SOFONIAS 1 - Ilokano Form-Based Bible: Ti Biblia (1973)

Ti aldaw ti pungtot ni Jehova umayto iti Juda.

1Ti sao ni Jehova nga immay ken ni Sofonias nga anac ni Cusi, nga anac ni Gedalias, nga anac ni Amarias, nga anac ni Ezekias, cadagiti al-aldaw ni Josias, nga anac ni Amon, nga ari ti Juda.

2Siac ikisapconto dagiti isu-amin a banbanag iti rabaw ti daga, cuna ni Jehova.

3Ibusecto ti tao Os. 4:3.ken animal; ibusecto dagiti tumatayab ti langit, ken dagitiicican ti taaw, ken Eze. 7:19.dagiti pacaitibcolan cadagiti nadangkes; ket dadaelecto ti tao iti rabaw ti daga, cuna ni Jehova.

4Ket yunnatconto ti imac a maibusor iti Juda, ken cadagiti isu-amin nga agnaed ti Jerusalem; ket 2 Cron. 34:3, 4.dadaelecto ti matda ni Baal iti daytoy a disso, ken ti nagan ti Os. 10:5.Kemarin agraman dagiti papadi;

5Ken dagidiay agcarcararag iti buyot ti langit cadagiti tuctoc ti balay; ken dagidiay agcarcararag, Isa. 48:1. Os. 4:15.nga agsapata gapu ken Jehova ken 1 Ar. 11:5, 33.agsapata gapu ken Malcam:

6Ken dagidiay agbawing iti isusurot ken Jehova; ken dagidiay saan a nagbiruc ken Jehova, wenno saan a nagsaludsud maipapan kencuana.

7Agulimecca iti imatang ni Apo Jehova; Isa. 13:6. Eze. 30:3.ta ti aldaw ni Jehova asidegen: ta ni Isa. 34:6. Jer. 46:10.Jehova nangisagana iti maysa a daton, isu dinalusanna dagiti naawis.

8Ket maaramidto iti aldaw ti daton ni Jehova, a dusaecto dagiti piprincipe, ken dagiti annac ti ari, ken amin a sicacawes iti pagan-anay a gangannaet.

9Ket iti daydiay nga aldaw dusaecto amin dagidiay 1 Sam. 5:5.aglactaw iti dapian, a mangpusec iti balay ni apoda iti panangranggas ken allilaw.

10Ket iti daydiay nga aldaw, cuna ni Jehova, addanto anabaab ti anug-og nga 2 Cron. 33:13.aggapu iti ruangan ti ican, ken dung-aw nga aggapu iti Eze. 7:19.maicadua a paset, ken dackel a daranudor nga aggapu cadagiti turturod.

11Agdung-awcayo, dacayo nga agnaed ti Mactes; ta isu-amin nga ili ti Canaan napacsuyanda, isu-amin dagidiay a napaawitan iti pirac madadael.

12Ket maaramidto iti daydiay a pannawen, a sukimatecto ti Jerusalem babaen cadagiti pagsilawan; ket dusaecto dagiti tattao nga Jer. 48:11.agtugaw cas iti arac iti arinsaedna, a Sal. 94:7.cunada cadagiti pusoda, Ni Jehova saanto nga agaramid iti naimbag, saanto met nga agaramid iti dakes.

13Ket ti sanicuada agbalinto a sinamsam, ket dagiti balbalayda agwalangwalang: wen, mangibangondanto cadagiti balbalay, ngem Deut. 28:30, 39.didanto agnaed cadacuada; ket mangmuladanto ti cauvasan, ngem didanto uminum iti aracna.

14Ti dackel nga aldaw ni Jehova Joel 2:11.asideg, isu bil. 7.asideg ken napardas unay, ti met laeng timec ti aldaw ni Jehova: ti maingel a lalaki Hab. 3:4.agickis a sipapait unay sadiay.

15Daydiay nga aldaw isu ti aldaw ti pungtot, aldaw ti riribuc ken rigat, aldaw ti racrac ken langalang, aldaw ti sipnget ken lulem, aldaw dagiti ul-ulep ken napuscol a kinasipnget,

16Aldaw Jer. 4:19.ti tangguyob ken panagbuac, a maibusor cadagiti il-ili a nasarikedkedan, ken maibusor cadagiti torre iti pagsulian.

17Ket yegconto ti rigat cadagiti tattao tapno magmagnada a Deut. 28:29. Isa. 59:10.cas bulsec a tattao, agsipud ta nagbasolda a maicaniwas ken ni Jehova; ket ti Sal. 79:3.darada maiparucpocto a cas la tapuc, ken ti lasagda a cas iti ibleng.

18Uray ti piracda uray ti balitocda didanto mabalin ti mangispal cadacuada iti aldaw ti pungtot ni Jehova; ngem ti isu-amin a daga Sof. 3:8.malamutto iti apuy ti imonna: ta bil. 2, 3.aramidennanto ti panungpalan, wen, nacakigkigtot a panungpalan, ti isu-amin nga agnaed iti daga.