I AR-ARI 9 - Ilokano Form-Based Bible: Ti Biblia (1973)

Ti tulag ni Jehova ken Salomon. Dagiti il-ili a maited ken Hiram. Ni Salomon polongenna dagiti tattao. Dagiti tinawentawen a datonna. Ti bunggoy ti sasacayanna.

1Ket naaramid, idi a ni 2 Cron. 7:11-22.Salomon nalpasna ti pannacabangon ti balay ni Jehova, ken ti balay ti ari, 1 Ar. 7:1.ken amin a tarigagay ni Salomon a kinayatna nga aramiden,

2A ni Jehova nagparang ken Salomon iti maicadua a daras, a cas iti pinagparangna kencuana sadi 1 Ar. 3:5; 11:9.Gabaon.

3Ket ni Jehova kinunana kencuana, Siac mangngegco ti cararagmo ken ti ararawmo, nga inaramidmo iti sangoc. Siac sinantificarco daytoy a balay, isu a binangonmo, tapno maicabil 1 Ar. 8:29.ti naganco sadiay iti agnanayon; ket dagiti matac Deut. 11:12.ken ti pusoc addadanto sadiay nga agnanayon.

4Ket no maipapan kenca, no magnaca iti sangoc, a cas pannagna ni David nga amam 1 Ar. 11:4, 6, 28; 14:8; 15:5.iti kinatarnaw ti puso, ken kinasingpet, nga aramidem amin ti cas imbilinco kenca, ket salimetmetam dagiti ipapaalagadco ken dagiti linlintegco;

5Iti casta isaadconto ti trono ti pagariam iti Israel nga agnanayon, a cas incaric ken David nga amam, a 2 Sam. 7:12, 16. 1 Ar. 2:4; 6:12. Sal. 132:12.kinunac, Saanto nga agcurang kenca ti maysa a lalaki iti trono ti Israel.

6Ngem no sumiasicayto iti isusurot 1 Sam. 15:11.kaniac, dacayo wenno dagiti annacyo, ket dicayo tungpalen dagiti bilbilinco ken dagiti ipapaalagadco nga incabilco iti sangoyo, no di ket incayonto ket agservicayo cadagiti sabali a didios, ket agrucbabcayo cadacuada;

7Iti casta siac ipusayconto ti Israel Deut. 4:26. 2 Ar. 17:23; 25:21.iti daga nga intedco cadacuada; ket daytoy a balay isu a sinantificarco a maipaay iti naganco, Jer. 7:14.ibellengconto iti ruar ti imatangco; ket ti Israel agbalinto a maysa a proverbio ken maysa a barengbareng a balicas cadagiti Deut. 28:37.amin a tattao.

8Ket nupay no daytoy a balay naipangato unay, nupay casta tunggal lumabas iti arrubayanna masdaawto, ket agsanamticto; ket isuda cunadanto, Apayapay nga inaramid ni Jehova ti castoy iti daytoy a daga ken iti daytoy a Deut. 29:24, 26. Jer. 22:8, 9.balay?

9Ket sumungbatdanto, Agsipud ta binay-anda ni Jehova a Diosda, a nangaon cadagiti ammada iti daga ti Egipto, ket nangalada iti sabasabali a didios, ket nagrucbabanda ida, ken nagservianda ida: gapuna a ni Jehova inyegna cadacuada amin daytoy a dakes.

10Ket naaramid Aginga bil. 28. 2 Cron. 8:1-18.iti paggibusan ti duapulo a tawen, a 1 Ar. 6:38; 7:1.panangbangon ni Salomon cadagiti dua a balay, ti balay ni Jehova ken ti balay ti ari,

11(Ni Hiram nga ari ti Tiro nagited idi ken Salomon cadagiti caycayo a cantingen ken caycayo a parwa, ken balitoc, a mayannurot iti amin a calicagumna), a ni ari Salomon iniccanna ngarud ni Hiram iti duapulo nga il-ili iti daga ti Galilea.

12Ket ni Hiram nagluas idiay Tiro tapno kitaenna dagiti il-ili a ni Salomon intedna kencuana; ket saanda a nacaayayo kencuana.

13Ket isu kinunana, Ania nga il-ili dagitoy nga intedmo caniac, cabsatco? Ket isu ninagananna ida iti daga ti Jos. 19:27.Cabul inggana itoy nga aldaw.

14Ket ni Hiram nangibaon ken Salomon iti sangagasut ket duapulo a talento a balitoc.

15Ket daytoy isu ti gapu ti panagpapulong 1 Ar. 5:13.nga inaramid ni ari Salomon, tapno maputar ti balay ni Jehova, ken ti bucodna a balay, ken ti Millo, bil. 24. 2 Sam. 5:9.ken ti bacud ti Jerusalem, Jos. 11:1.ken ti Hasor, Oc. 5:19.ken ti Megiddo, ken ti Jos. 10:33.Gezer.

16Ni Faraon nga ari ti Egipto simmang-at, ket innalana ti Gezer, ket isu ti pinuuranna iti apuy, ket pinatayna dagiti Cananeo Jos. 16:10.nga agnaed iti ili, ket isu ti intedna a cas pannacabiang ti anacna, nga bil. 24. 1 Ar. 3:1; 7:8; 11:1.asawa ni Salomon.

17Ket ni Salomon binangonna ti Gezer, Jos. 19:44.ken ti Bet-horon iti baba,

18Ken ti Baalat, ken ti Tadmor iti let-ang, iti daga,

19Ken amin dagiti Ex. 1:11.il-ili a pagidulinan ni Salomon, ken dagiti il-ili a maipaay cadagiti 1 Ar. 4:26.lugluganna, ken dagiti il-ili a maipaay cadagiti tattaona nga agcacabayo ken amin dagidiay a ni Salomon kinayatna a pinutar a maipaay iti pagayatanna sadi Jerusalem, ken sadi Libano, ken iti amin a daga a pagturayanna.

20No maipapan cadagiti amin a tattao a natda cadagiti Amorreo, dagiti Heteo, dagiti Perezeo, dagiti Heveo, dagiti Jebuseo, a saan a nagtaud cadagiti annac ti Israel;

21Dagiti annacda a natda cadacuada iti daga, Jos. 15:63; 17:12.isuda a saan a nabalin a dinadadael nga intalipupus dagiti annac ti Israel, cadacuada ti Oc. 1:28. 1 Ar. 5:15.namangonan ni Salomon iti maysa a pannacapolong Esd. 2:55, 58. Neh. 11:3.cadagiti bag-en inggana itoy nga aldaw.

22Ngem ni Salomon saanna a pinagbalin dagiti annac ti Israel a bag-en; Lev. 25:39.no di ket isuda dagiti lallaki ti gubat, ken ad-adipenna, ken pangpanguloenna, ken cacapitanna, ken agtuturay cadagiti lugluganna ken tattaona nga agcacabayo.

23Dagitoy isuda dagiti cangatoan nga agtuturay nga addada cadagiti aramid ni Salomon, limagasut ket limapulo, 1 Ar. 5:16.a mangituray cadagiti tattao nga agaramid iti trabajo.

24Ngem ti babai nga bil. 16.anac ni Faraon simmang-at a naggapu iti ili ni David, agingga iti balayna a 1 Ar. 7:8.pinutar ni Salomon a maipaay kencuana: idin impatacderna ti bil. 15.Millo.

25Ket mamitlo 2 Cron. 8:13.iti macatawen a nangidatag ni Salomon cadagiti datdaton a mapuuran ken datdaton ti cappia iti rabaw ti altar isu a binangonna ken Jehova, pinuuranna met a naigiddan cadacuada ti incienso, iti rabaw ti altar nga adda idi iti sango ni Jehova. Iti casta lineppasna ti balay.

26Ket ni ari Salomon nangaramid iti maysa a bunggoy dagiti sasacayan sadi Ezion-geber, Num. 33:35. Deut. 2:8.nga adda iti denna ti Elot, iti igid ti Baybay a Nalabaga, iti daga ti Edom.

27Ket ni Hiram imbaonna 1 Ar. 10:11.cadagiti sasacayan dagiti ad-adipenna a marinero a mannacaammo iti taaw, a caduada dagiti ad-adipen ni Salomon.

28Ket isuda napanda sadi Ofir, 1 Ar. 10:11; 22:49. Job 22:24.ket nangalada sadiay iti balitoc nga uppat a gasut ket duapulo a talento, 2 Cron. 8:18.ket isu ti impanda ken ari Salomon.