DAGITI PROVERBIO 15 - Ilokano Form-Based Bible: Ti Biblia (1973)

Nadumaduma a proverbios nga isupadida ti nalinteg iti nadangkes.

1 Oc. 8:1-3. Prov. 25:15. Ti naalumamay a sungbat pagbawingenna ti pungtot; ngem ti macapaladingit a sao pataudenna ti unget.

2Ti dila ti masirib iyesngawna ti pannacaammo nga apag-isu; ngem ti ngiwat dagiti maag agibuyat iti kinamaag.

3 Job 34:21. Prov. 5:21. Jer. 16:17; 32:19. Heb. 4:13. Dagiti mata ni Jehova addada iti amin a yan, a sisisiput cadagiti dakes ken naimbag.

4 Prov. 3:18. Ti nanacman a dila isu maysa a cayo ti biag; ngem ti kinaulpit kencuana pacadudugan ti espiritu.

5Ti maag Prov. 10:1.umsienna ti panangisuro ni amana; ngem ti mangipateg iti panagtubngar gun-odenna ti kinamanakem.

6Iti balay ti nalinteg adda adu a gameng; ngem cadagiti maunnudan ti nadangkes isu ni ducot.

7Dagiti bibig ti masirib agiwaras ti pannacaammo; ngem ti puso ti maag saanna nga aramiden ti casta.

8 Prov. 21:27. Isa. 1:11; 66:3. Jer. 6:20. Amos 5:22. Ti daton ti nadangkes macarimon ken ni Jehova; ngem ti cararag ti nalinteg isu ti macaay-ayo kencuana.

9Ti dalan ti nadangkes macarimon ken ni Jehova; ngem ayatenna Prov. 21:21. 1 Tim. 6:11.ti sumurot iti kinalinteg.

10Adda dusa a nasaem iti mangbaybay-an iti dalan; ket Prov. 12:1.ti gumura iti panangtubngar matayto.

11 Job 26:6. Prov. 27:20. Da Tanem ken Dadael addada iti saclang ni Jehova: ket adadda pay dagiti puspuso dagiti annac dagiti tattao!

12 Amos 5:10. Ti managumsi dina pagayatan ti matubngar; dinto mapan cadagiti masirib.

13 Prov. 17:22. Ti naragsac a puso paisemenna ti rupa; ngem gapu ti ladingit ti puso madudog ti espiritu.

14Ti puso ti addaan pannacaawat birukenna ti pannacaammo; ngem ti ngiwat dagiti maag agtaraon iti kinamaag.

15Amin nga al-aldaw ti naparigat dakesda; Prov. 17:22.ngem ti siraragsac ti pusona cancanayon a daya kencuana.

16 Sal. 37:16. Prov. 16:8. Ecle. 4:6. 1 Tim. 6:6. Nasaysayaat ti bassit, a cacuyogna ti panagbuteng ken ni Jehova, ngem ti dackel a gameng ket ducot ti cacanunongna.

17 Prov. 17:1. Nasaysayaat ti pangaldaw a natnateng, nga addaan ayat, ngem ti napalucmeg a vaca ket gura ti cacuyogna.

18 Prov. 16:28. Ti managpungtot a tao pataudenna ti riri; ngem ti nabannayat nga agpungtot epepenna ti ringgor.

19Ti dalan ti nasadut cas la alad a siit; ngem ti dalan ti nalinteg calsada a dackel.

20Ti masirib nga anac paragsakenna ni amana; ngem ti maag a tao laisenna ni inana.

21Ti kinamaag pacaragsacan ti awanan sirib; ngem ti tao a mannacaawat lintegenna ti pannagnana.

22No awan ti balacad, dagiti gandat mawasda; Prov. 11:14.ngem iti caadu dagiti mamalacad mapatibkerda.

23Ti tao adda ragsacna iti sungbat ti ngiwatna; ket ti Prov. 25:11.maysa a sao iti Sal. 104:27.maitutop a tiempo, anian a nagsayaat!

24Iti masirib ti Fili. 3:20. Col. 3:1, 2.dalan ti biag agpangato, tapno mapanawanna ti tanem iti baba.

25 Prov. 12:7; 14:11. Ni Jehova parutennanto ti balay ti natangsit; ngem ipasdecnanto ti paginggaan Sal. 68:5; 146:9.ti babai a balo.

26Dagiti dakes a pacpakinakem macarimonda ken ni Jehova; ngem dagiti nacaay-ayo a sasao nadalusda.

27Ti narawet iti gungunaen paringgorenna ti balayna met laeng; ngem ti manggura cadagiti pannucsuc, agbiagto.

28Ti puso ti nalinteg 1 Ped. 3:15.panunutenna ti isusungbatna; ngem ti ngiwat ti nadangkes agibuyat cadagiti dakes a banbanag.

29Ni Jehova adayu cadagiti nadangkes; Sal. 10:1; 34:16; 145:18, 19. Juan 9:31.ngem ipangagna ti cararag dagiti nalinteg.

30 Sal. 38:10. Ti silnag dagiti mata paragsakenna ti puso; ken dagiti naimbag a damdamag palucmegenda dagiti tultulang.

31Ti lapayag a mangipangag iti panangtubngar ti biag makipagtaengto cadagiti masirib.

32Ti mangpaid iti pannacaisuro laisenna ti cararuana met laeng; ngem ti mangipangag iti panangtubngar gun-odenna iti pannacaawat.

33Ti panagbuteng ken ni Jehova sursuro ti Prov. 1:7.sirib; ket umun-una ti kinapacumbaba ngem ti dayaw.