DEUTERONOMIO 26 - Ilokano Form-Based Bible: Ti Biblia (1973)

Ti pannacaidaton dagiti umuna a bungbunga. Dagiti apagcapulo ti maicatlo a tawen. Ti maudi a pammagbaga.

1Ket maaramidto a no macastrecca iti daga a ni Jehova a Diosmo itedna kenca a maysa a tawid ken pagtagicuaam, ket agnaedcanto sadiay.

2 Ex. 23:19; 34:26. Num. 18:13. Deut. 16:10. Prov. 3:9. Mangalacanto iti umuna cadagiti amin a bunga ti daga nga igapumto iti dagam a ni Jehova a Diosmo itedna kenca; ket icabilmonto iti labba, ket Deut. 12:5.incanto iti disso a ni Jehova a Diosmo piliennanto, tapno itaengna sadiay ti naganna.

3Dumanoncanto iti yan ti padi nga addanto cadagidiay nga al-aldaw, ket cunamto kencuana, Ipudnoc itoy nga aldaw ken Jehova a Diosmo, a nacaumayac iti daga a ni Jehova insapatana cadagiti ammatayo nga ited cadatayo.

4Ket ti padi awatennanto ti labba iti imam, ket idissonanto iti sango ti altar ni Jehova a Diosmo.

5Ket sumungbatcanto, ket cunamto iti sango ni Jehova a Diosmo, Maysa a Os. 12:12.taga Siria a Gen. 43:1-2.nganngani matay isu idi ni amac; ket simmalog a napan iti Egipto, ket nagnaed idiay, Gen. 14:1, 27. Deut. 10:22.bassit iti bilang; ket nagbalin a maysa a nacion sadiay, dackel, mannacabalin ken adu a tattao.

6Ket dagiti taga Ex. 1:11, 14.Egipto inaramidda cadatayo ti dakes, ket pinarigatdatayo, ket incabilda cadatayo ti nabantot a pannacaadipen:

7Ket Ex. 2:23-25; 3:9; 4:31.immawagtayo ken Jehova a Dios dagiti ammatayo, ket ni Jehova dinengngegna ti timectayo, ket nakitana ti leddaangtayo, ken panagbannogtayo, ken pannacaparigattayo;

8Ket iti maysa nga ima a mannacabalin ken tackiag a sinuunnat, ken dackel a nacakigkigtot, ken dagiti pagilaslasinan, ken dagiti Ex. 12:37, 51.nacascasdaaw ti pinangaon ni Jehova cadatayo sadi Egipto;

9Ket inyegnatayo ditoy a lugar, ket intedna cadatayo daytoy a daga, a maysa a Ex. 3:8.daga nga agayus ti gatas ken diro.

10Ket ita, adtoy, inyegco ti umuna a bunga ti daga a sica, O Jehova, intedmo caniac. Ket sica idissomto iti sango ni Jehova a Diosmo, ket agdaydayawca iti sango ni Jehova a Diosmo:

11Ket sica Deut. 12:7.agragsaccanto iti isu-amin nga imbag a ni Jehova a Diosmo intedna kenca, ken iti balaymo, sica ken ti Levita, ken ti gangannaet nga adda iti tengngam.

12No maungpotmo nga ilasin ti amin nga Lev. 27:30.apagcapullo ti apit iti maicatlo a tawen, isu a Deut. 14:28-29.tawen ti panamagcapullo, itedmonto ngarud iti Levita, iti gangannaet, iti ulila ken iti balo a babai, tapno manganda iti uneg dagiti ruruanganmo, ket agpennecda.

13Ket sica cunamto ken Jehova a Diosmo. Ingapuc idiay balayco dagiti banbanag a napasanto, ket intedco met ida iti Levita, ken iti gangannaet, ken iti ulila ken iti balo a babai, cas mayannurot iti amin a Sal. 119:141, 153, 176.bilinmo, isu nga imbilinmo caniac: diac sinalungasing iti uray ania cadagiti bilbilinmo, diac met nalipatan ida:

14 Lev. 7:20; 21:1, 11. Os. 9:4. Saanac a nangan iti dayta bayat ti panagpanesco, diac met nangiccat iti dayta sidadakes, wenno nangtedac iti dayta a maipaay iti natay: impangagco ti timec ni Jehova a Diosco; inaramidco ti mayannurot iti amin nga imbilinmo caniac.

15 Isa. 63:15. Zac. 2:13. Tumannawagca manipud iti naedmo a nasantoan, manipud sadi langit, ket bendicionam ti ilim nga Israel, ken ti daga nga intedmo cadacami, cas insapatam cadagiti ammami, maysa a daga nga agay-ayus ti gatas ken diro.

16Itoy nga aldaw ni Jehova a Diosmo ibilinna kenca tapno aramidem dagitoy nga alagaden ken linlinteg: salimetmetamto ngarud ket aramidemto ida iti isu-amin a pusom, ken iti isu-amin a cararuam.

17Sica pinanecnecan ni Jehova itoy nga aldaw nga isu ti Diosmo, ken magnacanto cadagiti dalanna, ken salimetmetamto dagiti al-alagadenna, ken dagiti bilbilinna ken dagiti linlintegna, ken ipangagmonto ti timecna:

18Ket ni Ex. 19:5. Deut. 7:6; 14:2.Jehova pinanecnecannaca itoy nga aldaw a maysa nga ili a cucuana a naisingayan, cas incarina kenca, ken tapno salimetmetam amin a bilbilinna;

19Ken tapno aramidennaca a Deut. 28:1; 32:8.naipadpaduma cadagiti isu-amin a nacion nga inaramidna, iti dayaw, iti nagan, ken iti tan-oc; ken tapno maysaca a Deut. 7:6; 28:9.nasantoan nga ili ken Jehova a Diosmo, cas sinaona.