DAGITI SALMO 105 - Ilokano Form-Based Bible: Ti Biblia (1973)

Dagiti Nacascasdaaw nga Ar-aramid ni Jehova a naipaay iti Israel.

1Agyamancayo Aginga bil. 15.ken Jehova, umawagcayo iti naganna; Sal. 145:12.ipacaammoyo cadagiti inilin-ili dagiti ar-aramidna.

2Cantaanyo, cantaanyo cadagiti panangidaydayaw; Sal. 77:12.isaoyo amin dagiti nacascasdaaw nga ar-aramidna.

3Pagpasindayawyo ti nasantoan a naganna: agragrag-o coma ti puso dagiti mangbiroc ken Jehova.

4Birokenyo ni Jehova ken ti pigsana; Sal. 27:8.sapulenyo coma laeng ti rupana.

5Lagipenyo dagiti nacascasdaaw nga ar-aramid nga inaramidna, dagiti datdatlagna, ken dagiti panangikeddeng ti ngiwatna,

6O dacayo a caputotan ni Abraham nga adipenna, dacayo nga anannac ni Jacob, dacayo a pinilina.

7Isu ni Jehova ti Diostayo: dagiti panangocomna addada iti dagup ti daga.

8Silalagip nga agnanayon iti tulagna, ti sao nga imbilinna cadagiti rinibu a caputotan,

9 Gen. 17:2. Luc. 1:72, 73. Heb. 6:17. Ti intulagna ken Abraham, ken ti sapatana ken Isaac,

10Ket pinasingkedanna dayta met laeng ken Jacob iti maysa a pagbilinan, iti Israel iti maysa a tulag nga agnanayon,

11A kinunana, itdecto kenca ti daga a Canaan, a gasatmo a tawiden;

12Idi a bassit pay laeng ti bilangda, a tattao, wen, bassitda pay unay, ket gangannaetda sadiay.

13Ket nagallaallada iti nacion ken nacion, manipud maysa a pagarian agingga iti sabali nga umili.

14Dina intuloc iti siasinoman a tao nga agaramid iti dakes cadacuada; wen, binabalawna dagiti ar-ari gapu cadacuada,

15 A cunana, Gen. 26:11.Dicayo sagiden dagiti pinulutac, ken dicayo ranggasan dagiti mammadtoc.

16 Gen. 41:54. Ket immayab ti panagbisin ditoy daga; dinadaelna ti Lev. 26:26.amin a taraon.

17 Gen. 45:5; 50:20. Nangibaon iti maysa a tao a paraunada; ni Gen. 37:28, 36.Jose nailaco a cas adipen:

18Dagiti sacana Gen. 39:20.pinarigatda cadagiti ramal: isu naicabil cadagiti cawar a landoc,

19Agingga iti tiempo a natungpal ti Gen. 40:8.saona, ti sao ni Jehova ti nangsuut kencuana.

20 Gen. 41:14. Ti ari nagbaon ket rinuc-atanna; wen, ti agturay cadagiti inilin-ili, ket pinalubosanna nga agwayawaya.

21 Ex. 9:23. Pinagbalinna nga apo ti balayna, ken agimaton iti dagup ti sanicuana;

22 Gen. 41:44. Tapno manengngel cadagiti piprincipena cas pagayatanna, ken mangisuro cadagiti panglacayenna iti kinasirib.

23 Gen. 46:6. Ni Israel immay met sadi Egipto; ket ni Jacob nakipagili idiay Sal. 78:51.daga ni Cam.

24 Ex. 1:7. Ket pinaaduna unay ti ilina ken pinagbalinna ida a napigpigsa ngem dagiti nangsuppiat cadacuada.

25 Ex. 1:8, 9. Imbawingna ti pusoda a guraenda ti ilina, tapno agaramid a sisisicap cadagiti ad-adipenna.

26 Ex. 3:10; 4:12, 14. Imbaonna ni Moises nga adipenna, castamet ni Aaron a pinilina.

27 Aginga bil. 36. Sal. 78:42-51. Incabilna iti tengngada dagiti pagilasinanna, ken datdatlag iti daga ni Cam.

28Binaonna ti sipnget, ket pinagsipngetna; ket saanda a binusor dagiti sasaona.

29Pinagbalinna a dara dagiti dandanumda, ket pinatayna dagiti icicanda.

30Ti dagada naatibelbelan idi cadagiti tuctucac cadagiti silsiled dagiti ar-arida.

31Nagsao, ket dimteng dagiti atibelbel dagiti ngilngilaw, ken cutcuto cadagiti amin a lawlawda.

32 Gen. 41:40. Intedna cadacuada ti uraro a pannacatudoda, ken gumilgil-ayab nga apuy iti dagada.

33Dinanarna dagiti cauvuvasanda ken highigosda, ken sinip-acna dagiti caycayo cadagiti beddengda.

34 Ex. 10:4. Sal. 78:40. Nagsao, ket ti lucton dimteng, ken ti dudon, ket saan a mabilang,

35Ket kinnanda amin a mula idiay dagada, ket kinnanda ti apit ti dagada.

36 Ex. 12:29. Sal. 78:51. Sinugatna met dagiti inauna nga annac idiay dagada, a cangronaan ti amin a pigsada.

37 Ex. 12:35. Ket inlapsutna ida a napacuyugan iti pirac ken balitoc; ket awan uray maysa nga agcacapuy a tao cadagiti capcapuonanda.

38Ti Egipto naragsacan idi nagluasda; Ex. 12:33; 15:16.ta ti panagbutengda caniada immapay cadacuada.

39 Ex. 13:21. Nangibistrad iti ulep a pannacaabbongda, ken apuy a mangraniag iti rabii.

40 Ex. 16:13. Nagdawatda, ket nangyeg cadagiti tuctucling, ket pinennecna ida iti Sal. 78:24, 25. Juan 6:31.tinapay ti langit.

41 Ex. 17:6. 1 Cor. 10:4. Binettacna ti bato, ket dagiti danum nagparucpocda; nagayusda cadagiti namaga a yan a cas carayan.

42Ta linagipna ti nasantoan a saona, bil. 8, 9. ken Abraham nga adipenna.

43Ket inlapsutna ti ilina a siraragsac, ken dagiti pinilina a sicacantada.

44 Jos. 13:7. Sal. 78:55. Ket intedna cadacuada dagiti dagdaga dagiti pagpagarian; ket tinagicuada ti nagbannogan dagiti inilin-ili:

45 Deut. 4:1, 40. Tapno masalimetmetanda coma dagiti alalagadenna, ken matungpalda dagiti linlintegna. Idaydayawyo ni Jehova.