NEHEMIAS 11 - Ilokano Form-Based Bible: Ti Biblia (1973)

Lista dagiti nagnaed idiay Jerusalem. Dagiti sabsabali a disdisso a nanaedan.

1Ket nagnaed dagiti pangpangoloen dagiti tattao idiay Jerusalem Neh. 10:34.naggiginnasat met ti matda cadagiti tattao, tapno iyegda ti maysa cadagiti sangapulo nga agtaeng idiay Jerusalem a ciudad a bil. 18. Isa. 48:2; 52:1. Mat. 4:5; 27:53. Apoc. 11:2; 21:2.nasantoan, ken ti maminsiam cadagiti sabali nga il-ili.

2Ket binendicionan ti umili dagiti amin a lallaki a siaayat a nangipaay cadagiti bagida met laeng nga agtaeng idiay Jerusalem.

3Dagitoy isuda idi dagiti pangoloen ti provincia a nagnaed idiay Jerusalem: ngem cadagiti il-ili ti Juda nagnaed ti tunggal maysa iti cucuana cadagiti il-ilida, cayatna a sawen, ti Israel, dagiti papadi, ken dagiti Levitas, ken dagiti Netineos, ken dagiti Esd. 2:55.annac dagiti ad-adipen ni Salomon.

4Ket idiay Jerusalem nagnaed dagiti dadduma cadagiti annac ni Juda, ken cadagiti annac ni Benjamin. Cadagiti annac ni Juda: ni Ataias nga anac a lalaki ni Uzias, nga anac a lalaki ni Zacarias, nga anac a lalaki ni Amarias, nga anac a lalaki ni Sefatias, nga anac a lalaki ni Mahalaleel, cadagiti annac ni Gen. 38:29. 1 Cron. 9:4.Fares;

5Ken ni Maasias nga anac a lalaki ni Baruc, nga anac a lalaki ni Colhoze, nga anac a lalaki ni Hazaias, nga anac a lalaki ni Adaias, nga anac a lalaki ni Joiarib, nga anac a lalaki ni Zacarias, nga anac a lalaki ni Seloni.

6Amin dagiti annac ni Fares a nagnaedda idiay Jerusalem uppat a gasut innem a puloda ket walo a lallaki a mamaingel.

7Ket dagitoy dagiti annac a lallaki ni Benjamin: ni Salu nga anac a lalaki ni Mesullam, nga anac a lalaki ni Joed, nga anac a lalaki ni Padaias, nga anac a lalaki ni Colaias, nga anac a lalaki ni Maaseias, nga anac a lalaki ni Utiel, nga anac a lalaki ni Jesaia.

8Ket iti sumaganad kencuana ni Gabbai, ni Sallai, 1 Cron. 9:9.siam a gasut duapuloda ket walo.

9Ket ni Joel nga anac a lalaki ni Zecri isu idi ti agimatang cadacuada; ket ni Juda nga anac a lalaki ni Assenua isu idi ti maicadua a pangolo ti ciudad.

10 1 Cron. 9:10-13. Cadagiti papadi: ni Jedaias, nga anac ni Joiarib, ni Jakin,

11Ni Seraias nga anac ni Helcias, nga anac a lalaki ni Mesullam, nga anac a lalaki ni Sadoc, nga anac a lalaki ni Meraiot, nga anac a lalaki ni Ahitub, nga agturay iti balay ti Dios,

12Ken dagiti cacabsatda a nagaramid ti aramid iti balay, walogasut duapuloda ket dua; ken ni Adaias nga anac a lalaki ni Jeroham, nga anac a lalaki ni Pelalias, nga anac a lalaki ni Amsi nga anac a lalaki ni Zacarias, nga anac a lalaki ni Fasur, nga anac a lalaki ni Malkias.

13Ken dagiti cacabsatna, a pangpangoloen dagiti balbalay dagiti amma, duagasut uppat a puloda ket dua; ken ni Amasai nga anac a lalaki ni Azarael, nga anac a lalaki ni Azai, nga anac a lalaki ni Mesillemot, nga anac a lalaki ni Immer,

14Ken dagiti cacabsatda, dagiti lallaki a mannacabalin ken maingel, sangagasut duapuloda ket walo. Ket ti agaywan cadacuada isu idi ni Zabdiel, nga anac a lalaki ni Hedolim.

15 Aginga bil. 19. 1 Cron. 9:14-17. Ket cadagiti Levitas: ni Semaias, nga anac a lalaki ni Hassub, nga anac a lalaki ni Azricam, nga anac a lalaki ni Hasabias, nga anac a lalaki ni Buni;

16Ken da Sabetai ken Josabad, cadagiti pangoloen dagiti Levitas, nga agimatang idi cadagiti annongen 1 Cron. 26:29.iti ruar ti balay ti Dios;

17Ken ni Matanias nga anac a lalaki ni Mica, nga anac a lalaki ni Zabdi, nga anac a lalaki ni Asaf, nga isu idi ti pangolo a mangrugi iti panagyaman iti cararag, ket ni Bacbucias, ti maicadua cadagiti cacabsatna; ken ni Abda nga anac a lalaki ni Samua, nga anac a lalaki ni Galal, nga anac a lalaki ni Gedutun.

18Amin dagiti Levitas idiay nasantoan a ciudad duagasut walopuloda ket uppat.

19Maysa pay dagiti agaywan iti ruangan, da Accub, Talmon, ken dagiti cacabsatda, a nagbantay cadagiti ruangan, sangagasut pitopuloda ket dua.

20Ket ti matda iti Israel, cadagiti papadi, cadagiti Levitas, addada idi cadagiti amin nga il-ili ti Juda bil. 3.tunggal maysa iti tawidna.

21 1 Cron. 9:2. Ngem dagiti Netineos nagnaedda idiay Neh. 3:26.Ofel: ket da Siha ken Gispa isuda idi ti pangoloen cadagiti Netineos.

22Ti agaywan met cadagiti Levitas idiay Jerusalem isu idi ni Uzzi nga anac a lalaki ni Bani, nga anac a lalaki ni Hasabias, nga anac a lalaki ni Mattanias, nga anac a lalaki ni Mica, cadagiti annac a lallaki ni Asaf, dagiti cumacanta, iti annongen iti balay ti Dios.

23 Esd. 6:8-9; 7:20. Ta adda idi maysa a bilin a naggapu iti ari a maipapan cadacuada, ken maysa a nakedngan a taraon a maipaay cadagiti cumacanta, cas masapul iti tunggal aldaw.

24Ket ni Petahias nga anac a lalaki ni Mesezabel, cadagiti annac ni Gen. 38:30.Zera nga anac a lalaki ni Juda, adda idi iti panangidalan ti ari cadagiti amin a panggep a maipapan iti umili.

25Ket maipanggep cadagiti purpuroc, agraman cadagiti taltalonda, dadduma cadagiti annac ni Juda nagnaedda idiay Jos. 21:1.Cariat-arbe ken cadagiti il-ilina, ken idiay Dibon ken cadagiti il-ilina, ken idiay Jecabseel ken cadagiti purpurocna,

26Ken idiay Jesua, ken idiay Molada, ken idiay Bet-pelet,

27Ken idiay Hasar-sual, ken idiay Beer-seba ken cadagiti il-ilina,

28Ken idiay Siclag, ken idiay Mecona ken cadagiti il-ilina,

29Ken idiay En-rimmon, ken idiay Serea, ken idiay Jermut,

30Zanoa, Adullam, ken cadagiti purpurocda, Lakis ken cadagiti taltalonna, Azeca ken cadagiti il-ilina. Iti casta nagpacarsoda nanipud iti Beer-seba agingga ti lobong ti Hinnom.

31Dagiti annac ni Benjamin met nagnaedda manipud Gaba nga agtuloy, idiay Micmas ken Aia, ken idiay Bet-el ken cadagiti il-ilina,

32Idiayi Anatot, Nob, Anania,

33Hazor, Rama, Gittaim,

34Hadid, Seboim, Neballat,

35Lod, ken Ono, a Esd. 2:1-2.lobong dagiti nalaing nga agar-aramid.

36Ket cadagiti Levitas, dagiti dadduma cadagiti pannacadasdasig iti Juda naitiponda idi iti Benjamin.