maapit idiay, mangipancayto ti sangareppet nga umuna a bunga ti maapityo iti padi;
11Ket isu Ex. 29:24.ililinanto ti rineppet iti saclang ni Jehova, tapno maawatto a maipaay cadacayo: iti bigat a sumaruno iti aldaw a panaginana, ti padi ililinanto.
12Ket iti aldaw a panangililiyo iti rineppet, mangipaaycayto ti maysa a cordero a lalaki nga awan pilawna, a maysa ti tawenna a maipaay a maysa a daton a mapuuran ken Jehova.
13 Ex. 2:14, 15, 16. Ket ti daton a macan duanto nga apagcapulo ti maysa nga efa a bel-laay a namayecmec nga nagamay iti lana, maysa a daton a maaramid iti apuy a nabanglo a sayamuson ken Jehova; ket ti mainum a daton aracto nga apagcapat ti maysa nga hin.
14Ket dicayto cancanen ti tinapay, wenno iniruban a bunga ti trigo, wenno nalangto a dawana, agingga iti castoy met laeng nga aldaw, inggana iti panangidatagyo ti pagdayaw iti Diosyo: daytoy ti maalagad nga agnanayon cadagiti putputotyo cadagiti amin a pagnaedanyo.
15 Ex. 34:22. Deut. 16:9. Ket bumilangcayto manipud iti bigat a sumaruno iti aldaw a panaginana, manipud ti aldaw a panangidatagyo iti sangcareppet a daton mailili; apagisunto a pito nga aldaw a panaginana:
16Agingga met laeng iti bigat a sumaruno iti maicapito nga aldaw ti panaginana, bumilangcayto iti D. Ara. 2:1.limapulo nga al-aldaw; sacayo mangidatagto ti daton a Num. 28:26.baro a macan ken Jehova.
17Cadagiti balbalayyo mangalacayto cadagiti dua a tinapay nga ilili a casia ti dua nga apagcapulo ti maysa nga efa: dagitay namayecmec a bel-laay malutodanto a silelevadura iti horno, bil. 10.umuna a bungbunga a maipaay ken Jehova.
18Ket idatagyonto a mairaman iti tinapay, ti pito a carnero a sag-gaysa ti tawenda nga awan ti pilawda, ken maysa a bumaro a vaca ken dua a carcarnero a lalaki: dagitoy ti daton a mapuuran ken Jehova mainayon pay dagiti datdatonda a macan, ken datdatonda nga mainum, a maysa a daton a maaramid iti apuy, a nabanglo a sayamusom ken Jehova.
19 Lev. 4:23, 28. Num. 28:30. Ket mangirucbabcayto iti maysa a calding a lalaki a maipaay a daton gapu iti basol, ken Lev. 3:1.dua a cordero a lallaki a saggaysa ti tawenda, a sacrificio dagiti datdaton iti cappia.
20Ket ti padi ililinanto ida agraman ti tinapay cadagiti umuna a bungbunga, a bil. 11, 15.daton a maitayag iti saclang ni Jehova, agraman dagiti dua a cordero: Num. 18:12. Deut. 18:4. 1 Cor. 9:13, 14.dagitoy nasantoandanto ken Jehova iti padi.
21Ket aramidenyonto ti pacdaar iti dayta met laeng nga aldaw; addanto nasantoan a gimong cadacayo; dicayto agaramid ti trabajo a panggedan: isu daytoy ti alagaden nga agnanayon iti amin a balbalayyo cadagiti putputotyo iti casacbayan.
22 Lev. 19:9, 10. Ket no anienyonto ti apit ti dagayo, dicanto talipupusen nga anien dagiti nagsulianan ti talonmo, wenno adasen dagiti nalabasan iti panagapitmo: baybayamto ida a lac-amen ti napanglaw, ken agpagpagna: siac ni Jehova a Diosyo.
23Ket ni Jehova nakisao ken Moises, a kinunana,
24Ibagam cadagiti annac ti Israel, a cunam, Num. 29:1.ti maicapito a bulan, iti umuna nga aldaw ti bulan isu ti nadaeg nga inana cadacayo, Lev. 25:9. Num. 31:6.maysa a panglagip a buyugen ti aweng dagiti tangtangguyob, maysa a nasantoan a gimong.
25Dicayto agaramid iti trabajo a panggedan; ket ipaayyonto ti maysa a daton a maaramid iti apuy ken Jehova.
26Ket ni Jehova nakisao ken Moises, a kinunana,
27 Lev. 16:30. Num. 29:7. Nupay casta, iti maicasangapulo nga aldaw ti naisao a maicapito a bulan isu ti aldaw ti pannacaabbong: isunto ti maysa a nasantoan a gimong cadacayo, ket agladingitto dagiti cararuayo; ket mangidatagcayto iti maysa a daton a maaramid iti apuy ken Jehova.
28Ket dicayto agaramid iti uray ania a trabajo iti dayta met laeng nga aldaw; ta isu ti aldaw ti pannacaabbong, tapno maaramid ti pannacaabbongyo iti saclang ni Jehova a Diosyo.
29Ti siasinoman a tao a dinto la agladingit iti cararuana iti daydiay nga aldaw, maipusayto iti ilina,
30Ket ti siasinoman a cararua nga agaramid iti uray ania a trabajo Lev. 20:3, 5, 6.iti dayta met la nga aldaw, dayta a tao dadaelecto iti ilina.
31Dicayto agaramid iti uray ania nga aramid: isu ti maysa nga alagaden nga agnanayon cadagiti putputotyo iti amin a pagnaedanyo.
32Isunto cadacayo ti maysa nga aldaw a panaginana ti nadaeg nga inana, ket agladingitto ti cararuayo: iti maicasiam nga aldaw ti bulan iti sumipnget, manipud iti sumipnget agingga iti sumaruno a sumipnget ngilinenyonto ti aldaw a panaginanayo.
33Ket ni Jehova nakisao ken Moises, a kinunana,
34Ibagam cadagiti annac ti Israel, ket cunam, Num. 29:12. Deut. 16:13. Esd. 3:4. Neh. 8:14. Eze. 45:25. Os. 12:9. Zac. 14:16. Juan 7:2.Ti maicasangapulo ket lima nga aldaw ti naisao a maicapito a bulan isu ti fiesta dagiti tabernaculo iti bayat dagiti pito nga aldaw a maipaay ken Jehova.
35Iti umuna nga aldaw isunto ti nasantoan a gimong; dicayto agaramid a pulos iti trabajo.
36Cadagiti pito nga aldaw, mangidatagcayto iti maysa a daton a maaramid iti apuy ken Jehova: Num. 29:35. Neh. 8:18. Juan 7:37.iti maicawalo nga aldaw isunto ti nasantoan a gimong cadacayo; ket mangidatagcayto iti maysa a daton a maaramid iti apuy ken Jehova: Deut. 16:8. 2 Cron. 7:9. Neh. 8:18. Joel 1:14; 2:15.isu dayta ti nadaeg a gimong: dicay agaramidto iti pacabannogan.
37 bil. 2, 4. Dagitoy dagiti natudingan a fifiesta ni Jehova, isuda nga ibunannagyo a nasantoan a gimgimong a panangidatagyo iti daton a maaramid iti apuy ken Jehova, daton a mapuuran, ken daton a macan, maysa a sacrificio, ken datdaton nga mainum, tunggal maysa iti aldawna;
38 Num. 29:39. Sabali pay dagiti aldaw ni Jehova a panaginana, ken sabali pay dagiti sagsagutyo, ken sabali pay amin a carcariyo, ken sabali pay amin a datdatonyo ti sibubulos a nakem nga ipaayyo ken Jehova.
39Nupay casta iti maicasangapulo ket lima nga aldaw ti maicapito a bulan, Ex. 23:16. Deut. 16:13.no maurnongyon dagiti bungbunga ti daga, ngilinenyonto ti fiesta ni Jehova bayat ti pito nga al-aldaw: iti umuna nga aldaw isunto ti nadaeg a panaginana, ket iti maicawalo nga aldaw isunto ti nadaeg a panaginana.
40 Neh. 8:15. Ket iti umuna nga aldaw, mangalacayto iti maipaay cadagiti bagbagiyo iti bunga dagiti nasayaat a caycayo, sangsanga dagiti palmas, sangsanga dagiti caycayo a narucbos, ken runruno iti ayus; Deut. 16:14, 15.ket agragsaccayto iti sango ni Jehova a Diosyo bayat iti pito nga al-aldaw.
41Ket Num. 29:12-38.ngilinenyonto a fiesta ken Jehova dagiti pito nga aldaw ti macatawen: isu daytoy ti alagaden iti agnanayon cadagiti putputotyo; iti maicapito a bulan ngilinenyonto.
42 Neh. 8:14-18. Agyancayto cadagiti toltolda iti bayat dagiti pito nga aldaw: dagup amin dagiti putot ti Israel agyandanto cadagiti toltolda;
43 Deut. 31:10, 13. Tapno dagiti putputotyo ammoenda a pinagnaedco dagiti annac ti Israel cadagiti toltolda, idi nga inaonco ida iti daga nga Egipto; siac ni Jehova a Diosyo.
44Ket ni Moises bil. 2.inlawlawagna cadagiti annac ti Israel dagiti natudingan a fifiesta ni Jehova.
Who We AreWhat We EelieveWhat We Do
2025 by iamachristian.org,Inc All rights reserved.
