EXODO 21 - Ilokano Form-Based Bible: Ti Biblia (1973)

Linlinteg maipapan cadagiti bag-en ken babbabac a ranggas. Ranggas a gapuanan wenno lac-amen dagiti animal.

1Ita dagitoy isuda dagiti linlinteg Dios, ket yegnanto iti ruangan, wenno iti baotec ti ruangan; ket ti apona tebbengannanto iti lapayagna iti maysa a culucul; ket adipnennanto a cancanayon.

7Ket no ti maysa a tao Neh. 5:5.ilacona ti anacna a babai a pabag-en, bil. 2, 3.saanto a pumanaw a cas cadagiti lallaki a bag-en.

8No saan a macaay-ayo ken apona dayta a babai, isu a nangasawa kencuana, ipalubosnanto ngarud a masbot: awanto ti pannacabilinna a mangilaco kencuana cadagiti gangannaet a tattao, idinto a nagaramid kencuana ti allilaw.

9Ket no isu yasawana iti anacna a lalaki, aramidennanto kencuana ti cas aramiden cadagiti annac a babbai.

10No mangala iti sabali a babai nga asawa; ti taraon ti bag-en nga asawa, ti pagan-anayna, ken ti rebbeng ti pannakiasawana, dinanto kessayan.

11Ket no dina aramiden dagitoy tallo nga annungen, ti babai pumanawto nga awan anniaman, nga awan subbotna.

12 Gen. 9:6. Lev. 24:17. Num. 35:30, 31. Ti mangsugat iti maysa a tao nga isu ti pacatayanna, di bumurong a mapapatayto.

13 Num. 35:22. Deut. 19:4, 5. Ket no ti maysa a tao saan nga agsaneb no di ket ti Dios yawatna daydiay iti imana; no casta Num. 35:11. Deut. 4:41, 42; 19:3. Jos. 20:2.itudingconto kenca ti maysa a disso a pagtalawannanto.

14 Num. 15:30. Ket no ti maysa a tao ipangtana a dulusen iti padana a tao, a patayen a liputan; 1 Ar. 2:28, 34.alaemto iti altarco, tapno matay.

15Ket ti cumabil ken amana wenno ken inana, di bumurong a mapapatayto.

16Ket Deut. 24:7. 1 Tim. 1:10.iti agtacaw iti maysa a tao ket ilacona, wenno masaracan iti biangna, di bumurong a mapapatayto.

17Ket ti Mat. 15:4. Mar. 7:10.mangilunud ken amana wenno inana, di bumurong a mapapatayto.

18Ket no dagiti tattao agcacabilda, ket ti maysa masugatna ti caduana iti bato, wenno iti gemgemna, ket saan a matay, ngem mapaidda;

19No macabangon manen, ket magna a macaadayu a sisasarucod, ti nangsugat ngarud maluc-atanto: ngem bayadannanto kencuana ti natactac nga aldawna, ket paagasannanto a naimbag.

20Ket no maysa a tao cabilenna ti bag-enna a lalaki, wenno ti bag-enna a babai, iti pang-or, ket matay iti babaen ti imana; di bumurong a madusanto.

21Nupay casta, no agpa-ot iti maysa nga aldaw wenno dua, saanto a madusanto: ta isu piracna.

22Ket no dagiti tattao agriringgorda, ket macabilda ti maysa a babai a masicug, ket iti casta maalisan, ngem awan pagdacsanna; di bumurong a mamultanto, cas mayalubug iti ipatay ti asawa ti babai; ket bayadannanto a cas ituding dagiti ocom.

23Ngem no adda pagdacsanna, itdemto ngarud ti biag iti biag.

24 Lev. 24:20. Deut. 19:21. Mat. 5:38. Mata iti mata, ngipen iti ngipen, ima iti ima, saca iti saca.

25Puur iti puur, sugat iti sugat, baot iti baot.

26Ket no ti maysa a tao danarenna ti mata ti bag-enna a lalaki, wenno ti mata ti bag-enna a babai ket madadaelna; palubusananto nga agwayawaya maipuon iti matana.

27Ket no matuppolanna ti ngipen ti bag-enna a lalaki, wenno ngipen ti bag-enna a babai; palubusannanto nga agwayawaya maipuon iti ngipenna.

28Ket no ti maysa a vaca sangdoenna a patayen ti maysa a lalaki wenno babai, Gen. 9:5.ti vaca di bumurong a mauburto, ket ti lasagna saanto a masida ngem ti akinvaca awanto ti pacaananoanna.

29Ngem no ti vaca cadawyanna ti sumangsangdo cadagiti napalabas nga al-aldaw, ket naipanecnec ken akincua, ket saanna nga inaywanan, ngem nacapapatay iti tao a lalaki wenno babai; ti vaca mauburto, ken ti akincua casta met a mapapatayto.

30No naikeddeng kencuana ti panangsubbotna, itednanto ngarud ti Ex. 30:12. Num. 35:31, 32.maipaay a subbot ti biagna uray ania ti maikeddeng kencuana.

31Simmangdo man iti maysa nga anac a lalaki, wenno anac a babai, cas mayannurot itoy a panangipato maaramidto kencuana.

32No ti vaca sumangdo ti bag-en a lalaki wenno babai, maitedto ken apoda ti tallopulo a siclo a pirac, bil. 8.ket ti vaca mauburto.

33Ket no ti maysa a tao lucatannanto ti maysa a bito, wenno no ti maysa a tao mangcutcut iti maysa a bito, ket dina gaburan, ket ti maysa a vaca wenno asno mailasbongto,

34Ti akincua iti bito isu ti mangsupapac; itednanto ti pirac iti akinvaca, ket daydiay natay cucuananto.

35Ket no ti vaca ti maysa a tao ranggasanna ti vaca ti sabali nga tao, isu a pacatayanna, ilacodanto ngarud ti vaca nga sibibiag, ket bingayendanto ti naglacoanda; ket ti matay casta met a bingayendanto.

36Wenno no pagaammo a ti vaca masansan nga agsangsangdo cadagiti napalabas nga aldaw, ket ti akinvaca dina impacni; di bumurong a bayadannanto ti vaca iti vaca, ket ti natay nga animal isu ti cucuananto.