ESTER 8 - Ilokano Form-Based Bible: Ti Biblia (1973)

Maingato ni Mardokeo. Ti dawat ni Ester. Mapalubosan dagiti Judios a rumupir cadagiti cabusorda.

1Iti daydi nga aldaw ni ari Asuero intedna ken reina Ester ti balay ni Aman a cabusor dagiti Judios. Ket ni Mardokeo immay iti sangoanan ti ari; ta ni Ester imbagana no Est. 2:7, 10, 15, 20.asino idi kencuana.

2Ket ti ari sinuctona di Est. 3:10.singsingna, nga innalana ken Aman, ket isu ti intedna ken Mardokeo. Ket ni Ester insaadna ni Mardokeo nga agturay ti balay ni Aman.

3Ket ni Ester nagsao pay manen iti sango ti ari, ket nagpasag cadagiti sacsacana, ket gimmawawa kencuana a binuyog dagiti lulua tapno iccatenna ti ranggas ni Aman nga Agageo, ken ti gandatna nga insaganana a maibusor cadagiti Judios.

4 Est. 4:11; 5:2. Idin inyunnat ti ari ken Ester di cetro a balitoc. Iti casta timmacder ni Ester, ket nagtacder iti sango ti ari.

5Ket kinunana, No macaay-ayo iti ari, ken no macasaracac iti parabur iti imatangna ket no ti banag agparang a nalinteg iti saclang ti ari, ken no macaayayoac cadagiti matana, masuratan coma ti mangpucaw cadagiti sursurat nga ingandat ni Aman, nga anac a lalaki ni Amadata nga Agageo, a sinuratanna a pangdadael cadagiti Judios nga adda cadagiti amin a provincia ti ari;

6Ta casano ti pannacaibtorco a mangkita iti dakes nga umayto iti rabaw ti cailiac? wenno casano ti pannacaibtorco a mangkita iti pannacarba ti cabagiac?

7Idin ni ari Asuero kinunana ken ni Ester a reina ken ni Mardokeo a Judio, bil. 1.Adtoy, intedco ken Ester ti balay ni Aman, ket ni Aman imbitayda iti rabaw ti pagbitayan, agsipud ta incabilna ti imana iti rabaw dagiti Judios.

8Isuratyo met cadagiti Judios, cas ti macaay-ayo cadacayo, iti Est. 3:12.nagan ti ari, ket isu ti deppelanyo iti singsing ti ari; ta ti sinuratan a nasuratan iti nagan ti ari, ken nadeppelan iti singsing ti ari, Est. 1:19.awan ti tao a macadadael.

9 Est. 3:12. Idin naayaban dagiti escriba ti ari iti daydi a tiempo, iti maicatlo a bulan, nga isu ti bulan a Sivan, iti maicaduapulo ket tallo nga aldawna: ket nasuratan a mayalubog iti amin nga imbilin ni Mardokeo cadagiti Judios, ken cadagiti Esd. 8:36.satrapas, ken gobernador ken pangoloen dagiti provincia nga adda Est. 1:1.manipud India agingga idiay Etiopia, a sangagasut duapulo ket pito a provincia, iti tunggal provincia a mayalubog iti panagsuratna, ken tunggal ili a mayannurot iti pagsasaoda, ken cadagiti Judios a mayalubog iti panagsuratda, ken mayalubog iti pagsasaoda.

10 Est. 3:12, 13. Ket nagsurat iti nagan ni ari Asuero, ket isu ti dineppelanna iti singsing ti ari, ket impaw-itna dagiti sursurat cadagiti mangorreo nga agcabayo, nga agsacayda cadagiti nasiglat a cabcabayo a naaramatda idi iti panagservi iti ari, nga inyanac ti napili a cabayo:

11Nga impalubos ti ari cadagiti Judio a nagyan idi iti tunggal ili tapno agtitiponda, ken icanawada dagiti biagda, tapno dadaelen, papatayen, ken papucawenda, ti amin a pannacabalin dagiti tattao ken provincia a cayatda ti mangsillong cadacuada, Est. 9:10, 15, 16.cadagiti babassitda ken babbai, ket alaenda ti samsam cadacuada a maipaay a maysa a tinucmaan.

12 Est. 3:13; 9:1. Iti maymaysa nga aldaw cadagiti amin a provincia ni ari Asuero, natudingan iti maicapulo ket tallo nga aldaw ti maicasangapulo ket dua a bulan, nga isu ti bulan nga Adar.

13 Est. 3:14, 15. Maysa a catucad ti surat, a maited coma ti pangngeddeng iti tunggal provincia, naiwarnac cadagiti amin nga umili, ket sisasagana coma dagiti Judios iti sangoanan daydi nga aldaw a mangbales cadagiti cabusorda.

14Iti casta dagiti mangorreo a nagsacayda cadagiti nasiglat a cabcabayo a naaramat idi iti panagservi iti ari rimmuarda, idinto a napapardasda ken napaganetgetanda gapu iti bilin ti ari: ket naiwarnac ti pangngeddeng idiay Susan a palacio.

15Ket rimmuar ni Mardokeo a naggapu iti saclang ti ari agraman Gen. 41:42. Dan. 5:29.naarian a pagan-anay nga Est. 1:6.azul ken puraw, ken agraman maysa a dackel a balangat a balitoc, ken agraman maysa a lambon a nalapat a lienzo ken purpura: ket nagdir-i ken nagragsac Est. 3:15.ti ili a Susan.

16Dagiti Judios addaanda idi iti lawag, ken ragsac, ken rag-o ken dayaw.

17Ket iti tunggal provincia, ken iti tunggal ili, a dimtengan ti bilin ti ari ken pangngeddengna, dagiti Judios addaanda idi iti ragsac ken rag-o, maysa a fiesta ken maysa a Est. 9:19, 22.naimbag nga aldaw. Ket adu a naggapuda iti tengnga dagiti umili nagbalinda a Judios; ta ti Deut. 2:25. Est. 9:2.panagbuteng cadagiti Judios nagtinnag cadacuada.