JONAS 1 - Ilokano Form-Based Bible: Ti Biblia (1973)

Ni Jonas imbaon ti Dios idiay Ninive, ket agtalaw a mapan idiay Tarsis.

1Ket immay ti sao ni Jehova ken Mat. 12:39.Jonas nga anac ni Amittai, a cunana,

2Tumacderca, inca idiay 2 Ar. 19:36.Ninive, daydiay ili a dackel, ket yawagmo ti maicaniwas kencuana ta ti kinadakesna dimmanon iti saclangco.

3Ngem ni Jonas timmacder tapno agtalaw iti saclang ni Jehova a mapan idiay 1 Ar. 10:22.Tarsis, ket simmalog idiay Jos. 19:46.Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti bil. 10. Gen. 4:16.saclang ni Jehova.

4Ngem ni Jehova pinaganginna iti napigsa iti rabaw ti taaw, ket adda idi napigsa unay a bagio idiay taaw, iti casta ti sasacayan cas la marba.

5Idin dagiti marinero nagbutengda ket Sal. 107:28.tunggal maysa inawaganna ti diosna ket D. Ara. 27:18, 19, 38.imbellengda iti taaw ti nailugan a carga idi sasacayan tapno mapalag-anan: nupay casta ni Jonas immulog iti caunegan di sasacayan; ket nagidda, ket nacaturog iti nargaan.

6Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

7Ket kinunada, tumunggal maysa iti caduana, Umaycayo ta Oc. 20:9.aggiginnasanggasattayo coma tapno maammoan no siasino ti nacaigapuanan daytoy a dakes. Iti casta nagiginnasanggasatda, ket napagasatan ni Jonas.

8Idin kinunada kencuana, Dawatenmi a Jos. 7:19. 1 Sam. 14:43.palawagem cadacami no siasino cadatayo ti nacaigapuanan daytoy a dakes; ania ti akemmo? ket sadino ti naggapuam? sadino ti dagam? ket ania ti catataom.

9Ket isu sinungbatanna ida, Hebreoac, ket mabutengac ken Jehova a Dios ti langit, isu a nangaramid iti taaw ken daga.

10Idin dagidi tattao nagbutengda iti napalalo ket kinunada kencuana, Ania daytoy nga inaramidmo? Ta naammoanda nga agtalaw iti saclang ni Jehova, ta impalawagna cadacuada.

11Idin kinunada kencuana, Ania ti aramidenmi kenca tapno ti taaw agtalna cadatayo? ta ti baybay dimmawel a dimmawel.

12Ket isu simmungbat cadacuada, Alaendac ket itappuacdac iti taaw; iti casta ti taaw agtalnanto cadacayo: ta ammoc a gapu caniac immay cadacayo daytoy dackel a bagio.

13Nupay casta dagiti tattao pinigsaanda ti naggaud, tapno isublida ti sasacayan idiay sang-at; ngem dida nabalinan: ta ti baybay dimmawel a dimmawel a bumusor cadacuada.

14Gapuna nga inawaganda bil. 9.ni Jehova, ket kinunada, Dawatenmi kenca, O Jehova, dawatenmi kenca, dicami coma mapucaw a gapu iti biag daytoy a tao, Deut. 21:8.ket dinacami met pabasolen iti dara ti nasingpet; ta sica, O Jehova, inaramidmo ti cas kinayatmo.

15Iti casta innalada ni Jonas, ket intapuacda iti taaw; ket ti taaw nagtalna iti dawelna.

16Idin nagbuteng unay dagiti tattao ken ni Jehova: ket nangipaayda iti daton ken ni Jehova, ket nagicarida.

17Ket ni Jehova insaganana ti maysa a dackel nga ican a mangalun-un ken ni Jonas; ket ni Jonas Mat. 12:40; 16:4. Luc. 11:30.nagyan iti tian ti ican iti bayat ti tallo nga aldaw ken tallo a rabii.