DAGITI SALMO 55 - Ilokano Form-Based Bible: Ti Biblia (1973)

Cararag ti Pannacaracrac dagiti Nagulib. Ken agpangolo a Musico; Maitonos cadagiti kinuerdasan a pagtocaran. Maschil ni David.

1 Sal. 54:2. Ipangagmo toy cararagco, O Dios; ket dica ilingedan toy ararawco.

2Imdengannac, ket sungbatannac: Isa. 38:14.Diac macainana iti asasugco, ket agsasainnecac,

3Gapu iti timec ti cabusor, gapu iti panangilupit dagiti nadangkes; 2 Sam. 16:7, 8.ta agipalladawda iti kinadakes caniac, ket iti pungtotda idadanesdac.

4 Sal. 116:3. Ti pusoc matuocan a siuut-ut itoy unegco: ket dagiti al-aliaw ni patay agpasagda caniac.

5 Sal. 2:11. Ti aligaget ken tayegteg nagdissuorda caniac, ket ti pannacaaliaw Eze. 7:18.inaddagannac.

6Ket kinunac, O no adda coma payacco a cas maysa a calapati! Iti casta tumayabac coma nga umadayo, ket aginanaac.

7Ket iti casta agcalcalautangac coma iti adayo, agtaengac coma iti casamecan. (Selah)

8Agpartacac coma nga aglemmeng iti maysa a pagsalingdan iti umalipugpug nga angin ken bagio.

9Dadaelem, O Apo, pisiem ti dilada; ta nakitac ti kinadamsac ken Jer. 6:7.ringgor iti ili.

10Aldaw ken rabii agibawibawda kencuana iti rabaw dagiti bacudna: ti met kinadakes ken ti ranggas addada iti tengngana.

11Ti kinadakes adda iti tengngana: panangilupit ken panangiculbo saanda a pumanaw cadagiti lanlansanganna.

12Ta saan a cabusor ti nangab-abi caniac; Sal. 41:9.ta no saan a casta naibturac coma: saan met a ti nanggurgura caniac a nagindadackel a bumusor caniac; ta no saan a casta naglemmengac coma:

13Ngem sica, tao a capadpadac, 2 Sam. 16:23. Sal. 41:9. Jer. 9:4. Mik. 7:5.Caduac ken capalpalaloac a gayyem.

14Nagbinnalacadta iti nasamit a patigmaan; nagnata Sal. 42:4.iti balay ti Dios agraman ti caaduan.

15Ni patay abutenna coma ida a pettat, Num. 16:30, 33. Sal. 124:3.lumnedda coma a sibibiag iti Sal. 16:10.Tanem; ta ti kinadangkes adda iti pagnaedanda, iti unegda.

16No maipapan caniac, siac umawagacto iti Dios; ket ni Jehova isalacannacto.

17 Dan. 6:10. Luc. 18:1. D. Ara. 3:1; 10:3, 9, 30. 1 Tes. 5:17. Malem, ken bigat, ken iti tengnga ti aldaw, agasugacto, ken agsainnecac; ket denggennanto ti timecco.

18Sinubbotna a sitatalna toy cararwac iti gubat a maibusor caniac; 2 Ar. 6:16.ta aduda dagidiay nakisalisal caniac.

19Ti Dios mangegnanto, ket sungbatannanto ida, ti met laeng agtaeng manipud ugma, (Selah) Dagiti tattao a dida agbaliw, ken dida agbuteng iti Dios.

20Inlayatna dagiti im-imana a bumusor cadagiti sicacappia kencuana: rinabngisna ti tulagna.

21 Prov. 5:3, 4. Ti ngiwatna naglamuyot a cas mantequilla, ngem ti pusona isu ti gubat. Dagiti sasaona naluclucnengda ngem lana, Sal. 57:4.nupay casta isuda dagiti siaasut a campilan.

22 Sal. 37:5. Mat. 6:25. Luc. 12:22. 1 Ped. 5:7. Iyallatiwmo ta awitmo ken Jehova, ket saranayennacanto: dinanto ipalubos a magaraw ti nalinteg.

23Ngem sica, O Dios, ipisocmonto ida iti abut ti pannacadadael: dagiti mawaw iti dara ken mananggulib Job 15:32. Prov. 10:27. Ecle. 7:17.didanto agbiag iti cagudua dagiti al-aldawda; ngem siac agcammatalecacto kenca.