JOB 6 - Ilokano Form-Based Bible: Ti Biblia (1973)

Saritaen ni Job ti kinadacsangasatna. Ti kinaallilaw ken ti di kinaimbag dagiti gagayyemna.

1Idin ni Job simmungbat ket kinunana,

2O sapay coma ta ti alipungetco matimbeng laeng, ket amin a kinadacsangasatco maicabil iti pagtimbengan!

3Ta ita isu ti Prov. 2:3.nadagdagsen ngem iti darat dagiti baybay; gapuna a nadursoc dagiti sasaoc.

4Ta dagiti Sal. 38:2.panpana ti Mannacabalin addada iti unegco, ti gamutda ininum ti espirituc: dagiti Sal. 88:16.nacakigkigtot ti Dios aguornosda a maibusor caniac.

5Aguga aya ti asno nga atap no adda rootna? Wenno agemmac aya ti vaca iti rabaw ti taraonna?

6Mabalin aya a canen ti naamnaw nga awan ti asinna? Wenno adda aya nanam ti calanniog ti iclog?

7Ti cararuac idianna a sagiden ida: cacasda la taraon a macasalimuyaw canaiac.

8O sapay coma ta maited ti bil. 9.dawatco; ket ti Dios itdenna coma caniac ti calicagumac unay!

9Sapay coma ta macaay-ayo met laeng iti Dios ti panangburacna caniac; a luclucanna coma ti imana, ket dadaelennac!

10Ket isu coma pay laeng ti liwliwac, wen, agragsacac coma iti tuoc a di mangisakit, a diac linibac dagiti sasao Os. 11:9.ti Santo.

11Ania aya ti pigsac, tapno agurayac? Ket ania aya ti tungpalco, tapno aganusac coma?

12Ti pigsac isu ti pigsa dagiti batbato? Wenno ti lasagco isu ti gambang?

13Saan aya nga awan caniac met laeng ti badang? Ket ti kinasirib mapapanao a matalipupus caniac?

14 Prov. 17:17. Iti daydiay a sidadaan nga mapasag maiparangarang coma ti kinaimbag manipud iti gayyemna; iti daydiay met laeng a mangbaybay-a iti panagaligaget iti Mannacabalin.

15Dagiti cacabsatco nagaramidda a siaallilaw a cas maysa a waig, cas iti pagayusan dagiti wawaig nga aglabas;

16Nga aglibegda gapu iti hielo, ket cadacuada ti nieve aglemmeng:

17Iti pannawen nga ipupudotda, agpucawda; no napudot, marunawda idiay yanda met laeng.

18Dagiti agbanbaniaga a magna iti dalan sumiasida; cadacuada sumang-atda iti langalang, ket mapucawda.

19Dagiti agbanbaniaga Isa. 21:14. Jer. 25:23.ti Teman nakitada, dagiti bungbunggoy ti 1 Ar. 10:1.Saba ninamnamada ida.

20Nababainanda agsipud ta nangnamnamada idi; immayda idiay, ket nariroda.

21Ta ita dacayo ti awan; kitaenyo caniac ti maysa a pagkigtotan, ket agbutengcayo.

22Kinunac aya, Mangtedcayo caniac? Wenno, Mangipaaycayo caniac iti maysa a sagut ita cucuayo?

23Wenno, Ispalendac iti ima ti cabusor? Wenno, Subbotendac iti ima dagiti mammarigat?

24Isurodac, ket agtalnaacto; ket aramidendac a macaawat iti nagbiddutac.

25Anian a nagpigsada dagiti sao ti kinalinteg! Ngem ti pangtubngaryo, ania ti tungarenna?

26Panunutenyo a pangtubngar dagiti sasao, idinto ta dagiti bitla ti maysa nga awan ti inanamana casda la angin?

27Wen, cayatyo a paggiginnasanggasatan dagiti ulila, ken Sal. 57:6.tagilacoenyo ti gayyemyo.

28Ita ngarud maay-ayocayo coma a cumita caniac; ta pudno a diacto agulbod ita rupayo.

29 Job 19:10. Dawatec cadacayo, agbawingcayo awan coma ti kinakillo; wen, agbawingcayo manen, ti panggepco nalinteg.

30Adda aya kinakillo iti dilac? Ti panagnanamco dina aya malasin dagiti macaranggas a banbanag?