LEVITICO 4 - Ilokano Form-Based Bible: Ti Biblia (1973)

Ti linteg cadagiti datdaton iti basol.

1Ket ni Jehova nakisao ken Moises, a kinunana,

2Ibagam cadagiti annac ti Israel, a cunam, Lev. 5:15, 17. Num. 15:22, 27. Sal. 19:12.No addanto macabasol a dina gagaraen iti maysa cadagiti saan nga aramiden nga imbilin ni Jehova, ket aramidennanto ti maysa cadagidiay:

3 Lev. 8:12; 16:32. No ti napulotan a padi macabasolto isu a pacairamananto ti ili, mangidaton ngarud gapu iti basolna nga inaramidna, iti maysa a bumaro a vaca nga awan pacapilawanna ken Jehova, a maipaay a daton gapu iti basol.

4Ket mangyegto iti vaca a bumaro iti Lev. 1:3, 4.ruangan ti tolda ti gimong iti sango ni Jehova; ket ipataynanto ti imana iti rabaw ti olo ti vaca, ket patayennanto ti vaca iti sango ni Jehova.

5Ket ti napulotan a padi Lev. 16:14. Num. 19:4.alaennanto ti dara ti vaca, ket yegnanto iti tolda ti gimong:

6Ket ti padi ibabasananto ti ramayna iti dara, ket iwarisnanto ti dara iti maminpito iti saclang ni Jehova iti sangoanan ti abbong ti santuario.

7Ket ti padi Lev. 8:15; 9:9; 16:18.icabilnanto ti dadduma a dara cadagiti sarsara Ex. 39:38.ti altar ti incienso a nasayamusom iti sango ni Jehova, nga adda iti tolda ti gimong; Lev. 5:9; 8:15; 9:9. Ex. 29:12.ket ti dagup ti dara ti bumaro a vaca ibuyatnanto iti puon ti altar ti daton a mapuuran, nga adda iti ruangan ti tolda ti gimong.

8Ket amin a taba ti vaca a daton gapu ti basol iccatennanto; ti taba a mangbungon cadagiti lalaem, ken amin a taba cadagiti lalaem,

9Ket dagiti dua a beckel, ken ti taba nga adda iti rabawda, a nayapiring cadagiti lomo, ken ti culapot ti dalem, agraman dagiti beckel, iccatennanto.

10 Lev. 3:3. A cas panangiccat ti taba iti vaca a lalaki ti sacrificio dagiti daton iti cappia: ket ti padi puurannanto ida iti rabaw ti altar ti daton a mapuuran.

11 Lev. 9:11. Ex. 29:14. Num. 19:5. Ket ti lalat ti vaca ken amin a lasagna, agraman ti olona ken agraman sacsacana, ken lalaemna, ken tackina,

12Uray ti dagup ti bagi ti vaca ipannanto iti ruar ti pacarso agingga iti nadalus a yan, Lev. 6:11.a pacaiccan dagiti dapo, ket Heb. 13:11.puurannanto iti rabaw ti sungrod iti apuy: iti pacaibellengan dagiti dapo isu ti pacapuurannanto.

13 Num. 15:24. Ket no ti amin a gimong ti Israel macabasol, Lev. 5:2, 3, 4, 17.ket ti aramid nalmeng cadagiti matmata ti gimong, ket isuda nagaramidda cadagiti imbilin ni Jehova a saan nga aramiden, ket nacabasolda;

14No ti basol a nacabiddutanda maammoan, ti gimong ngarud idatonnanto ti maysa a vaca a bumaro nga agservi a daton gapu iti basol, ket yegna iti sango ti tolda ti gimong.

15Ket dagiti panglacayen ti gimong Lev. 1:4.ipataydanto dagiti im-imada iti rabaw ti olo ti vaca iti saclang ni Jehova; ket ti vaca mapatayto iti sango ni Jehova.

16 bil. 5-12. Ket ti napulotan a padi yegnanto ti dadduma a dara ti vaca iti tolda ti gimong:

17Ket ti padi isawsawnanto ti ramayna iti dara, ket iwarisnanto iti maminpito iti saclang ni Jehova iti sangoanan ti abbong.

18Ket icabilnanto ti dadduma a dara iti rabaw dagiti sarsara ti altar nga adda iti sango ni Jehova, nga adda iti uneg ti tolda ti gimong; ket amin ti dara ibucbucnanto iti puon ti altar ti daton a mapuuran, nga adda iti ruangan ti tolda ti gimong.

19Ket iccatennanto ti dagup ti tabana, ket puurannanto iti rabaw ti altar.

20Castoy ti aramidennanto iti vaca; cas inaramidna iti bil. 3.vaca ti daton gapu iti basol, castanto ti panangaramidna iti daytoy, Num. 15:25, 28.ket ti padi aramidennanto ti pacaabbongan ti ili, ket mapacawandanto.

21Ket alaennanto ti vaca iti ruar ti pacarso, ket puurannanto a cas pinangpuurna idi immuna a vaca: isu ti daton gapu iti basol nga maipaay iti gimong.

22No maysa nga agturay ti macabasol, ket bil. 2, 13, 27.aramidenna a di gagaraen ti uray ania a di aramiden, cadagiti imbilin ni Jehova a Diosna ket nacabasol;

23 bil. 14. No ti babacna a nacabasolanna maipacaammo kencuana, yegnanto a datonna ti maysa a calding, a lalaki nga awan pilawna;

24 Lev. 1:4. Ket ipataynanto ti imana iti rabaw ti olo ti calding, ket patayennanto iti disso a pamatpatayanda iti daton a mapuuran iti saclang ni Jehova: isu ti maysa a daton gapu iti basol.

25 bil. 7, 18, 30, 34. Ket ti padi isawsawnanto ti ramayna iti dara ti daton gapu iti basol, ket icabilnanto iti rabaw dagiti sarsara ti altar ti daton a mapuuran; ket ti darana ibuyatnanto iti puon ti altar ti daton a mapuuran.

26Ket dagup ti tabana puurannanto iti rabaw ti altar, Lev. 3:5.cas ti taba ti sacrificio dagiti datdaton a maipaay iti cappia; bil. 20, 31, 35. Lev. 5:10.ket ti padi aramidennanto a pacaabbonganna cas mayannatup iti basolna, ket mapacawanto.

27 Num. 15:27. Ket no maysa cadagiti tattao a caaduan ti macabiddut a dina gagaraen, no agaramid iti maysa cadagiti saan nga aramiden nga imbilin ni Jehova, ket macabasol;

28No ti basolna a nacabiddutanna maipacaammo kencuana, yegnanto ngarud a datonna ti maysa a calding, cabayan nga awan pacapilawanna, gapu iti basol a nacabiddutanna.

29 bil. 4, 15, 24. Lev. 1:4. Ket ipataynanto ti imana iti rabaw ti olo ti daton gapu iti basol, ket patayennanto ti daton gapu iti basol iti yan ti daton a mapuuran.

30Ket ti padi isawsawnanto ti ramayna iti dara daydiay, ket icabilnanto cadagiti sarsara ti altar ti daton a mapuuran; ket dagup ti dara daydiay ibuyatnanto iti puon ti altar.

31 Lev. 3:14. Ket amin a tabana iccatennanto, Lev. 3:3.cas pannacaiccat ti taba iti sacrificio dagiti datdaton a maipaay iti cappia; ket ti padi puurannanto iti rabaw ti altar, a Gen. 8:21.nabanglo a sayamusom ken Jehova; ket ti padi aramidennanto a pacaabbonganna, ket mapacawanto.

32Ket no mangyeg iti maysa a cordero a daton nga ipaayna gapu iti basol, maysa a bil. 28.cabayan nga awan pacapilawanna ti yegnanto.

33Ket ipataynanto ti imana iti rabaw ti olo ti daton gapu iti basol, ket patayennanto a daton gapu iti basol iti disso a pamatpatayanda iti daton a mapuuran.

34Ket ti padi isawsawnanto ti ramayna iti dara ti daton gapu iti basol, ket icabilnanto iti rabaw dagiti sarsara ti altar ti daton a mapuuran; ket amin a dara daydiay ibuyatnanto iti puon ti altar:

35Ket amin a tabana iccatennanto, cas iti pannacaiccat ti taba ti cordero iti sacrificio dagiti datdaton a maipaay iti cappia; ket ti padi puurannanto ida iti rabaw ti altar, iti Lev. 3:5, 9.ngatoen dagiti datdaton a maaramid iti apuy ken Jehova bil. 26, 31.ket ti padi aramidennanto a pacaabbonganna a maipanggep iti basolna a nacabiddutanna, ket mapacawanto.