1Ket naaramid iti calpasan dagitoy a banbanag, a ti maysa kinunana ken Jose, Adtoy, masakit ni amam: ket incuyogna dagiti dua nga annacna a lallaki, da Manases ken Ephraim.
2Ket inyammo ti maysa ken Jacob, ket kinunana, Adtoy, ni anacmo a Jose um-umay kenca: ket ni Israel incarcarigatanna ti bagina, ket nagtugaw iti pagiddaan.
3Ket ni Jacob kinunana ken Jose, Gen. 17:1; 28:13, 19; 35:6, 9.Ti Dios a Mannacabalin amin nagparang caniac idiay Luza, sadiay daga a Canaan, ket binendicionannac.
4Ket kinunana caniac, Adtoy, pagbungaencanto, ket pagaduencanto, ket aramidencanto a maysa a bunggoy dagiti inilin-ili, ket itdecto daytoy a daga cadagiti putputotmo iti calpasam a Gen. 17:8.tagicuaen nga agnanayon.
5 Gen. 41:50; 46:20. Ket ita dagiti dua nga annacmo a lallaki, a nayanac kenca iti daga nga Egipto, idi diac pay immay ditoy Egipto, Jos. 13:7; 14:4; 17:17.cucuac ida; da Ephraim ken Manases, a cas met da Ruben ken Simeon, cucuacto ida.
6Ket dagiti annacmo a putotem a maud-udi ngem dagitoy cucuamto ida; agnagandanto a mayannurot iti nagan dagiti cacabsatda iti panagtawidda.
7Ket siac, idi naggapuac idiay Padan-aram, Gen. 35:9-19.natay ni Raquel iti arpadco iti dalan idiay daga a Canaan, idi adayu pay laeng bassit ti Ephrata: ket impoponco iti dalan a mapan sadiay Ephrata (nga isu ti Belen).
8Ket ni Israel nakitana dagiti annac ni Jose, ket kinunana, siasinoda dagitoy?
9Ket ni Jose kinunana ken amanna, Gen. 33:5.Isuda dagiti annacco a lallaki, nga inted ti Dios caniac ditoy. Ket kinunana, dawatec kenca, Yegmo ida, caniac, ket Gen. 27:4; 49:25-26. Heb. 11:21.bendicionacto ida.
10 Gen. 27:1. Dagiti mata ni Israel kimmodrepdan maipuon iti kinalacayna, iti casta di nacakita. Ket inyadanina ida kencuana; ket inagcanna ida, ket Gen. 27:27.inaracupna ida.
11Ket ni Israel kinunana ken Jose, Gen. 45:26.Siac diac impagarup idin a makitac ti rupam: ket, adtoy, ti Dios impalubosna a makitac met dagiti putotmo.
12Ket ni Jose innalana ida nanipud iti nagbaetan dagiti tumengna: ket intamedna ti rupana iti daga.
13Ket ni Jose innala ida a dua, ni Ephraim iti macanawanna nga agturong iti ima a macatigid ni Israel, ket ni Manases iti ima a macatigidna nga agturong iti ima a macanawan ni Israel, ket inyasidegna ida kencuana.
14Ket ni Israel inyunnatna ti imana a macanawan, ket impatayna iti olo ni Ephraim, isu nga inaudi idi, ket ti imana a macatigid iti olo ni Manases, nga bil. 18-19.inturongna a siaammo dagiti imimana; ta ni Manases isu idi ti inauna.
15Ket binendicionanna ni Jose, ket kinunana, Gen. 17:1; 24:40.Ti Dios nga iti sangona nagnagnaanda dagiti dadackelco a ni Abraham ken ni Isaac, ti Dios a manaraon caniac iti amin a panagbiagco agingga itoy nga aldaw,
16 Gen. 28:15; 31:11, 13. Ex. 14:19; 23:20. Ti angel a nangilisi caniac iti amin a dakes, bendicionanna coma dagiti ubbing; Amos 9:12. D. Ara. 15:17.ket ni naganco matawagan coma cadacuada, ken ti nagan dagiti ammac a ni Abraham ken ni Isaac; Num. 26:34, 37.agbalinda coma a maysa a caadu iti tengnga ti daga.
17Ket ni Jose idi nakitana a ni amana impatayna ti bil. 14.imana a macanawan iti olo ni Ephraim, saan a nacaay-ayo kencuana: ket inngatona ti ima ni amana, tapno iccatenna iti olo ni Ephraim a yallatiw iti olo ni Manases.
18Ket ni Jose kinunana ken amana, Saan a casta, ama; ta daytoy isu ti inauna; idissom ti imam a macanawan iti olona.
19Ket ni amana dina kinayat ket kinunana, Ammoc, anacco, ammoc; isu met agbalinto nga maysa nga ili, ket isu dackelto met: Num. 1:33, 35; 2:19, 21.ngem ti cabsatna nga inaudi dacdackel to ngem isu, ket ti putotna agbalinto a maysa a caadu dagiti nasnacion.
20Ket binendicionanna ida idi nga aldaw a cuncunana, Rut. 4:11-12.Kenca ti panangibendicionto ti Israel a cuncunana, Ti Dios aramidennaca coma a cas ken Ephraim ken cas ken Manases: ket inyun-unana ni Ephraim ngem ni Manases.
21Ket ni Israel kinunana ken Jose, Adtoy, matayac: Gen. 46:4; 50:24.ngem ti Dios addanto cadacayo, ket pagsubliennacayto iti daga dagiti dadackelyo.
22 Jos. 24:32. Juan 4:5. Maysa pay intedco kenca ti maysa a binglay a pacaipangpangronaam cadagiti cacabsatmo, isu nga innalac iti ima ti Amorroheo gapu iti campilanco ken iti ba-ic.
Who We AreWhat We EelieveWhat We Do
2025 by iamachristian.org,Inc All rights reserved.