I TAGA CORINTO 10 - Ilokano Form-Based Bible: Ti Biblia (1973)

Saantay a pagungeten ti Dios a cas ti inaramid dagidi taga Israel.

1Ta diac cayat a dicay maammoan, cacabsat, Ex. 13:21.a dagidi ammatayo addada amin iti baba ti ulep, ket bimmaliasatda Ex. 14:22.amin iti uneg ti taaw;

2Ket nabautizaranda amin ken Moises iti ulep ken iti baybay;

3Ket nanganda Ex. 16:15, 35. Juan 6:31.amin iti daydiay met la a pagtaraon a naespirituan;

4Ket imminumda Ex. 17:6.amin iti daydiay met la nga inumen a naespirituan; ta imminumda iti daydiay a bato a naespirituan a sumursurot cadacuada idi: ket daydi a bato isu idi ni Cristo.

5Nupay casta, ti Dios saan a naayayo cadagiti ad-adu cadacuada; Num. 14:29, 32, 35; 26:64, 65.ta napucawda idiay let-ang.

6Ket dagidi a banbanag isuda dagiti ulidan cadatayo, tapno ditay aguman dagiti banbanag a dakes, a Num. 11:4.cas ti panagagumda.

7Dicay met agrucbab cadagiti ladladawan a cas cadagidi dadduma cadacuada; cas adda a naisurat; Ex. 32:6.Nagtugawda dagiti umili a mangan ken uminum, ket timmacderda a nagay-ayam.

8Ditay met 1 Cor. 6:18.makikamalala, a cas inaramid dagiti dadduma cadacuada, ket iti maymaysa nga aldaw Num. 25:1-9.napasag dagiti duapulo ket tal-lo a ribo.

9Ditay met ruroden ti Apo, cas inaramid dagiti dadduma cadacuada, ket Num. 21:5, 6.natayda gapu cadagiti ululeg.

10Dicay agtanabutob, cas cadagiti dadduma cadacuada a nagtanabutobda, ket Num. 14:2, 37.natayda gapu iti agpapatay.

11Ket dagitoy a banbanag naaramidda cadacuada a pagulidanan ket naisuratda tapno Rom. 15:4.pacabagbagaantayo, a dimtengen dagiti panungpalan dagiti aldaw.

12Gapuna, Rom. 11:20.ti mangipagarup nga adda a sitatacder, kitaenna ta di maiculbo.

13Saan nga immay cadacayo ti uray ania a pannacasulisog a di met simro cadagiti isu-amin a tattao: ngem ti Dios 1 Cor. 1:9.mapagtalcan isu a 2 Ped. 2:9.dinto mangipalubos a masulisogcayo iti aglabes iti mabalinanyo; no di ket, maigiddanto iti pannacasulisog, isaganananto met ti dalan a paglissian, tapno mabalinyo a pagballigian.

Ti panagrucbab cadagiti ladawan isu ti pannakipagayam iti sairo.

14Gapuna, ay-ayatec, bil. 7.pumanawcayo iti panagrucbab cadagiti ladladawan.

15Agsaoac cadacayo a 1 Cor. 8:1.cacas la mamasirib; ipatoyo ti sao-ec.

16Ti copa ti bendicion Mat. 26:23, 27, 28. 1 Cor. 11:25; 14:16.a bendicionantayo, saan aya nga isu ti pannacairaman iti dara ni Cristo? Ti tinapay a pisientayo, saan aya nga isu ti pannacairaman iti bagi ni Cristo?

17Agsipud ta adda 1 Cor. 12:27. Efe. 4:4, 16.maymaysa a tinapay, datayo idinto nga adutayo, maymaysatayo a bagi; ta mairamantayo amin iti daydiay maymaysa a tinapay.

18Kitaenyo Rom. 9:3, 5.ni Israel cas iti lasag: Lev. 3:3; 1:15.Dagiti mangan cadagiti datdaton, saanda aya a mairaman iti altar?

19Ania ngarud ti cunac? a ti maidaton cadagiti ladladawan adda capapay-anna? 1 Cor. 8:4.wenno ti ladawan adda capapay-anna?

20Awan, no di ket dagiti banbanag nga idaton Deut. 32:17.dagiti Gentil, idatonda ida cadagiti sairo, a saan nga iti Dios: ket diac cayat nga adda pacairamananyo cadagiti sairo.

21Saanyo a mabalin ti uminum 2 Cor. 6:15, 16.iti copa ti Apo ken iti copa dagiti sairo. Saanyo a mabalin ti mairaman iti panganan ti Apo ken iti panganan dagiti sairo.

22 Ex. 20:5. Num. 25:11. Wenno gargarientayo aya nga agimun ti Apo? Napigpigsatayo aya ngem isu.

Panagwayawaya ti Cristiano ken ti panagayat iti pada a tao.

23Dagiti amin a banag maipalubosda 1 Cor. 6:12.ngem saanda a maipaay amin. Dagiti amin a banag maipalubosda, ngem saanda a maipaay amin a mamatibker.

24Awan coma ti Rom. 15:1, 2.agagawa iti cabucbucudanna no di ket iti pagimbagan ti sabali.

25Isu-amin a malaco iti paguragaan, canenyo; a dicay agin-intuud a 1 Cor. 8:7.gapu iti conciencia?

26Ta Sal. 24:1.ti Apo cucuana ti daga ken dagup ti aglasud kencuana.

27No awisennacayo ti maysa cadagiti saan a mamati, ket cayatyo ti mapan, dagup ti isangoda cadacayo, kanenyo, a dicay agsalsaludsud a gapu iti conciencia.

28Ngem no adda agsaonto cadacayo: Daytoy naidaton iti altar: saanyo a canen, 1 Cor. 8:10, 12.gapu iti daydiay nangibaga, ken gapu iti conciencia.

29Ti conciencia, cunac, saan a ti concienciam no di ket ti concienciana; ta apayapay 1 Cor. 9:1, 19.maocomto ti wayawayac gapu iti conciencia ti sabali?

30No mairamanac a siyayaman iti Dios, Rom. 14:6.apayapay mababalawacto gapu iti daydiay pagyamanac?

31Gapuna, uray mangancayo, uray uminumcayo, wenno uray ania nga aramidenyo, Col. 3:17. 1 Ped. 4:11.aramidenyo amin a maipaay iti dayaw ti Dios.

32Saancay coma nga agbalin a pacaiculboan, Rom. 14:13.uray cadagiti Judio, uray cadagiti Griego, uray iti D. Ara. 20:28. 1 Cor. 11:22; 15:9.Iglesia, ti Dios:

33A Rom. 15:2.cas met caniac iti isu-amin agawaac nga ay-ayoen dagiti amin a tattao, a saanco a sapulen ti paglaingac, no di ket ti paglaingan dagiti adu, tapno isuda Rom. 11:14.maisalacanda.