JOB 39 - Ilokano Form-Based Bible: Ti Biblia (1973)

Ti kinaawan ammo ni Job a maipapan cadagiti calding nga atap, ugugsa, asasno nga atap, vacvaca nga atap, avestrus, cabayo, sawi, ken ti aguila.

1Ammon aya no caano a pannawen ti panagpasngay dagiti atap a Sal. 104:18.calcalding a taga banbantay? wenno mapadtuam aya no caano Sal. 29:9.ti panaganac dagiti ugsa?

2Mabilangmo aya dagiti bulbulan a panagsicugda? Wenno ammom aya no caano ti panagpasngayda?

3Irucobda dagiti bagida, ipasngayda dagiti urbonda, ipugsoda dagiti tuocda.

4Dagiti urbonda agbalinda a napigsa, isuda dumackelda iti nalayang nga away; isuda pumanawda ket dida sumubli manen.

5Siasino ti nangibulos iti asno nga atap? Wenno siasino ti nangbucra cadagiti reppet ti nasiglat nga asno?

6Isu nga akimbalay ti inaramidco idiay Job 24:5. Jer. 2:24. Os. 8:9.let-ang, ken agtaeng iti disso a caapayaan?

7Isu abienna ti gologolo ti ili, dina met denggen ti ickis Job 3:18.ti agpaguyod?

8Ti intar dagiti banbantay isu ti pagarabanna, ket sapulenna ti amin a nalangto.

9Maay-ayonto aya Num. 23:22.ti vaca nga atap nga agservi kenca? Wenno agtaengto aya iti denna ti colloongmo?

10Masingdanam aya ti vaca nga atap iti singdanna idiay gulis? Wenno caraycayannanto aya dagiti loblobong iti licudam?

11Agtaleccanto aya kencuana agsipud ta ti pigsana dackel? Wenno ipaaywanmonto aya kencuana ti aramidmo?

12Agtaleccanto kencuana, nga isangpetnanto iti balay ta bukelmo, ken urnongennanto ti iric ti pagtaltagam?

13Dagiti payac ti avestrus agpayacpacda a sipupusong; ngem isuda aya dagiti pawis ken lawi ti ayat?

14Ta isu ibatina dagiti itlogna idiay daga, ket papudotenna ida idiay tapoc,

15Ket malipatanna a mabalin a baddeken ida iti saca, wenno ti atap nga animal mabalinna a payaten ida.

16 D. Un. 4:3. Isu agaramid a sicacas-ang cadagiti urbonna a cas la dina cucua ida; nupay ti aramidna kinaubbaw, isu awanan danag;

17Agsipud ta ti Dios imparitna kencuana ti sirib, isu dina imbingayan iti pannacaawatna.

18Iti aniaman a pannawen a panagbicagna, isu abienna ti cabayo ken ti agsacay kencuana.

19Intedmo aya ti bileg ti cabayo? Kinawesam aya ti tengngedna iti agtaytayegteg a pargayen?

20Isu inaramidmo aya a lumagto a cas dudon? Ti dayag ti panagbangesna nacakigkigtot.

21Isu curobanna ti lobong, ket agrag-o iti pigsana: Jer. 8:6.isu rumuar a sumabet cadagiti nagigam a tattao.

22Rabrabakenna ti buteng, ket saan nga agcullayaw; isu dina tallicudan ti campilan.

23Ti taguban agaweng a maibusor kencuana, ti agsilap a gayang ken duros.

24Isu tilmonenna ti daga iti rungsot ken unget; dina patien nga isu ti timec ti tangguyob.

25No la ket ta agaweng ti tangguyob isu cunana, Aha! ket isu masay-upna ti bacal manipud adayu. Ti daranudor dagiti cacapitan ken ti dir-i.

26Gapu aya iti siribmo ti tumangcayagan ti sawi, ket yucradna dagiti payacna iti agpaabagatan?

27Gapu aya iti bilinmo ti ngumataon ti aguila, ket aramidenna ti umocna idiay ngato?

28Idiay bato agtaeng, ket aramidenna ti balayna, idiay derraas ti bato, ken iti sarikedked.

29Manipud sadiay siimenna ti tucmaan; dagiti matana siputanda daydiay manipud adayu.

30Dagiti urbonna met susupenda ti dara: Mat. 24:28. Luc. 17:37.ket isu adda idiay yan dagiti napapatay.