MARCOS 1 - Ilokano Form-Based Bible: Ti Biblia (1973)

Ni Juan a Bautista.

1Pangrugian ti evangelio ni Jesu-Cristo, Anac ti Dios.

2 Mat. 3:2-16. Luc. 3:1-11. Cas iti naisurat ken Isaias a mammadto: Mal. 3:1.Adtoy, ibaonco ti babaonec iti sangoanan ti rupam, A mangisagananto iti dalanmo:

3 Isa. 40:3. Luc. 3:4. Juan 1:23. Timec ti maysa nga agao-awag iti let-ang: Isaganayo ti dalan ti Apo, Palintegenyo dagiti danana.

4Immay ni Juan a nangbabautizar iti let-ang Mat. 26:28.ken nangicasaba iti pannacabautizar ti panagbabawi, a maipaay iti pannacaiccat dagiti basbasol.

5Ket timmabunoda idi kencuana dagiti amin a taga Judea ken dagiti amin a taga Jerusalem, ket nabautizaranda kencuana idiay carayan Jordan, nga ipudpudnoda dagiti basbasolda.

6Ket ni Juan agcawcawes idi iti dutdot ti camello ken maysa a barikes a lalat ket mangmangan cadagiti dudon ken diro iti bakir:

7Ket nangascasaba a cuncunana: Umay iti malicudac ti adadda ti pannacabalinna ngem siac, diac maicari uray pay agdumogac a mangwarwar iti galut dagiti zapatosna.

8Siac, iti kinapudnona binautizarancayo iti danum; ngem isu bautizarannacayto iti Espiritu Santo.

Pannacabautizar ken pannacasulisog ni Jesus.

9 Mat. 3:13-47. Luc. 3:21, 22. Ket napasamac cadagidi nga aldaw a ni Jesus immay nanipud idiay Mat. 2:23.Nazaret ti Galilea, ket binautizaran ni Juan iti Jordan.

10Ket apaman, nga idi sumangsang-at nanipud iti danum, nakitana a naglucat dagiti langlangit, ken ti Espiritu a cas la calapati a bumabbaba kencuana.

11Ket nangngeg ti maysa a timec nanipud langit: Sica ti dungdungngoec nga Anac; maayayoac unay kenca.

12Ket dagus a ti Espiritu Mat. 4:1-11. Luc. 4:1-13.impanna iti let-ang.

13Ket naggian idiay iti uppat a pulo nga aldaw a sulsulisogen ni Satanas; ket nakipaggian cadagiti animal a narungsot: ket dagiti angel nagservida kencuana.

Pannacaawis dagiti immuna nga adalan.

14 Mat. 4:12. Ngem idi nalpas a nabalud ni Juan, ni Jesus simrec idiay Galilea a nangicascasaba Mat. 4:23.iti evangelio ti Dios,

15Ket cuncunana: Naturposen Gal. 4:4. Efe. 1:10.ti aldaw ket Mat. 4:17.ti pagarian ti Dios asidegen: agbabawicayo ket patienyo ti evangelio.

16Ket idi Mat. 4:18-22. Luc. 5:2-11. Juan 1:40-42.limmabas iti dinna ti baybay ti Galilea, nakitana ni Simon ken ni Andres a cabsatna, nga iwaywayatda ti iket iti baybay; ta dumadaclisda idi.

17Ket kinuna cadacuada ni Jesus; Surutendac ket pagbalinencayto a dumadaclis cadagiti tao.

18Ket dagus, a pinanawanda dagiti iketda, ket simmurotda kencuana.

19Ket idi nagna pay bassit nakitana ni Santiago nga anac ni Zebedeo ken ni Juan a cabsatna, nga addada idi iti barangayda, a tartarimaanenda dagiti iketda.

20Ket inayabanna ida a dagus; ket pinanawanda ni amada a Zebedeo iti barangay agraman cadagiti mangmangged, ket simmurotda kencuana.

Pannacaagas ti nagun-gan ti sairo idiay Capernaum.

21 Mat. 4:13. Luc. 4:31. Ket simrecda idiay Capernaum; ket rinugianna a dagus ti nangisursuro idiay sinagoga, cadagiti aldaw a panaginana,

22Ket nagsidsiddaawda Mat. 7:28, 29.iti sursurona; ta insursurona ida, a cas la adda turayna, ket saan a cas la cadagiti escriba.

23Ket adda iti sinagoga ti maysa a tao nga addaan espiritu a narugit, ket nagickis,

24A cuncunana: Mat. 8:29.Ania ti bibiangmi kenca, Jesus Nazareno? Immayca mangpucaw cadacami? Ammoc no siasinoca, sica ti Santo ti Dios.

25Ket inamsan ni Jesus a cuncunana: Agulimecca ket rummuarca kencuana.

26Ket daydi espiritu a narugit Mar. 9:20, 26. Luc. 9:39.napagpigerger ket di nagickis iti dackel a timec, rimmuar kencuana.

27Ket nagsiddaawda amin iti casta unay a nagsisinnaludsudda a cuncunada: Ania daytoy? Maysa a baro a sursuro! Situturay nga agbilin uray pay cadagiti espiritu a narugit ket agtulnogda kencuana!

28Ket nagracurac a dagus ti dayawna iti amin a daga ti Galilea ken dagiti arubayanna.

Pannacaagas ti babai a catugangan ni Pedro ken dagiti sabsabali a masacsakit.

29 Mat. 8:14-16. Luc. 4:38-41. Ket apaman nga rimmuarda bil. 21, 23.iti sinagoga, simrecda iti balay da Simon ken Andres, a naicuyog da Santiago ken Juan.

30Ngem ti babai a catugangan ni Simon adda idi iti idda nga aggorigor; ket dagus nga imbagada kencuana.

31Ket immasideg ni Jesus ket iniggamanna iti imana ket pinatacderna; ket pinanawan ti gorigor, ket nagservi cadacuada.

32Ket iti malem, idi Luc. 4:40.limneken ti init, inyegda kencuana dagiti amin a masacsakit ken dagiti nagun-gan ti sairo.

33Ket ti amin nga umili naguurnongda iti ruangan.

34Ket Mat. 14:23.pinaimbagna dagiti adu, nga agsagsagaba cadagiti nadumaduma a sacsakit, ket pinaruarna dagiti adu a sairo; Mat. 3:11, 12.ket dina binaybay-an nga agsao dagiti sairo, ta isu amammoda.

35Ket Luc. 4:42-44.bimmangon iti parbangon, iti nasipnget pay laeng, rimmuar ket Mat. 14:23.napan iti maysa a disso a napacni, ket idiay nagcararag.

36Ngem ni Simon ken dagiti adda a cumuycuyog, simmurotda kencuana;

37Ket idi nasaracanda, cunada kencuana: Isuda amin sapulendaca.

38Ngem isu kinunana cadacuada: Mapantayo cadagiti purpuroc ken ilili a caparanget tapno mangasabaac met sadiay; Isa. 61:1.ta maipoon itoy immayac.

39Ket napan Mat. 4:23.cadagiti sinagogada, iti isu-amin a Galilea, a nangascasaba ken namarparuar cadagiti sairo.

Pannacaagas ti maysa nga agcucutel.

40 Mat. 6:2-4. Luc. 5:12-14. Ket immay kencuana ti maysa nga agcucutel nga agdawdawat kencuana; ket idi nagparintumeng kinunana kencuana: No cayatmo, mabalinnac a dalusan.

41Ket ni Jesus idi a simnec ti asina kencuana inunnatna ti imana ket idi nga sinagidna kinunana kencuana: cayatco: madalusanca coma.

42Ket naigiddato a pimmanaw kencuana ti cucutel, ket nadalusan.

43Ket idi a kinarianna iti nairut unay pinalubusanna a dagus.

44Ket kinunana kencuana: Kitaem, ta dica ibaga iti uray siasino, no di ket inca, agparangca iti sacerdote ket idatonmo ti maipaay iti pannacagugormo dagiti imbilin ni Moises, a pacapanecnecanda.

45Ngem isu idi a rimmuar, Luc. 5:15.rinugianna nga inwarragawag unay ken inracuracna ti naaramid; iti casta ni Jesus dina mabalin Luc. 5:16.ti sumreken iti na panayag iti ili no di ket naggian iti ruar cadagiti disso a let-ang. Mat. 4:25. Mar. 2:2, 13; 3:7. Juan 6:2.Ket immayda kencuana nanipud cadagiti amin a disso.