TAGA FILIPOS 1 - Ilokano Form-Based Bible: Ti Biblia (1973)

Carcararag ni Pablo a maipaay cadagiti taga Filipos.

1Ni Pablo ken ni D. Ara. 16:1.Timoteo, nga ad-adipen ni Cristo Jesus, isuratda cadagiti isu-amin a sasanto 1 Cor. 1:2.ken Cristo Jesus, idiay D. Ara. 16:12.Filipos, agraman cadagiti D. Ara. 20:28. 1 Tim. 3:2. Tit. 1:7.ob-obispo ken cadagiti 1 Tim. 3:8, 12.diacono:

2Parabur ken talna ti Dios nga Amatayo ken ni Apo Jesu-Cristo adda coma cadacayo.

3 Rom. 1:7, 8. Agyamanac iti Diosco, tunggal pannacalagipco cadacayo,

4Cancanayon a cadagiti amin a cararagco, agdawdawatac a siraragsac gapu cadacay amin,

5Gapu iti pannakicadcaduayo D. Ara. 16:12-40. Fili. 4:15.iti pannacaiwarragawag ti evangelio, nanipud idi immuna nga aldaw agingga ita;

6Ket sitatalgedac itoy met laeng, a daydiay nangirugi cadacayo ti nasayaat nga aramid, ananayennanto bil. 10. 2 Cor. 1:14.agingga iti aldaw ni Jesu-Cristo:

7Iti casta nalinteg caniac a panpanunutencayo amin, gapu ta addacay itoy pusoc; ket cadagiti Efe. 6:20.pannacabalbaludco a cas met iti bil. 17.panangisakit ken pammanecnecco iti evangelio, dacay amin mairamancay caniac itoy a parabur.

8Ta ti Dios ti sacsic Fili. 2:26; 4:1.no casano ti iliwco cadacayo amin iti Col. 3:12.nasnec a dongngo ni Cristo Jesus.

9Ket daytoy ti cararagco: A ti ayatyo umadu coma la nga umadu, iti Col. 1:9.kinasirib ken iti amin a pannacaawat;

10Tapno Rom. 12:2. Efe. 5:10.mabigbigyo coma dagiti banag a nasayaat; tapno napudnocayo ket awan ti pacapilawanyo nga bil. 6.agingga iti aldaw ni Cristo;

11A mapnocayo cadagiti Juan 15:5.bungbunga ti kinalinteg, a maipaay iti dayag ken Efe. 1:12, 14.pacaidayawan ti Dios, gapu ken Jesu-Cristo.

Ti pannacabalud ni Pablo isu ti paglaingan ti pannacaiwarnac ti evangelio.

12Ngem cayatco a maammoanyo, cacabsat, a dagiti banbanag a napasamac caniac, nagbanagda ketdi a nangparang-ay ti evangelio;

13Iti casta dagiti pannacarepreppetco gapu ken Cristo, naiwarragawagda, cadagiti isu-amin nga agaywan iti pangocoman ken cadagiti isu-amin a sabsabali;

14Ket dagiti ad-adu cadagiti cacabsat, idi a napakiredda gapu cadagiti pannacarepreppetco, ad-addapay ti turedda nga agsao ti sao ti Dios, nga awan butbutengda.

15Dagiti dadduma pudno nga icascasabada ni Cristo, gapu iti apal ken pannakisusic laeng; ngem dagiti sabali, iti met naimbag a nakem:

16Dagitoy agsaoda gapu iti ayat, idinto nga ammoda a naisaadac a bil. 7.mangicanawa iti evangelio;

17Ngem dagidiay icascasabada ni Cristo gapu iti supiat, saan a napudno ket panpanunutenda a nayonan ti rigatco cadagiti pannacarepreppetco.

18Ania ngarud? Nupay casta uray casano, uray pagpambar, uray napudno, ni Cristo maicascasaba: ket iti daytoy agragragsacac, wen, ket agragsacacto.

19Ta ammoc a daytoy rumsuanto a pacaisalacanac, 2 Cor. 1:11.gapu cadagiti panangidawdawatyo, ken ti pannacaipaay Rom. 8:9.ti Espiritu ni Jesu-Cristo,

20Cas iti nasnec a panagpadpadaanco ken pananginanamac, a Rom. 5:5.diacto maibabain iti uray ania; Efe. 6:19.no di ket idinto a situturedac a cas masansan, casta met ita, ni Cristo mapatan-oc itoy bagic, uray gapu iti biag, uray gapu iti patay.

21Ta no caniac, Gal. 2:20.ti panagbiag isu ni Cristo, ket ti ipapatay isu ti gonggona.

22Ngem no ti panagbiag iti lasag, daytoy pagbungaenna ti aramidco; iti casta diac ammo ti piliecto.

23Ta addaac a naglabbetan 2 Cor. 5:8.dagiti dua a banag, a tarigagayac ti 2 Tim. 4:6.pumanaw ken agnaed ken Cristo; isu a nasaysayaat unay;

24Ngem ti panagtaeng iti lasag nangnangrona a masapul maipuon cadacayo.

25Idinto ngarud a capnecac daytoy, ammoc a matdaacto ket makipaggianacto cadacay amin, a maipaay iti irarang-ayco ken ragsac iti pammati;

26Tapno umadu ti rag-oyo ken Cristo Jesus gapu caniac, a maipuon iti caaddac manen cadacayo.

Ayat iti cabsat, panagpacumbaba ken panagsingpet.

27Isuna laeng a ti panagbibiagyo Efe. 4:1.maicari coma iti evangelio ni Cristo: tapno, uray umayac ket makitacayo, wenno no awanac, madamagco coma ti casasaadyo a Fili. 4:1.sititibkercayo iti sangsangcamaysa nga espiritu, agraman D. Ara. 4:32. 1 Cor. 1:10. Fili. 2:2.sangsangcamaysa a cararua Jud. 3.nga umag-agawa a maipaay iti pammati iti evangelio;

28Nga awan ket ti cabutengyo gapu cadagiti cabusoryo; Luc. 21:13. 2 Tes. 1:5, 6.ket daytoy isu cadacuada ti pagilasinan ti pannacapucaw, ngem cadacayo, ti pannacaisalacan, ket daytoy, iti biang ti Dios;

29Ta, maipuon ken Cristo, Mat. 5:12. D. Ara. 5:41.maited cadacayo, saan laeng a ti pammati kencuana, no di ket ti panagsagaba met gapu kencuana:

30Nga adda cadacayo daydi met la pannakidangadang D. Ara. 16:19-24.a nakitayo caniac, ken madamagyo ita nga adda caniac.